Við styrkveitingar að þessu sinni verður sérstök áhersla lögð á lýðheilsuáskoranir barna og ungmenna. Þetta eru áskoranir sem snerta andlega líðan (kvíða, vanlíðan og einmanaleika), skjánotkun, neyslu koffíndrykkja, hreyfingarleysi, ofbeldi, tóbaks- og nikótínnotkun, notkun áfengis og annarra vímuefna, spilafíkn, holdafar, næringu og svefn.

Við úthlutun styrkja verða í forgangi verkefni á eftirtöldum sviðum sem byggja á sterkum rannsóknargrunni:

• Geðheilsu og þroska á fyrstu æviárunum

• Skólanum sem vettvangi heilsueflingar og forvarna

• Félagstengslum barna og ungmenna

• Heilbrigðum uppvaxtarskilyrðum og lifnaðarháttum barna og ungmenna

• Inngildingu og jöfnum tækifærum barna og ungmenna í samfélaginu

• Eflingu heilsulæsis og fræðslu til að vinna gegn fordómum

• Heildrænar lýðheilsuáætlanir heilsueflandi samfélaga

Við úthlutun verður einnig tekið mið af eftirfarandi stefnum og aðgerðaáætlunum:

• Lýðheilsustefna og aðgerðir sem stuðla að heilsueflandi samfélagi

• Þingsályktun um lýðheilsustefnu til ársins 2030

• Stefna í áfengis- og vímuvörnum til 2020

• Stefna og aðgerðaáætlun í geðheilbrigðismálum til 2030

• Stjórnarsáttmáli um bætta lýðheilsu, aukna velsæld og jafnt aðgengi

• Aðgerðaáætlun til að fækka sjálfsvígum á Íslandi 2025-2030

Verkefnin eiga að byggja á faglegum grunni og hafa raunhæf og skýr markmið. Gera þarf grein fyrir hvernig árangur verkefnis verður metinn og skila framvinduskýrslu að verkefni loknu. Víðtækt samstarf hagsmunaaðila í samfélaginu er kostur.

Aðilar sem selja eða markaðssetja áfengi, nikótín eða orkudrykki til ungmenna geta ekki hlotið styrk úr Lýðheilsusjóði.