Þann 18. júlí 2023 var gefin út ný reglugerð nr. 770/2023 um Náttúruhamfaratryggingu Íslands. Hún leysir af hólmi reglugerð nr. 700/2019.
Helstu breytingar í reglugerðinni snúa að skýrari afmörkun á jarðskjálftum og eldgosum sem teljast bótaskyld hjá stofnuninni, umfjöllun um meðferð bótamála vegna muna sem hafa sérstakt minjagildi, skyldutryggingu á flotbryggjum, skilgreiningu á heimild til þess að allt að 15% búsmuna séu utan heimilis vátryggingataka og breytt útfærsla á iðgjaldaskilum almennu vátryggingafélaganna til NTÍ.
Reglugerðin hefur þegar tekið gildi, en ákvæðið sem snýr að iðgjaldaskilum almennu vátryggingafélaganna öðlast gildi 1. janúar 2024.

Hlekkur á nýja reglugerð