Ef tjón hefur orðið á vátryggðu innbúi

Ef innbú er brunatryggt hjá vátryggingarfélagi (t.d. Fjölskylduvernd, F plús, Heimatrygging, Heimilisvernd) þá er það vátryggt hjá NTÍ gegn náttúruhamförum. Ef í ljós kemur að tjón hefur orðið á vátryggðu innbúi þegar farið verður inn í hús í Grindavík næstu daga, þá er best að hringja strax í NTÍ í síma 575-3300. Starfsmenn þar munu aðstoða við skráningu tjónsins og ákveða í samráði við eigendur hvenær hægt verður að skoða og meta tjónið.

Þegar búslóð er flutt frá Grindavík

Mikilvægt er að taka myndir af þeim hlutum sem skildir verða eftir í Grindavík, hvort sem þeir eru skemmdir eða ekki. 

Trygging í flutningi og á nýjum stað

Hægt er að kaupa sérstakar flutningstryggingar hjá almennu tryggingarfélögunum vegna mögulegra skemmda á innbúi vegna flutninga. Þegar flutningi innbús er lokið þarf að upplýsa tryggingarfélag um staðsetngingu innbús til að tryggja að það sé réttilega tryggt á nýjum stað fyrir hvers kyns tjónum.