Bent er á að í Landspítala-appinu er hægt að skoða og breyta tímabókunum, sjá hvar á að mæta og hjá hverjum tíminn er. Þar er sömuleiðis hægt að nálgast rannsóknarniðurstöður. Á Heilsuveru er einnig hægt að sjá tímabókanir á Landspítala auk samskipta við ákveðnar deildir.

Á heimasíðu Landspítala er hægt að sjá símanúmer flestra legudeilda og upplýsingar um opnunartíma og starfsemi dag- og göngudeilda. Þá er hægt að fletta upp öllum deildum spítalans, sjá hvar þær eru staðsettar og hvar inngangur þeirra er.