Búist er við mikilli fjölgun krabbameinstilvika á Íslandi næstu tuttugu árin. Á Íslandi greinast árlega um 2.000 manns með krabbamein en gangi spár eftir má búast við því að árið 2045 verði greiningarnar orðnar ríflega 3.500 á ári. Sett hefur verið á fót krabbameinsmiðstöð á Landspítala og er unnið að því að fá alþjóðlega vottun til að tryggja að ströngustu gæðakröfur séu uppfylltar.

Í myndbandinu er rætt við Sigurdísi Haraldsdóttur, yfirlækni og forstöðumann fræðasviðs krabbameinslækninga á Landspítala og prófessor við Háskóla Íslands, og Béatrice Fervers, dósent í krabbameinslækningum og sérfræðing í krabbameinsforvörnum við Centre Léon Bérard spítala í Lyon, Frakklandi.