Inga útskrifaðist úr hjúkrunarfræði frá Háskóla Íslands árið 2004 og hóf störf á hjartadeild Landspítala að loknu námi og starfaði þar til ársins 2014.

Samhliða starfinu á spítalanum starfaði hún sem framhaldsskólakennari og skólahjúkrunarfræðingur frá 2006-2018.

Árið 2017 hóf Inga störf á bráðalyflækningadeild og hefur starfað sem aðstoðardeildarstjóri frá 2022.

Inga lauk diplómanámi í kennslufræði frá Háskóla Íslands árið 2006 og MPA námi, opinber stjórnsýsla, nýsköpun og þróun þjónustu og starfshátta, frá sama skóla árið 2021.

„Ég tek þakklát við starfi deildarstjóra á bráðalyflækningadeild og hlakka til að takast á við þau verkefni sem framundan eru. Á deildinni starfar samhentur hópur fagfólks og mun ég leggja áherslu á að hlúa vel að þeim frábæra mannauð. Saman munum við halda áfram að veita framúrskarandi hjúkrunarþjónustu með það að markmiði að tryggja velferð og öryggi okkar skjólstæðinga.“