Sigríður útskrifaðist sem hjúkrunarfræðingur frá Háskóla Íslands 2004 og úr meistaranámi í barnahjúkrun við sama skóla 2017.

Sigríður hefur langa starfsreynslu á nýburagjörgæslu en hún hóf störf á deildinni haustið eftir útskrift 2004 og tók við sem aðstoðardeildarstjóri 2016 og hefur verið deildarstjóri á Vökudeild, nýbura- og ungbarnagjörgæslu frá 2019.

„Ég er þakklát traustinu og full tilhlökkunar að leiða áfram öfluga starfsemi nýburagjörgæslu á Landspítala. Saman með öflugu samstarfsfólki sem hefur umhyggju, fagmennsku, öryggi og framþróun að leiðarljósi munum við áfram geta veitt nýburum og fjölskyldum þeirra framúrskarandi þjónustu.“