Menntadeildin mun á næstu vikum heimsækja ýmsar starfsstöðvar spítalans og kenna starfsfólki hvernig bregðast eigi við fari fólk í hjartastopp: hvernig eigi að byrja að hnoða, blása og nota sjálfvirkt hjartastuðtæki áður en sérhæfð aðstoð berst. Sömuleiðis eru kennd viðbrögð við aðskotahluti í öndunarvegi og ofnæmislosti. Áður en verkleg kennsla hefst þarf fólk að ljúka u.þ.b. 1 klst. vefnámi í Eddu.

Næsta haust verða svo regluleg námskeið í grunnendurlífgun fyrir allt starfsfólk Landspítala í HermÍs hermisetrinu í Eirbergi á Eiríksgötu.

Þorkell Þorkelsson, ljósmyndari Landspítala, leit við á grunnendurlífgunarnámskeiði sem fram fór á líknardeildinni um miðjan marsmánuð.