Upphæðin var nýtt til að kaupa reiðhjól og líkamsræktartæki fyrir virknisetur geðþjónustunnar við Hringbraut, batamiðstöðina á Kleppi og Laugarásinn, sem þjónustar ungt fólk með geðrofssjúkdóm á byrjunarstigi.

Það voru íþróttafræðingar sem starfa hjá geðþjónustunni sem völdu tækin í samvinnu við Njörð en þau eru mjög mikilvæg fyrir endurhæfingu og virkni allra þeirra sem njóta aðstoðar geðþjónustunnar.

Landspítali þakkar Lionsklúbbnum Nirði kærlega fyrir þessa rausnarlegu gjöf.