Málþingið var á vegum átaksverkefnisins „Lyf án skaða“ og var haldið á Reykjavík Natura hótelinu þann 5. október 2023 en þátttaka var einnig aðgengileg á netinu.

Markmið málþingsins var að fylgja eftir vitundarvakningu um lyfjaöryggi landsmanna og opna umræðu á mikilvægi þess að endurskoða reglulega lyfjameðferðir einstaklinga á Íslandi.

Á alþjóðavettvangi hefur þessi vitundarvakning gengið undir enska heitinu „deprescribing“ en skort hefur á íslenska þýðingu þess hugtaks og þeirrar aðferðafræði sem það vísar til.

Fundarstjórar voru Magnús Karl Magnússon, prófessor í lyfja- og eiturefnafræði, Læknadeild HÍ og Jón Steinar Jónsson, yfirlæknir á Þróunarmiðstöð íslenskrar heilsugæslu.

Dagskrá og samantekt málþings (pdf)