Veitingaþjónustan framleiðir daglega um sex þúsund einingar af mat fyrir sjúklinga og starfsfólk. Þar starfa m.a. næringarfræðingar sem eru kokkunum innan handar við að setja saman matseðilinn enda er næring mikilvægur hluti af meðferð sjúklings. Þá á það að vera tilhlökkunarefni og notaleg stund fyrir starfsfólk að fara saman í mat.

Úr tilnefningu: „Veitingaþjónustan sýnir bæði fagmennsku og metnað í störfum sínum. Undanfarin misseri hafa orðið markverðar framfarir í gæðum máltíða sem hafa jákvæð áhrif á líðan sjúklinga og aðstandenda og vinnudag starfsfólks. Með þessu mikilvæga framlagi gegnir veitingaþjónustan lykilhlutverki í daglegri starfsemi spítalans og er vel að heiðrun komið.“