Listi yfir þær pakkningar sem felldar verða úr lyfjaverðskrá desembermánaðar 2023 hefur verið birtur.

Ef birgðir eru væntanlegar fyrir næstu mánaðamót er hægt að óska eftir að pakkningarnar verði ekki felldar úr verðskránni.

Þann 15. hvers mánaðar eða næsta virka dag á undan, safnar Lyfjastofnun gögnum úr lista á vef Sjúkratrygginga Íslands, yfir þær pakkningar með skráningu um birgðaskort sem staðið hefur lengur en 90 daga. Þær pakkningar verða felldar úr lyfjaverðskrá næstu mánaðarmót á eftir. Þannig verða pakkningar í nýbirtum lista felldar úr lyfjaverðskrá desembermánaðar.

Umboðsmenn og tengiliðir eru beðnir um að skoða lyfjapakkningar í sinni umsýslu, en hægt er að óska eftir að pakkningarnar verði ekki brottfelldar ef birgðir eru væntanlegar fyrir næstu mánaðamót. Slíka beiðni skal senda í gegnum hafa samband form á vef stofnunarinnar með því að velja málefnið "Verð og greiðsluþátttaka" úr felliglugga.