Evrópuþing öldrunarlækna haldið Hörpu

Evrópuþing öldrunarlækna (EuGMS 2025) fer fram í Reykjavík 24.-26. september og er það í fyrsta sinn sem þessi stóra ráðstefna er haldin á Íslandi.

Þingið er einn helsti vettvangur öldrunarlækna og annarra fagstétta í öldrunarþjónustu auk vísindamanna á sviði öldrunarlækninga og öldrunarfræða til að hittast og deila rannsóknum og reynslu.

Á ráðstefnunni verður fjallað um nýjustu rannsóknir, meðferðarmöguleika og stefnumótun á sviði öldrunarlækninga. Sérstök áhersla verður á samfélagslegar áskoranir sem fylgja fjölgun eldri einstaklinga með fjölveikindi og hrumleika og mikilvægi fjölbreyttrar þjónustu.

Íslenskt samfélag stendur frammi fyrir sömu áskorunum og önnur Evrópulönd: fjölgun eldri einstaklinga með fjölveikindi og krefst þetta nýrrar hugsunar, aukinnar samþættingar og nýrra lausna í heilbrigðis- og félagsþjónustu.

Skráning fer fram á heimasíðu ráðstefnunnar.