Fíkn er algengur vandi meðal sjúklinga á mörgum sviðum heilbrigðisþjónustunnar og snertir þjónustu þeirra langt umfram sérhæfða fíknimeðferð. Því er mikilvægt að læknar af ólíkum starfsvettvangi hafi trausta innsýn í greiningu, meðferð og eftirfylgd einstaklinga með fíknisjúkdóma, sem oft fara saman við aðra alvarlega heilsufars- og félagslega erfiðleika.

Með nýju samstarfi gefst sérnámslæknum í fjölda greina kostur á að starfa í nokkra mánuði hjá SÁÁ sem hluta af sérnámi sínu. Þar öðlast þeir dýrmæta klíníska reynslu, kynnast þverfaglegu samstarfi og fá betri skilning á lífsferli fíknisjúkdóma.