Deildin flutti starfsemi sína tímabundið í Skógarhlíð í desember 2021 vegna umfangsmikilla viðgerða og endurbóta á útveggjum og húsnæði B-álmu kvennadeildarinnar. Að framkvæmdum loknum sameinast þjónustan loks á nýjum og endurbættum stað. Með flutningnum verður meðgönguvernd, fósturgreining og bráðaþjónusta kvenna- og barnaþjónustu aftur undir sama þaki, sem tryggir betra flæði, nánara samstarf fagfólks og enn heildstæðari þjónustu við skjólstæðinga.

Á fósturgreiningardeild er veitt sérhæfð þjónusta, svo sem: 

• 11–14 vikna fósturskimun 

• 20 vikna fósturskimun 

• Vaxtar- og flæðismælingar 

• Legvatns- og fylgjuvefssýnatökur 

Starfsfólk deildarinnar hlakkar til að taka á móti verðandi foreldrum og fjölskyldum í endurbættu húsnæði við Hringbraut.