Uppgjör þar sem um altjón á húseignum er að ræða eru hafin í 65 málum. Af þeim eru 34 mál vegna íbúarhúsnæðis og nemur heildarbótafjárhæð samtals um 6,6 milljörðum króna. Endanlegur fjöldi altjónshúsa liggur ekki fyrir, en að óbreyttu má búast við að fjöldi þeirra verði á bilinu 70-75 ef ekki verða verulegar breytingar á hamförunum í Grindavík frá því sem nú liggur fyrir.

Bótafjárhæðir vegna hlutatjóns liggja nú fyrir í 168 málum og hafa niðurstöður tjónamats verið birtar í flestum þessara mála. Af þeim eru 137 hlutatjónsmál vegna íbúðarhúsnæðis þar sem heildarbótafjárhæð nemur samtals 260 milljónum króna. Í 27 málum er um að ræða hlutatjón á innbúum og lausafé þar sem heildarbótafjárhæð er samtals um 86 milljónir króna.