Andmæli vegna tjónamats
Af ríflega 300 eigendum sem fengið hafa kynningu á matsgerðum hafa 42 sent inn andmæli þar gerðar hafa verið athugasemdir við fyrirliggjandi tjónamat. Athugasemdir sem, borist hafa eru fyrst og fremst þríþættar: Í fyrsta lagi telja eigendur að ástand á húsum hafi versnað frá því að tjónamat fór fram, en stór hluti tjónaskoðanna fór fram áður en eldgosið í byrjun janúar hófst. Þau eldsumbrot höfðu nokkur áhrif á þær húseignir sem næst standa sprungum. Í öðru lagi að telja eigendur að reiknaðar tjónabætur dugi ekki til að gera við eignirnar. Í þriðja lagi greinir eigendum og matsmönnum á um hvort tjón sé af völdum náttúruhamfara eða af öðrum orsökum, s.s. vegna byggingargalla, raka eða ófullnægjandi frágangs á eigninni.
Þegar andmæli hafa borist vegna tjóna í Grindavík hafa matsmenn verið fengnir til að fara aftur á staðinn til að endurskoða fyrra mat. Af þeim 42 málum þar sem andmæli hafa borist á eftir að fara í tjónamat í sjö tilvikum.