Heilsan okkar er ný fundaröð Háskóla Íslands og Landspítala sem hefur það að markmiði að varpa ljósi á áríðandi mál líðandi stundar er varða heilsu og heilbrigðisþjónustu.

Þessir mánaðarlegu upplýsingafundir eru öllum opnir og verða á dagskrá síðasta föstudag hvers mánaðar. Tekið er við spurinngum úr sal eftir að erindum lýkur og þá fara einnig fram pallborðsumræður.

Umsjón og ritstjórn: Margrét Guðnadóttir

Litið verður yfir stöðu og þróun aðstæðna hjá eldra fólki á Íslandi síðustu ár

Ásamt því að tengja saman lýðfræðilegar breytingar og heilbrigða öldrun við þær áskoranir sem fylgja breyttu heilsufarsástandi á efri árum. Í ljósi þess að þjóðin eldist hratt er mikilvægt að horfa til margbreytilegra aðstæðna þess fjölbreytta hóps sem eldra fólk er. Einnig er hægt að skoða upptöku af viðburðinum.

Dagskrá

• Kolbeinn H. Stefánsson, dósent við Félagsráðgjafardeild – Lýðfræði og tekjur: Er fátækt hverfandi meðal eldra fólks?

• Halldór S. Guðmundsson, dósent við Félagsráðgjafardeild – Velferð og vinna eldra fólks

• Anna Björg Jónsdóttir, yfirlæknir öldrunarlækninga – Heilbrigð öldrun

• Margrét Guðnadóttir, forstöðumaður Miðstöðvar í öldrunarfræðum og sérfræðingur í heimahjúkrun – Að eldast heima og aðlagast heilsumissi

• Fundarstjóri er María Heimisdóttir, landlæknir

Hægt er að skoða fleiri upptökur af fundarröðinni Heilsan okkar á vef HÍ.