Landspítali
Dr. Paolo Gargiulo sæmdur riddaraorðu ítalska ríkisins
4. nóvember 2025
Paolo Gargiulo, forstöðumaður heilbrigðistækniseturs Landspítala og Háskólans í Reykjavík hefur verið sæmdur einni æðstu viðurkenningu ítalska ríkisins fyrir framúrskarandi störf í heilbrigðisverkfræði og alþjóðlegu samstarfi milli Íslands og Ítalíu.
Sndiherra Ítalíu gagnvart Íslandi, Stefano Nicoletti, og Isabella Rauti, fulltrúi utanríkisráðherra afhentu Paolo orðuna við hátíðlega athöfn í HR þann 16. október.
Paolo er mikilvirkur fræðimaður á sviði heilbrigðisverkfræði og frumkvöðull í þróun og þrívíddaprentun líffæralíkana til nota í klínískum aðgerðum.
Árið 2013 var hann útnefndur ungur vísindamaður Landspítala.
Við óskum Paolo innilega til hamingju með þessa verðskulduðu viðurkenningu.
Hér má lesa ítarlegt viðtal um rannsóknarstörf Dr. Paolo Gargiulo