Eitt af hlutverkum Lyfjastofnunar er að hafa eftirlit með framboði lyfja, með það að markmiði að koma í veg fyrir að lyfjaskortur hafi áhrif á öryggi sjúklinga. Lyfjastofnun hefur því unnið að því að fjölga markaðssettum lyfjum.

Tvö nýlega markaðssett lyf leysa af hólmi undanþágulyf

Það er ánægjulegt að geta sagt frá því að tvö nýlega markaðssett lyf leysa af hólmi það undanþágulyf sem verið hefur í hvað mestri notkun í undanþágukerfinu undanfarin misseri, undanþágulyfið utrogest. Markaðssettu lyfin eru Utrogestan og Progesterone Alvogen. Utrogest sést þó enn í töflunni yfir mikið notuð undanþágulyf í janúar, þar sem Utrogestan 100 mg kom á markað 1. febrúar sl. Utrogestan 200 mg kom hins vegar á markað 1. janúar sl. Progesterone Alvogen 100 mg kom á markað 1. febrúar sl.

Hér að neðan eru tveir listar. Sá fyrri sýnir þau undanþágulyf sem voru í notkun í janúar sl. vegna lyfjaskorts. Sá síðari sýnir öll tuttugu efstu lyfin í undanþágukerfinu, þau sem læknar ávísuðu oftast í janúar 2025.

Athygli skal vakin á því að í sérstökum tilfellum getur Lyfjastofnun heimilað lyfjafræðingum apóteka að breyta lyfjaávísun læknis á tiltekið lyf þannig að ávísunin gildi fyrir það undanþágulyf sem búið er að heimila. Úrræðið er einungis notað þegar ljóst þykir að án aðgerða kæmi upp íþyngjandi staða fyrir sjúklinga og heilbrigðisstarfsmenn. Í þeim tilfellum eru ávísanirnar hefðbundnar þó að um undanþágulyf sé að ræða við afgreiðslu og koma því ekki fram á listunum sem fylgja.

Undanþágulyf sem voru í notkun í janúar vegna lyfjaskorts

Í listanum eru upplýsingar um heiti undanþágulyfsins, lyfjaform, fjölda ávísana, heiti lyfsins sem undanþágulyfið leysir af hólmi, markaðsleyfishafi þess, umboðsaðili og heildsala.

Tuttugu undanþágulyf sem oftast var ávísað í janúar 2025

*Þau undanþágulyf sem eru stjörnumerkt eru í notkun vegna skorts á markaðssettu lyfi