Vandaðar útskriftir eru mikilvægar fyrir áframhaldandi búsetu í heimahúsi. Traust til þjónustuaðila og tengingar við þá sem veita þjónustuna geta verið lykillinn að því að einstaklingar geti haldið áfram sjálfstæðri búsetu. Mjög góð þátttaka var á málþinginu en fjölmargir fagaðilar og þjónustuaðilar komu fram og kynntu lausnir sem í boði eru. Sömuleiðis var fjallað um mikilvægi þess að fá fram góðar upplýsingar um aðstæður og stuðning heima strax við innlögn, því ef þörf er á miklum breytingum getur verið heppilegt að byrja undirbúning útskriftar nánast við upphaf innlagnar.

Málþingið var vel heppnað, fullt var í salnum og um 30 manns fylgdust með í streymi. Hægt er að horfa á upptöku af málþinginu hér.