Reglugerð um (2.) breytingu á reglugerð nr. 650/2022, um veiðar á makríl.

1. gr.

3. mgr. 2. gr. reglugerðarinnar orðast svo:

Heimilt er hverju skipi að veiða allt að 5% umfram aflamark í makríl á árinu 2022 og dregst sá umframafli frá aflamarki þess á árinu 2023. Heimilt er að flytja allt að 15% aflamarks fiskiskips í makríl frá árinu 2022 til ársins 2023. Flutningsheimildir samkvæmt þessari grein eiga einnig við um aflaheimildir sem dregnar eru frá leyfilegum heildarafla samkvæmt 3. mgr. 8. gr. laga nr. 116/2006 (5,3%) og samkvæmt 10. gr. laga nr. 116/2006 (4.000 lestir).

2. gr.

Reglugerð þessi er sett samkvæmt ákvæðum 16. gr. laga nr. 116/2006, um stjórn fiskveiða og 19. gr. laga nr. 151/1996 um fiskveiðar utan lögsögu Íslands. Reglugerðin öðlast þegar gildi.

Matvælaráðuneytinu, 7. desember 2022.

Svandís Svavarsdóttir.

Áslaug Eir Hólmgeirsdóttir.