Í ár var þema dagsins heilbrigð öldrun en það felur í sér að vera virkur, viðhalda fjölskyldu- og vinasamböndum og halda áfram að sinna því sem skiptir viðkomandi mestu máli.

Nokkrum dögum fyrr fór fram málþing sjúkraþjálfunar Landspítala. Sjúkraþjálfarar, nemar, íþróttafræðingar, sjúkraliðar og annað starfsfólk sjúkraþjálfunarinnar hlýddu á fjölbreytta fyrirlestra og fengu kynningar á nýjum tækjabúnaði.

Þorkell Þorkelsson, ljósmyndari Landspítala, leit við á málþinginu og smellti af nokkrum myndum.