Landspítali tryggir að sjúklingar sem tala ekki íslensku eða nota táknmál, fái túlkun og aðra þjónustu samkvæmt lögum um réttindi sjúklinga.

Landspítali útvegar túlk þegar þarf

Starfsfólk á Landspítala pantar túlk þegar þarf og passar að sjúklingar fái og skilji mikilvægar upplýsingar eins og:

• heilsufar og batahorfur

• fyrirhugaða meðferð, áhættu og gagnsemi

• aðra valkosti og afleiðingar þess að gera ekkert

• möguleikann á að fá álit annars læknis

Upplýsingar skulu gefnar strax, svo sjúklingur geti tekið upplýstar ákvarðanir um meðferð sína.

• Samningur er í gildi við Alþjóðasetur til að tryggja aðgengi að túlkaþjónustu fyrir sjúklinga sem ekki tala íslensku.

• Starfsfólk staðfestir veitta túlkun í sjúkraskrá sjúklings.