Landspítali
Söfnuðu rúmri milljón fyrir barna- og unglingageðdeild
28. apríl 2025
Nemendur úr Fjölbrautaskólanum í Garðabæ héldu góðgerðarviku í apríl þar sem þau söfnuðu áheitum fyrir barna- og unglingageðdeild Landspítala.
Þau komu sjálf með frábærar hugmyndir að verkefnum, góðgerðarhlaup, dósasöfnun og ýmislegt annað skemmtilegt.
Nemendafélagið hafði háleit markmið fyrir vikuna og var stefnt á að safna einni milljón. Náðist það markmið og gott betur því samtals var safnað 1.200.000 krónum!
Landspítali þakkar kærlega fyrir þetta rausnarlega framlag.
Á myndinni má sjá Jónas Breka Kristinsson og Kristínu Jóhönnu Svansdóttur, formenn góðgerðarviku Nemendafélags Fjölbrautaskólans í Garðabæ, ásamt öðrum nefndarmeðlimum og starfsmönnum barna- og unglingageðdeildar Landspítalans, Unnsteini Jóhannssyni, ráðgjafa og Tinnu Guðjónsdóttur, deildarstjóra.