Bráðamatsdeild sinnir fjölbreyttum hópi sjúklinga með bráð veikindi sem þurfa umfangsmeira mat og meðferð en unnt er að veita á bráðamóttöku. Markmið deildarinnar er að greina og hefja meðferð snemma, tryggja aðkomu reynds fagfólks og koma sjúklingum hratt í viðeigandi úrræði innan eða utan spítalans.

Deildin mun rúma 20 sjúklinga og vinnur þverfaglegt teymi saman að því að greina sjúklingana og veita þeim meðferð.

Í myndbandinu er rætt við Hrönn Guðbjartsdóttur, deildarstjóra bráðamatsdeildar, Hlyn Indriðason, yfirlækni almennrar lyflækningadeildar, Hólmfríði Gylfadóttur, klínískan lyfjafræðing, og Þóru Björgu Sigurþórsdóttur, yfirsjúkraþjálfara í Fossvogi.