Tafir á afhendingu inflúensubóluefna hafa sett strik í reikninginn víðsvegar um Evrópu í haust. Yfirvöld margra landa hafa greint frá seinkunum á afhendingu og þurft að fresta bólusetningum eða forgangsraða þeim sem eru í mestri hættu á alvarlegum veikindum.

Svipaða sögu var að segja hér á landi þegar tilkynnt var um að bólusetningum yrði frestað þar sem bóluefnið hafði ekki borist til landsins samkvæmt upphaflegri áætlun. Nú liggur hins vegar fyrir staðfesting þess efnis að allir fyrirhugaðir skammtar hafi borist til landsins og að dreifing þeirra sé hafin.

Þetta þýðir að þrátt fyrir þær tafir sem urðu í upphafi hefur tekist að tryggja afhendingu alls þess bóluefnis sem pantað var fyrir bólusetningar gegn inflúensu á Íslandi í haust.