Deildin er viðbót við bráðaþjónustu Landspítala og er ætlað að dreifa álagi þannig að betur verði hægt að ráða við vaxandi verkefni. Skipulag deildarinnar verður að breskri fyrirmynd og hafa sérfræðingar þaðan verið Landspítala innan handar við undirbúning.

Í meðfylgjandi myndbandi er rætt við Rafn Benediktsson, framkvæmdastjóra bráða-, lyflækninga- og endurhæfingarþjónustu Landspítala, Vicky Price, forseta Félags bráðalyflækna í Bretlandi, Bethany Griffith bráðalyflækni og Hannah Hegarty, sérfræðing í hjúkrun.