Námið snýst um að veita klínísku starfsfólki þjálfun í að keyra nýsköpunarverkefni áfram þannig að hægt sé að innleiða tækninýjungar með skilvirkari hætti á spítalanum.

Það er mikilvægt að læknar komi að sköpun heilbrigðisþjónustu framtíðarinnar með leiðandi hætti og í nánu samstarfi við þá aðila sem geta komið þjónustunni á næsta skref. Til að mæta þeim áskorunum sem við sem samfélag stöndum frammi fyrir þurfum við lækna sem geta þróað starfsemina og þjónustuna á faglegan hátt.

Námið tekur eitt ár og hefur verið sérhannað til að bæta nýsköpunarfærni þátttakenda með formlegri kennslu og verkefnavinnu undir handleiðslu innlendra og erlendra sérfræðinga í nýsköpunar- og þróunarvinnu. Námsbrautin hentar klínískum fagaðilum sem hafa áhuga á að búa til nýjar lausnir sem nýtast sjúklingum, starfsfólki eða sem bæta starfsemina. Námið er krefjandi og þarf virka þátttöku til að standast námskröfur en unnið verður bæði í styttri kennslulotum og samfelldri verkefnavinnu.

Viðmælendur í myndbandinu eru Margrét Dís Óskarsdóttir, yfirlæknir sérnáms og Sigurður Þórarinsson, tæknistjóri þróunarsviðs.

Hægt er að kynna sér námið betur á sérnámsvef Landspítala.

https://player.vimeo.com/video/1036653840?badge=0&autopause=0&player%5Fid=0&app%5Fid=58479