Árleg bólusetning gegn inflúensu hefst innan skamms. Tvenns konar bóluefni hefur verið keypt til landsins og verður tilbúið til afhendingar á næstu tveimur vikum. Fram kemur í tilkynningu frá sóttvarnalækni að eins og undanfarin ár verður dreifingu forgangsraðað til hjúkrunarheimila og heilbrigðisstofnana þar sem forgangshópar verða bólusettir fyrstu vikurnar. Allar ákvarðanir um framkvæmd og fyrirkomulag bólusetninga er á höndum sóttvarnalæknis.

Bóluefnin tvö

Veturinn 2026-2027 verður notast við tvenns konar bóluefni. Annars vegar nefúðabóluefnið Fluenz, hins vegar stungulyfið Influvac. Bæði bóluefnin eru þrígild, beinast gegn inflúensu A (H1N1 og H3N2 stofnar) og inflúensu B (Victoria stofni). Bæði bóluefnin geta innihaldið eggjaprótín og ætti ekki að nota fyrir einstaklinga með lífshættulegt eggjaofnæmi.

Fylgiseðillinn inniheldur upplýsingar ætlaðar notendum

Upplýsingar ætlaðar notendum er að finna í fylgiseðli bóluefnanna sem eru aðgengilegir á lyf.is. Lyfjanotendur og aðstandendur þeirra eru hvattir til að kynna sér upplýsingar um bóluefnin í fylgiseðlinum, s.s. upplýsingar um þekktar aukaverkanir. Jafnframt er bent á að tilkynna allar aukaverkanir sem grunur er um að fylgi lyfjanotkun til Lyfjastofnunar, þetta á einnig við um bóluefni.

Fluenz er lifandi veiklað nefúðabóluefni ætlað fyrir öll börn 2-4 ára og 5-17 ára börn með áhættuþætti þar sem ekki koma til frábendingar. Keyptir hafa verið 15.000 skammtar af bóluefninu.

Veirustofnar í Fluenz

• B/Austria/1359417/2021 - like strain (B/Austria/1359417/2021, MEDI 355292)

• Influenza A virus, subtype H3N2, strain A/Croatia/10136RV/2023-like strain (A/Perth/722/2024, MEDI 392611), Live

• Influenza virus A/Victoria/4897/2022 (H1N1)pdm09 - like strain (A/Norway/31694/2022, MEDI 369815)

Influvac er hefðbundið óvirkjað inflúensubóluefni sem hæfir börnum frá 6 mánaða aldri og fullorðnum. Keyptir hafa verið 90.000 skammtar af bóluefninu.

Veirustofnar í Influvac

• B/Phuket/3073/2013-líkur stofn (B/Phuket/3073/2013, villigerð)

• A/Missouri/11/2025 (H1N1)pdm09-líkur stofn (A/Missouri/11/2025, IVR-279)

• A/Darwin/1454/2025 (H3N2)-líkur stofn (A/Michigan/105/2025, SAN-049A)

• B/Tokyo/EIS13-175/2025-líkur stofn (B/Tokyo/EIS13-175/2025, villigerð)

• A/Missouri/11/2025 (H1N1)pdm09-líkur stofn (A/Missouri/11/2025, IVR-279)

• A/Darwin/1454/2025 (H3N2)-líkur stofn (A/Michigan/105/2025, SAN-049A)

• B/Tokyo/EIS13-175/2025-líkur stofn (B/Tokyo/EIS13-175/2025, villigerð)

Forgangshópar

Sóttvarnalæknir mælist til að eftirtaldir áhættuhópar að njóti forgangs við inflúensubólusetningu:

• Allir einstaklingar 60 ára og eldri.

• Börn undir 5 ára aldri, sem hafa náð 6 mánaða aldri þegar bólusett er.

• Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum.

• Barnshafandi konur.

• Heilbrigðisstarfsmenn sem annast einstaklinga í áhættuhópum sem taldir eru upp hér að ofan.

• Fólk í starfstengdri áhættu vegna samsmits árlegrar inflúensu og fuglainflúensu, nánar í

  skilgreiningu frá árinu 2023

Þess er vænst að bólusetningar forgangshópa geti hafist um allt land upp úr miðjum október en aðrir sem fá úthlutað bóluefni fá það væntanlega í nóvember, þar með talið aðilar sem sinna bólusetningum á vinnustöðum.