Háþrýstisúrefnismeðferð er nauðsynleg þjónusta sem m.a. er veitt í kjölfar köfunarslysa og alvarlegrar reykeitrunar. Einnig er meðferðinni beitt í vaxandi mæli í viðureign við þrálát sár og vefjadrep sem og gegn öðrum alvarlegum vandamálum. Meðferðin er sérhæfð og hefur nýverið verið ráðist í endurnýjun háþrýstisúrefnisklefans á Landspítala.

Frá og með næstu áramótum mun Landspítali alfarið taka yfir rekstur þjónustunnar sem verður haldið áfram í óbreyttu formi. Telur spítalinn sig vel í stakk búinn til að starfrækja umrædda þjónustu og þróa hana á gagnreyndan máta í samræmi við alþjóðlega viðurkennda staðla. 

Af gefnu tilefni vill Landspítali upplýsa bæði sjúklinga og starfsfólk um að áfram verði veitt háþrýstisúrefnismeðferð á spítalanum með sambærilegu móti og verið hefur.