Hulda lauk kandídatsprófi í lyfjafræði frá Háskóla Íslands árið 1990 og mastersnámi í heilsuhagfræði frá sama skóla árið 2010. Hulda var stundakennari í lyfjahagfræði við Lyfjafræðideild HÍ frá 2010-2019.

Hulda býr yfir víðtækri reynslu af innkaupum innan heilbrigðiskerfisins og hefur náð mjög góðum árangri í verkefnum í opinberum innkaupum á lyfjum að norrænni fyrirmynd og í sameiginlegum norrænum útboðum, sem miða að lækkun lyfjakostnaðar og tryggu aðgengi.

„Ég þakka traustið og hlakka til að takast á við fleiri krefjandi verkefni á innkaupadeild Landspítala með því góða starfsfólki sem þar sinnir hagkvæmum opinberum innkaupum, með það að markmiði að tryggja öryggi sjúklinga og gæði heilbrigðisþjónustu.“