Landspítali
Örugg dvöl á sjúkrahúsi
Átta ráð/leiðbeiningar fyrir sjúklinga sem leggjast inn á Landspítala sem auðvelda þeim að hafa áhrif á og taka þátt í eigin meðferð. Markmiðið er að fyrirbyggja byltur, ranga lyfjagjöf, tryggja farsæla útskrift og hvetja fólk til að viðra áhyggjur sínar um meðferð, svo eitthvað sé nefnt.
8 einföld atriði sem gott er að hafa í huga til að sjúkrahúsdvölin verði sem öruggust
Byltur:
Vertu í stömum sokkum, sem þú getur fengið á deildinni, eða í góðum og stöðugum skóm.
Notaðu hjálpartæki við göngu ef þörf er á.
Láttu okkur vita ef þig vantar aðstoð eða fylgd.
Blóðtappi:
Hreyfðu þig eins mikið og þér er ráðlagt.
Reyndu að gera einfaldar æfingar fyrir fætur og ökkla.
Notaðu stuðningssokka ef starfsfólkið ráðleggur þér það.
Drekktu vökva samkvæmt ráðleggingum.
Spurðu hvort þú þurfir blóðþynningarlyf.
Sýkingar:
Þvoðu hendur eftir salernisferðir og sprittaðu þær fyrir máltíðir.
Ekki hika við að spyrja starfsfólk hvort það hafi hreinsað hendur áður en það sinnir þér.
Láttu vita ef þú hefur niðurgang, uppköst, kvef eða flensueinkenni.
Lyf:
Láttu okkur vita ef þú hefur ofnæmi fyrir lyfjum.
Talaðu við starfsfólk deildar ef þú þekkir ekki lyfin sem þú færð eða hefur áhyggjur af áhrifum þeirra.
Fáðu upplýsingar um hugsanlegar aukaverkanir lyfja.
Þrýstingssár:
Vertu eins mikið á fótum og hægt er.
Skiptu oft um stellingu og láttu vita ef það fer illa um þig.
Starfsfólk aðstoðar gjarnan við að hagræða þér og getur útvegað sérstaka dýnu eða kodda til stuðnings.
Persónu upplýsingar:
Kannaðu hvort upplýsingar á auðkennisarmbandi eru réttar.
Vertu viss um að við séum með réttar upplýsingar um nánasta aðstandanda þinn.
Láttu vita um ofnæmi svo hægt sé að skrá það í sjúkraskrá og gera viðeigandi ráðstafanir.
Áhyggjur:
Við viljum gjarnan aðstoða þig. Láttu okkur vita ef þú hefur áhyggjur varðandi meðferðina eða við hverju má búast eftir útskrift.
Útskrift:
Fyrir útskrift áttu að fá:
Skriflegt fræðsluefni ef við á.
Upplýsingar um hvað þú getur gert til að stuðla að betri líðan.
Upplýsingar um lyf og hvernig á að nota þau.
Upplýsingar um hugsanleg hættumerki og hvert á að leita ef þú hefur spurningar eða áhyggjur.
Endurkomutíma ef við á.
Fræðsluefni á öðrum tungumálum:
Þetta fræðsluefni er hannað af Guy's and St. Thomas' NHS Foundation Trust og MultiAdaptor í Bretlandi og þýtt og staðfært með leyfi útgefanda. Það hefur verið gefið út á fjölmörgum tungumálum.