Reglugerð um menntun, þjálfun og atvinnuréttindi farmanna.

Kröfur STCW-samþykktarinnar um menntun og þjálfun sem um getur í 4. gr.

I. KAFLI Almenn ákvæði.

1. Til viðbótar reglum þessa viðauka skulu koma lögboðin ákvæði í A-hluta STCW-kóðans, að undanskilinni reglu VIII/2 í VIII. kafla STCW-kóðans.

Líta ber á sérhverja tilvísun í kröfu tiltekinnar reglu sem tilvísun í samsvarandi þátt í A-hluta STCW-kóðans.

2. Í A-hluta STCW-kóðans er að finna hæfniskröfur sem umsækjendur um útgáfu eða endurnýjun réttindaskírteina verða að uppfylla samkvæmt ákvæðum STCW-samþykktarinnar. Til að skýra tengsl milli ákvæða um annars konar útgáfu réttindaskírteina í VII. kafla og ákvæða um útgáfu réttindaskírteina í II., III. og IV. kafla er færni, sem er tilgreind í hæfniskröfunum, flokkuð, eftir því sem við á, undir eftirfarandi sjö starfssvið:

1. siglingu,
2. meðhöndlun farms og hleðslu,
3. stjórn skips og eftirlit með öryggi einstaklinga um borð,
4. sjóvélstjórn,
5. umsjón með rekstri og stjórnun rafbúnaðar og rafeindabúnaðar,
6. viðhald og viðgerðir,
7. þráðlaus fjarskipti

á eftirfarandi ábyrgðarsviðum:

1. stjórnunarsviði,
2. rekstrarsviði,
3. stoðsviði.

Undirtitlar í töflum um hæfniskröfur, sem eru tilgreindar í II., III. og IV. kafla í A-hluta STCW-kóðans, sýnir starfssvið og ábyrgðarsvið.

II. KAFLI Skipstjóri og þilfarsdeild.

Regla II/1

Lögboðnar lágmarkskröfur sem fullnægja ber til að fá útgefið réttindaskírteinisem yfirmaður siglingavaktar á skipum sem eru 500 brúttótonn eða stærri.

1. Hver yfirmaður sem ber ábyrgð á siglingavakt og starfar um borð í hafskipi sem er 500 brúttótonn eða stærra skal hafa réttindaskírteini.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. hafa að baki viðurkenndan siglingatíma, sem nemur a.m.k. 12 mánuðum, enda hafi hann verið hluti af viðurkenndri námsbraut þar sem þjálfun um borð fullnægir kröfunum í þætti A-II/1 í STCW-kóðanum, og skal siglingatíminn skráður í viðurkennda þjálfunarbók, eða hafa að baki að öðrum kosti viðurkenndan siglingatíma sem nemur a.m.k. 36 mánuðum,

2.3. hafa staðið vaktir í brú á tilskildum siglingatíma undir eftirliti skipstjóra eða yfirmanns með menntun og hæfi um a.m.k. sex mánaða skeið,

2.4. fullnægja gildandi kröfum reglnanna í IV. kafla, eftir því sem við á, til að geta unnið tiltekin skyldustörf við fjarskipti í samræmi við alþjóðafjarskiptareglurnar,

2.5. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-II/1 í STCW-kóðanum og

2.6. fullnægja hæfniskröfunni sem er tilgreind í 2. mgr. í þætti A-VI/1, 1.-4. mgr. í þætti A-VI/2, 1.-4. mgr. í þætti A-VI/3 og 1.-3. mgr. í þætti A-VI/4 í STCW-kóðanum.

Regla II/2

Lögboðnar lágmarkskröfur sem fullnægja ber til að fá útgefið réttindaskírteinisem skipstjóri og yfirstýrimaður á skipum sem eru 500 brúttótonn eða stærri.

Skipstjóri og yfirstýrimaður á skipum sem eru 3000 brúttótonn eða stærri.

1. Hver skipstjóri og yfirstýrimaður á hafskipum sem eru 3000 brúttótonn eða stærri skal hafa réttindaskírteini.

2. Umsækjandi um útgáfu réttindaskírteinis skal:

2.1. fullnægja kröfum til að fá útgefið réttindaskírteini sem yfirmaður sem ber ábyrgð á siglingavakt á skipum, sem eru 500 brúttótonn eða stærri, og hefur að baki viðurkenndan siglingatíma sem er:

2.1.1. eigi skemmri en 12 mánuðir til að fá útgefið atvinnuskírteini sem yfirstýrimaður og

2.1.2. eigi skemmri en 36 mánuðir til að fá útgefið réttindaskírteini sem skipstjóri; þó er heimilt að stytta þennan tíma í 24 mánuði hið minnsta ef umsækjandi hefur starfað sem yfirstýrimaður a.m.k. 12 mánuði af slíkum siglingatíma.

2.2. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-II/2 í STCW-kóðanum fyrir skipstjóra og yfirstýrimenn á skipum sem eru 3000 brúttótonn eða stærri.

Skipstjóri og yfirstýrimaður á skipum sem eru á bilinu 500 til 3000 brúttótonn.

3. Hver skipstjóri og yfirstýrimaður á hafskipi, sem er á bilinu 500 til 3000 brúttótonn, skal hafa réttindaskírteini.

4. Umsækjandi um útgáfu réttindaskírteinis skal:

4.1. fullnægja kröfum til yfirmanns sem ber ábyrgð á siglingavakt á skipum, sem eru 500 brúttótonn eða stærri, til að fá útgefið réttindaskírteini sem yfirstýrimaður,

4.2. fullnægja kröfum til yfirmanns sem ber ábyrgð á siglingavakt á skipum, sem eru 500 brúttótonn eða stærri, og hefur að baki viðurkenndan siglingatíma sem er eigi skemmri en 36 mánuðir, til að fá útgefið réttindaskírteini sem skipstjóri; þó er heimilt að stytta þennan tíma í 24 mánuði hið minnsta ef umsækjandi hefur starfað sem yfirstýrimaður a.m.k. 12 mánuði af slíkum siglingatíma og

4.3. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-II/2 í STCW-kóðanum fyrir skipstjóra og yfirstýrimenn á skipum sem eru á bilinu 500 til 3000 brúttótonn.

Regla II/3

Lögboðnar lágmarkskröfur sem fullnægja ber til að fá útgefið réttindaskírteini sem yfirmaðursem ber ábyrgð á siglingavakt eða skipstjóri á skipum sem eru minni en 500 brúttótonn.

Skip, önnur en strandsiglingaskip.

1. Hver yfirmaður sem ber ábyrgð á siglingavakt á hafskipi, sem er minna en 500 brúttótonn og er ekki strandsiglingaskip, skal hafa réttindaskírteini fyrir skip sem eru 500 brúttótonn eða stærri.

2. Hver skipstjóri á hafskipi, sem er minna en 500 brúttótonn og er ekki strandsiglingaskip, skal hafa réttindaskírteini fyrir skipstjóra á skipum sem eru á bilinu 500 til 3000 brúttótonn.

Strandsiglingaskip.

Yfirmaður sem ber ábyrgð á siglingavakt.

3. Hver yfirmaður sem ber ábyrgð á siglingavakt á hafskipi til strandsiglinga, sem er minna en 500 brúttótonn, skal hafa réttindaskírteini.

4. Umsækjandi um útgáfu réttindaskírteinis sem yfirmaður sem ber ábyrgð á siglingavakt á hafskipi til strandsiglinga sem er minna en 500 brúttótonn skal:

4.1. hafa náð 18 ára aldri,

4.2. hafa að baki:

4.2.1. sérstaka þjálfun, m.a. nægilega langan viðeigandi siglingatíma samkvæmt kröfum þessarar reglugerðar eða

4.2.2. viðurkenndan siglingatíma, sem er eigi skemmri en 36 mánuðir við störf á þilfari,

4.3. fullnægja gildandi kröfum reglnanna í IV. kafla, eftir því sem við á, til að geta unnið tiltekin skyldustörf við fjarskipti í samræmi við alþjóðafjarskiptareglurnar,

4.4. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-II/3 í STCW-kóðanum fyrir yfirmenn sem bera ábyrgð á siglingavakt á strandsiglingaskipum sem eru minni en 500 brúttótonn og

4.5. fullnægja hæfniskröfunni sem er tilgreind í 2. mgr. í þætti A-VI/1, 1.-4. mgr. í þætti A-VI/2, 1.-4. mgr. í þætti A-VI/3 og 1.-3. mgr. í þætti A-VI/4 í STCW-kóðanum,

Skipstjóri.

5. Hver skipstjóri á hafskipi til strandsiglinga, sem er minna en 500 brúttótonn, skal hafa réttindaskírteini.

6. Umsækjandi um útgáfu réttindaskírteinis sem skipstjóri á hafskipi til strandsiglinga sem er minna en 500 brúttótonn skal:

6.1. hafa náð 20 ára aldri,

6.2. hafa að baki viðurkenndan siglingatíma, sem er eigi skemmri en 12 mánuðir, sem yfirmaður sem ber ábyrgð á siglingavakt,

6.3. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-II/3 í STCW-kóðanum fyrir skipstjóra á strandsiglingaskipum sem eru minni en 500 brúttótonn og

6.4. fullnægja hæfniskröfunni sem er tilgreind í 2. mgr. í þætti A-VI/1, 1.-4. mgr. í þætti A-VI/2, 1.-4. mgr. í þætti A-VI/3 og 1.-3. mgr. í þætti A-VI/4 í STCW-kóðanum.

Frávik.

7. Telji yfirvöld að vegna stærðar skipsins og notkunar þess sé ósanngjarnt eða óraunhæft að halda til hins ítrasta kröfum þessarar reglu og þáttar A-II/3 í STCW-kóðanum, er þeim heimilt að leyfa skipstjóra eða yfirmanni sem ber ábyrgð á siglingavakt á þess konar skipum eða flokki skipa, frávik frá sumum þessara krafna, að teknu tilliti til öryggis þeirra skipa sem kunna að vera starfrækt á sömu siglingaleiðum.

Regla II/4

Lögboðnar lágmarkskröfur sem fullnægja ber til að fá útgefið réttindaskírteinisem undirmaður sem gegnir störfum á siglingavakt.

1. Hver undirmaður, sem gegnir störfum á siglingavakt á hafskipi, sem er 500 brúttótonn eða stærra, að frátöldum þeim sem gangast undir þjálfun og þeim sem ekki þarfnast sérkunnáttu vegna starfa sinna á vaktinni, skal hafa fullnægjandi skírteini vegna slíkra skyldustarfa.

2. Umsækjandi um útgáfu réttindaskírteinis skal:

2.1. hafa náð 16 ára aldri,

2.2. hafa að baki:

2.2.1. viðurkenndan siglingatíma með sex mánaða þjálfun og reynslu hið minnsta eða

2.2.2. sérstaka þjálfun, annaðhvort í landi eða um borð í skipi, þ.m.t. viðurkenndan siglingatíma sem er eigi skemmri en tveir mánuðir.

2.3. fullnægja hæfniskröfunni sem er tilgreind í þætti A-II/4 í STCW-kóðanum.

3. Siglingatíminn, þjálfunin og reynslan, sem er krafist í liðum 2.2.1 og 2.2.2, skulu tengjast störfum á siglingavakt og fela m.a. í sér skyldustörf sem unnin eru undir beinu eftirliti skipstjóra, yfirmanns sem ber ábyrgð á siglingavakt eða undirmanns sem til þess hefur menntun og hæfi.

Regla II/5

Lögboðnar lágmarkskröfur sem fullnægja ber til að fá útgefið réttindaskírteinisem sérhæfður þilfarsliði.

1. Hver sérhæfður þilfarsliði á hafskipi sem er 500 brúttótonn eða stærra skal hafa viðeigandi réttindaskírteini.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. fullnægja þeim kröfum sem þarf til að fá útgefið réttindaskírteini sem undirmaður sem gegnir störfum á siglingavakt,

2.3. eftir að hafa öðlast menntun og hæfi til að starfa sem undirmaður sem gegnir störfum á siglingavakt, hafa viðurkenndan siglingatíma á þilfari, sem nemur:

2.3.1. að lágmarki 18 mánuðum eða

2.3.2. að lágmarki 12 mánuðum og hafa lokið viðurkenndri þjálfun.

2.4. fullnægja hæfniskröfunni sem er tilgreind í þætti A-II/5 í STCW-kóðanum.

3. Samgöngustofa skal bera hæfniskröfur, sem krafist er fyrir háseta vegna réttindaskírteina, sem gefin eru út fyrir 1. janúar 2012, við þær sem tilgreindar eru fyrir réttindaskírteini í þætti A-II/5 í STCW-kóðanum og skulu ákveða þörfina, ef einhver er, á því að krefjast þess að þetta starfsfólk uppfæri menntun sína og hæfi.

4. Heimilt er að telja farmenn fullnægja kröfum þessarar reglu ef þeir hafa gegnt viðeigandi störfum á þilfari um 12 mánaða skeið hið minnsta síðustu 60 mánuði fyrir gildistöku þessarar reglugerðar.

III. KAFLI Vélarúm

Regla III/1

Lögboðnar lágmarkskröfur sem fullnægja ber til að fá útgefið réttindaskírteini sem yfirmaðursem ber ábyrgð á vélstjórnarvakt í mönnuðu vélarúmi eða vélstjóri sem er útnefndurvaktvélstjóri í vélarúmi sem er ómannað tímabundið.

1. Hver yfirmaður sem ber ábyrgð á vélstjórnarvakt í mönnuðu vélarúmi, eða vélstjóri sem er útnefndur vaktvélstjóri í vélarrúmi, sem er ómannað tímabundið á hafskipi, sem er knúið af aðalvél með 750 kW knúningsafli eða meira, skal hafa réttindaskírteini.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. hafa lokið a.m.k. 12 mánaða samanlagðri verkþjálfun og viðurkenndum siglingatíma, sem hluta af viðurkenndri þjálfunaráætlun, sem felur í sér þjálfun um borð og fullnægir kröfum þáttar A-III/1 í STCW-kóðanum og er skráð í viðurkennda þjálfunarbók, eða að hafa lokið a.m.k. 36 mánaða samanlagðri verkþjálfun og viðurkenndum siglingatíma, þar af skulu a.m.k. 30 mánuðir vera siglingatími í vélarrúmi,

2.3. hafa staðið vaktir í vélarrúmi á tilskildum siglingatíma undir eftirliti yfirvélstjóra eða vélstjóra með menntun og hæfi um a.m.k. sex mánaða skeið,

2.4. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-III/1 í STCW-kóðanum og

2.5. fullnægja hæfniskröfunum, sem eru tilgreindar í 2. mgr. í þætti A-VI/1, 1.-4. mgr. í þætti A-VI/2, 1.-4. mgr. í þætti A-VI/3 og 1.-3. mgr. í þætti A-VI/4 í STCW-kóðanum.

Regla III/2

Lögboðnar lágmarkskröfur sem fullnægja ber til að fá útgefið réttindaskírteini sem yfirvélstjóriog 2. vélstjóri á skipum knúnum af aðalvél með 3000 kW knúningsafli eða meira.

1. Hver yfirvélstjóri og 2. vélstjóri á hafskipum, sem eru knúin af aðalvél með 3000 kW knúningsafli eða meira, skal hafa réttindaskírteini.

2. Umsækjandi um útgáfu réttindaskírteinis skal:

2.1. fullnægja kröfum til að fá útgefið réttindaskírteini sem yfirmaður sem ber ábyrgð á vélstjórnarvakt á hafskipum, sem eru knúin af aðalvél með 750 kW knúningsafli eða meira, og hafa að baki viðurkenndan siglingatíma sem er:

2.1.1. a.m.k. 12 mánuðir sem vélstjóri með menntun og hæfi til að fá útgefið réttindaskírteini sem 2. vélstjóri og

2.1.2. a.m.k. 36 mánuði til að fá útgefið réttindaskírteini sem yfirvélstjóri; þó er heimilt að stytta þennan tíma í 24 mánuði hið minnsta ef umsækjandi hefur starfað sem 2. vélstjóri a.m.k. 12 mánuði af slíkum siglingatíma,

2.2. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-III/2 í STCW-kóðanum.

Regla III/3

Lögboðnar lágmarkskröfur sem fullnægja ber til að fá útgefið réttindaskírteini sem yfirvélstjóriog 2. vélstjóri á skipum sem eru knúin af aðalvél með knúningsafliá bilinu 750 til 3000 kW.

1. Hver yfirvélstjóri og 2. vélstjóri á hafskipum, sem eru knúin af aðalvél með knúningsafli á bilinu 750 til 3000 kW, skulu hafa réttindaskírteini.

2. Umsækjandi um útgáfu réttindaskírteinis skal:

2.1. fullnægja kröfum til að fá útgefið réttindaskírteini sem yfirmaður sem ber ábyrgð á vélstjórnarvakt og:

2.1.1. hafa að baki a.m.k. 12 mánaða viðurkenndan siglingatíma sem aðstoðarvélstjóri eða vélstjóri til að fá útgefið réttindaskírteini sem 2. vélstjóri og

2.1.2. hafa að baki a.m.k. 24 mánaða viðurkenndan siglingatíma, þar af a.m.k. 12 mánaða starf eftir að hafa öðlast menntun og hæfi til að starfa sem 2. vélstjóri, til að fá útgefið réttindaskírteini sem yfirvélstjóri.

2.2. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-III/3 í STCW-kóðanum.

3. Hver sá vélstjóri, sem hefur menntun og hæfi til að starfa sem 2. vélstjóri á skipum sem eru knúin af aðalvél með 3000 kW knúningsafli eða meira, má starfa sem yfirvélstjóri á skipum sem eru knúin af aðalvél með minna en 3000 kW knúningsafli enda hafi hann áritun um það á skírteini sínu.

Regla III/4

Lögboðnar lágmarkskröfur sem fullnægja ber til að fá útgefið réttindaskírteini sem undirmaðursem gegnir störfum á vakt í mönnuðu vélarúmi eða er settur til að gegna skyldustörfumí vélarúmi sem er ómannað tímabundið.

1. Hver undirmaður, sem gegnir störfum á vakt í vélarúmi eða er settur til að gegna skyldustörfum í vélarúmi, sem er ómannað tímabundið, á hafskipi sem er knúið af aðalvél með 750 kW knúningsafli eða meira, að undanskildum undirmönnum sem gangast undir þjálfun og undirmönnum, sem gegna skyldustörfum sem krefjast ekki sérkunnáttu, skal hafa fullnægjandi skírteini til að gegna slíkum skyldustörfum.

2. Umsækjandi um útgáfu réttindaskírteinis skal:

2.1. hafa náð 16 ára aldri,

2.2. hafa að baki:

2.2.1. viðurkenndan siglingatíma með sex mánaða þjálfun og reynslu hið minnsta eða

2.2.2. hafa sérstaka þjálfun, annaðhvort í landi eða um borð í skipi, þ.m.t. viðurkenndan siglingatíma sem er eigi skemmri en tveir mánuðir.

2.3. fullnægja hæfniskröfunni sem er tilgreind í þætti A-III/4 í STCW-kóðanum.

3. Siglingatíminn, þjálfunin og reynslan, sem er krafist í liðum 2.2.1 og 2.2.2, skulu tengjast störfum við vaktir í vélarrúmi og fela í sér skyldustörf sem eru unnin undir beinu eftirliti vélstjóra með menntun og hæfi eða undirmanns með menntun og hæfi.

Regla III/5

Lögboðnar lágmarkskröfur sem fullnægja ber til að fá útgefið réttindaskírteini sem sérhæfðurvélarliði sem gegnir störfum í mönnuðu vélarúmi eða er settur til að gegna skyldustörfumí vélarúmi sem er ómannað tímabundið.

1. Hver sérhæfður vélarliði sem starfar á hafskipi, sem er knúið af aðalvél með 750 kW knúningsafli eða meira, skal hafa viðeigandi réttindaskírteini.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. fullnægja kröfunum sem til þarf til að fá útgefið réttindaskírteini sem undirmaður sem gegnir störfum á vakt í mönnuðu vélarrúmi eða er settur til að gegna skyldustörfum í vélarúmi sem er ómannað tímabundið,

2.3. eftir að hafa öðlast menntun og hæfi til að starfa sem undirmaður sem gegnir störfum á vélstjórnarvakt, hafa viðurkenndan siglingatíma í vélarrúmi sem nemur:

2.3.1. a.m.k. 12 mánuðum eða

2.3.2. a.m.k. sex mánuðum og hafa lokið viðurkenndri þjálfun.

2.4. fullnægja hæfniskröfunni sem er tilgreind í þætti A-III/5 í STCW-kóðanum.

3. Samgöngustofa skal bera saman hæfniskröfurnar, sem voru settar vegna réttindaskírteina undirmanna í vélarrúmi, sem voru gefin út fyrir 1. janúar 2012, og hæfniskröfurnar, sem eru tilgreindar fyrir réttindaskírteini í þætti A-III/5 í STCW-kóðanum, og ákveða hvort krefjast þurfi að handhafar þessara skírteina uppfæri menntun sína og hæfi.

4. Samgöngustofu er heimilt að telja farmenn fullnægja kröfum þessarar reglu ef þeir hafa gegnt tilskildum störfum í vélarúmi um 12 mánaða skeið hið minnsta síðustu 60 mánuði fyrir gildistöku þessarar reglugerðar.

Regla III/6

Lögboðnar lágmarkskröfur sem fullnægja ber til að fáútgefið réttindaskírteini sem skiparafvirki.

1. Hver skiparafvirki á hafskipum, sem eru knúin af aðalvél með 750 kW knúningsafli eða meira, skal hafa réttindaskírteini.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. hafa lokið a.m.k. 12 mánaða samanlagðri verkþjálfun og viðurkenndum siglingatíma, þar af skulu a.m.k. sex mánuðir vera siglingatími sem er hluti af viðurkenndri þjálfunaráætlun, sem fullnægir kröfum þáttar A-III/6 í STCW-kóðanum og er skráð í viðurkennda þjálfunarbók, eða að hafa lokið a.m.k. 36 mánaða samanlagðri verkþjálfun og viðurkenndum siglingatíma, þar af skulu a.m.k. 30 mánuðir vera siglingatími í vélarúmi,

2.3. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-III/6 í STCW-kóðanum og

2.4. fullnægja hæfniskröfunum sem eru tilgreindar í 2. mgr. í þætti A-VI/1, 1.-4. mgr. í þætti A-VI/2, 1.-4. mgr. í þætti A-VI/3 og 1.-3. mgr. í þætti A-VI/4 í STCW-kóðanum.

3. Samgöngustofa skal bera saman þær hæfniskröfur, sem settar voru vegna skírteina skiparafvirkja, sem voru gefin út fyrir 1. janúar 2012, og hæfniskröfurnar, sem eru tilgreindar fyrir skírteini í þætti A-III/6 í STCW-kóðanum, og ákveða hvort krefjast þurfi að handhafar þessara skírteina uppfæri menntun sína og hæfi.

4. Samgöngustofu er heimilt að telja farmenn fullnægja kröfum þessarar reglu ef þeir hafa gegnt viðeigandi störfum um borð um 12 mánaða skeið hið minnsta síðustu 60 mánuði fyrir gildistöku þessarar reglugerðar og fullnægja hæfniskröfunum sem eru tilgreindar í þætti A-III/6 í STCW-kóðanum.

5. Þrátt fyrir framangreindar kröfur 1.-4. mgr., er Samgöngustofu heimilt að telja að einstaklingur með tilskilda menntun og hæfi geti annast tiltekin störf samkvæmt þætti A-III/6 í STCW-kóðanum.

Regla III/7

Lögboðnar lágmarkskröfur sem fullnægja ber til að fá útgefið réttindaskírteinisem aðstoðarmaður skiparafvirkja.

1. Hver aðstoðarmaður skiparafvirkja á skipum, sem eru knúin af aðalvél með 750 kW knúningsafli eða meira, skulu vera handhafar viðeigandi réttindaskírteinis.

2. Umsækjandi um útgáfu réttindaskírteinis skal:

2.1. hafa náð 18 ára aldri,

2.2. hafa lokið viðurkenndum siglingatíma með a.m.k. 12 mánaða þjálfunar- og reynslutíma eða

2.3. hafa lokið viðurkenndri þjálfun, þ.m.t. a.m.k. sex mánaða viðurkenndum siglingatíma eða

2.4. hafa menntun og hæfi sem fullnægir tæknilegri hæfni í töflu A-III/7 í STCW-kóðanum og a.m.k. þriggja mánaða viðurkenndan siglingatíma og

2.5. fullnægja hæfniskröfunni sem er tilgreind í þætti A-III/7 í STCW-kóðanum.

3. Samgöngustofa skal bera saman hæfniskröfurnar, sem settar voru vegna skírteina aðstoðarmanna skiparafvirkja, sem voru gefin út fyrir 1. janúar 2012, og hæfniskröfurnar, sem eru tilgreindir fyrir skírteinið í þætti A-III/7 í STCW-kóðanum, og ákveða hvort krefjast þurfi að handhafar þessara skírteina uppfæri menntun sína og hæfi.

4. Heimilt er að telja farmenn fullnægja kröfum þessarar reglu ef þeir hafa gegnt viðeigandi störfum um borð í skipi um 12 mánaða skeið hið minnsta síðustu 60 mánuði fyrir gildistöku þessarar reglugerðar og fullnægja hæfniskröfunum sem eru tilgreindar í þætti A-III/7 í STCW-kóðanum.

5. Þrátt fyrir framangreindar kröfur 1.-4. mgr., er heimilt að telja að einstaklingur með tilskilda menntun og hæfi geti annast tiltekin störf samkvæmt þætti A-III/7.

IV. KAFLI Þráðlaus fjarskipti og fjarskiptamenn.

Til skýringar.

Lögboðin ákvæði um vaktstöðu í fjarskiptastöðvum er að finna í alþjóðafjarskiptareglunum og SOLAS-samþykktinni með áorðnum breytingum. Ákvæði um viðhald fjarskiptabúnaðar er að finna í SOLAS-samþykktinni, með áorðnum breytingum, og í leiðbeiningum sem Alþjóðasiglingamálastofnunin hefur samþykkt.

Regla IV/1

Beiting.

1. Með fyrirvara um ákvæðin í 2. lið gilda ákvæði þessa kafla um fjarskiptamenn á skipum, sem eru starfrækt í hinu alþjóðlega neyðar- og öryggiskerfi fjarskipta á sjó (GMDSS-kerfinu), eins og mælt er fyrir um í SOLAS-samþykktinni, með áorðnum breytingum.

2. Fjarskiptamenn á skipum, sem ekki er gert skylt, skv. IV. kafla SOLAS-samþykktarinnar, að hlíta ákvæðum GMDSS-kerfisins, þurfa ekki að fullnægja ákvæðunum í þessum kafla. Fjarskiptamenn á þeim skipum þurfa engu að síður að hlíta alþjóðafjarskiptareglunum. Sjá skal til þess að slíkir fjarskiptamenn fái útgefin eða viðurkennd skírteini, eins og mælt er fyrir um í alþjóðafjarskiptareglunum.

Regla IV/2

Lögboðnar lágmarkskröfur sem fullnægja ber til að fá útgefið réttindaskírteinisem GMDSS-fjarskiptamaður.

1. Hver sá sem ber ábyrgð á eða sinnir skyldustörfum við fjarskipti á skipi, sem er skylt að taka þátt í GMDSS-kerfinu, skal hafa viðeigandi skírteini með tilvísun til þess kerfis, útgefið eða viðurkennt af hálfu aðildarríkis í samræmi við ákvæði alþjóðafjarskiptareglnanna.

2. Að auki skal sá sem sækir um útgáfu réttindaskírteinis, samkvæmt þessari reglu, til að starfa á skipi, sem skal búið fjarskiptabúnaði samkvæmt SOLAS-samþykktinni, með áorðnum breytingum:

2.1. hafa náð 18 ára aldri og

2.2. hafa lokið viðurkenndri menntun og þjálfun og fullnægja hæfniskröfunni sem er tilgreind í þætti A-IV/2 í STCW-kóðanum.

V. KAFLI

Sérstakar kröfur um þjálfun sem eru gerðar til farmannasem starfa á tilteknum gerðum skipa.

Regla V/1-1

Lögboðnar lágmarkskröfur vegna þjálfunar og menntunar og hæfni skipstjóra,annarra yfirmanna og undirmanna á olíu- og efnaflutningaskipum.

1. Yfirmenn og undirmenn, sem settir eru til ákveðinna skyldu- og ábyrgðarstarfa sem tengjast farmi eða farmbúnaði í olíu- eða efnaflutningaskipum, skulu vera handhafar viðeigandi skírteina um að þeir hafi lokið grunnþjálfun í tengslum við vinnu við farm á olíu- og efnaflutningaskipum.

2. Hver umsækjandi um skírteini fyrir grunnþjálfun í tengslum við vinnu við farm á olíu- og efnaflutningaskipum skal hafa lokið grunnþjálfun í samræmi við ákvæðin í þætti A-VI/1 í STCW-kóðanum með því að hafa lokið:

2.1. að lágmarki þriggja mánaða viðurkenndum siglingatíma á olíu- eða efnaflutningaskipum og fullnægja hæfniskröfunni sem er tilgreind í 1. mgr. í þætti A-V/1-1 í STCW-kóðanum eða

2.2. viðurkenndri grunnþjálfun í tengslum við vinnu við farm á olíu- og efnaflutningaskipum og fullnægja hæfniskröfunni sem er tilgreind í 1. mgr. í þætti A-V/1-1 í STCW-kóðanum.

3. Skipstjórar, yfirvélstjórar, yfirstýrimenn, 2. vélstjórar og aðrir þeir sem bera beina ábyrgð á lestun, losun, eftirliti með flutningi, meðferð farms, hreinsun farmgeyma eða annarri starfsemi í tengslum við farm á olíuflutningaskipum, skulu vera handhafar skírteinis um að hafa lokið framhaldsþjálfun í tengslum við vinnu við farm á olíuflutningaskipum.

4. Hver umsækjandi um skírteini vegna framhaldsþjálfunar í tengslum við vinnu við farm á olíuflutningaskipum skal:

4.1. fullnægja kröfunum um skírteini vegna grunnþjálfunar í tengslum við vinnu við farm á olíu- og efnaflutningaskipum og

4.2. ásamt því að uppfylla skilyrði fyrir útgáfu skírteinis vegna grunnþjálfunar í tengslum við vinnu við farm á olíu- og efnaflutningaskipum:

4.2.1. hafa a.m.k. þriggja mánaða viðurkenndan siglingatíma á olíuflutningaskipum eða

4.2.2. hafa a.m.k. eins mánaðar viðurkennda þjálfun sem aukamaður um borð í olíuflutningaskipum, sem felur í sér a.m.k. þrjár lestunaraðgerðir og þrjár losunaraðgerðir sem er skráð í viðurkennda þjálfunarbók, með tilliti til leiðbeininganna í þætti B-V/1 í STCW-kóðanum.

4.3. hafa lokið viðurkenndri framhaldsþjálfun í tengslum við vinnu við farm á olíuflutningaskipum og fullnægja hæfniskröfunum sem eru tilgreindar í 2. mgr. í þætti A-V/1-1 í STCW-kóðanum.

5. Skipstjórar, yfirvélstjórar, yfirstýrimenn, 2. vélstjórar og aðrir þeir sem bera beina ábyrgð á lestun, losun, eftirliti með flutningi, meðferð farms, hreinsun farmgeyma eða annarri starfsemi í tengslum við farm á efnaflutningaskipum, skulu geta framvísað skírteini um að þeir hafi lokið framhaldsþjálfun í tengslum við vinnu við farm á efnaflutningaskipum.

6. Hver umsækjandi um skírteini vegna framhaldsþjálfunar í tengslum við vinnu við farm á efnaflutningaskipum skal:

6.1. fullnægja kröfunum um skírteini vegna grunnþjálfunar í tengslum við vinnu við farm á olíu- og efnaflutningaskipum og

6.2. ásamt því að uppfylla skilyrði fyrir útgáfu skírteinis vegna grunnþjálfunar í tengslum við vinnu við farm á olíu- og efnaflutningaskipum hafa:

6.2.1. a.m.k. þriggja mánaða viðurkenndan siglingatíma á efnaflutningaskipum eða

6.2.2. a.m.k. einn mánuð í viðurkenndri þjálfun sem aukamaður um borð í efnaflutningaskipum, sem felur í sér a.m.k. þrjár lestunaraðgerðir og þrjár losunaraðgerðir sem er skráð í viðurkennda þjálfunarbók, með tilliti til leiðbeininganna í þætti B-V/1 í STCW-kóðanum.

6.3. hafa lokið viðurkenndri framhaldsþjálfun í tengslum við vinnu við farm á efnaflutningaskipum og fullnægja hæfniskröfunni sem er tilgreind í 3. mgr. í þætti A-V/1-1 í STCW-kóðanum.

7. Samgöngustofa gefur út hæfnisskírteini til farmanna sem fullnægt hafa skilyrðum um menntun og hæfi í samræmi við 2., 4. eða 6. mgr., eins og við á. Samgöngustofa áritar réttindaskírteini eða hæfnisskírteini gefin út í samræmi við 2., 4. eða 6. mgr.

Regla V/1-2

Lögboðnar lágmarkskröfur vegna þjálfunar og menntunar og hæfni skipstjóra,annarra yfirmanna og undirmanna á gasflutningaskipum.

1. Yfirmenn og undirmenn, sem settir eru til ákveðinna skyldu- og ábyrgðarstarfa í tengslum við farm eða farmbúnað í gasflutningaskipum, skulu vera handhafar viðeigandi skírteina um að þeir hafi lokið grunnþjálfun í tengslum við vinnu við farm á gasflutningaskipum.

2. Hver umsækjandi um skírteini vegna grunnþjálfunar í tengslum við vinnu við farm á gasflutningaskipum skal hafa lokið grunnþjálfun í samræmi við ákvæðin í þætti A-VI/1 í STCW-kóðanum og skal hafa lokið:

2.1. a.m.k. þriggja mánaða viðurkenndum siglingatíma á gasflutningaskipum og fullnægja hæfniskröfunni, sem er tilgreind í 1. mgr. í þætti A-V/1-2 í STCW-kóðanum, eða

2.2. viðurkenndri grunnþjálfun í tengslum við vinnu við farm á gasflutningaskipum og fullnægja hæfniskröfunni sem er tilgreind í 1. mgr. í þætti A-V/1-2 í STCW-kóðanum.

3. Skipstjórar, yfirvélstjórar, yfirstýrimenn, 2. vélstjórar og aðrir þeir sem bera beina ábyrgð á lestun, losun, eftirliti með flutningi, meðferð farms, hreinsun farmgeyma eða annarri starfsemi í tengslum við farm á gasflutningaskipum, skulu hafa skírteini um að þeir hafi lokið framhaldsþjálfun í tengslum við vinnu við farm á gasflutningaskipum.

4. Hver umsækjandi um skírteini vegna framhaldsþjálfunar í tengslum við vinnu við farm á gasflutningaskipum skal:

4.1. fullnægja kröfunum um skírteini vegna grunnþjálfunar í tengslum við vinnu við farm á gasflutningaskipum og

4.2. ásamt því að uppfylla skilyrði fyrir útgáfu skírteinis vegna grunnþjálfunar í tengslum við vinnu við farm á gasflutningaskipum hafa:

4.2.1. a.m.k. þriggja mánaða viðurkenndan siglingatíma á gasflutningaskipum eða

4.2.2. a.m.k. einn mánuð af viðurkenndri þjálfun sem aukamaður um borð á gasflutningaskipum, sem felur í sér a.m.k. þrjár lestunaraðgerðir og þrjár losunaraðgerðir sem er skráð í viðurkennda þjálfunarbók, með tilliti til leiðbeininganna í þætti B-V/1 í STCW-kóðanum og

4.3. hafa lokið viðurkenndri framhaldsþjálfun í tengslum við vinnu við farm á gasflutningaskipum og fullnægja hæfniskröfunni sem er tilgreind í 2. mgr. í þætti A-V/1-2 í STCW-kóðanum.

5. Samgöngustofa skal tryggja að útgefið sé réttindaskírteini fyrir farmenn, sem hafa menntun og hæfi í samræmi við 2. eða 4. mgr., eins og við á, eða að réttindaskírteini eða hæfnisskírteini, sem er þegar fyrir hendi, fái viðeigandi áritun.

Regla V/2

Lögboðnar lágmarkskröfur vegna menntunar, þjálfunar og hæfni skipstjóra,annarra yfirmanna, undirmanna og annarra starfsmanna á farþegaskipum.

1. Þessi regla gildir um skipstjóra, aðra yfirmenn, undirmenn og aðra starfsmenn um borð í farþegaskipum í millilandasiglingum. Samgöngustofu er heimilt að víkja frá ákvæðum þessarar reglu gagnvart þeim sem starfa á farþegaskipum í innanlandssiglingum.

2. Áður en farmönnum eru falin skyldustörf um borð í farþegaskipum skulu þeir hafa lokið þeirri þjálfun, sem er krafist í 4.-7. mgr. hér á eftir, í samræmi við stöðu sína, skyldustörf og ábyrgð.

3. Þeir farmenn sem krafist er að hljóti þjálfun í samræmi við 4., 6. og 7. mgr. hér á eftir, skulu sækja viðeigandi upprifjunarnámskeið eigi sjaldnar en á fimm ára fresti.

4. Skipstjórar, aðrir yfirmenn og farmenn, sem samkvæmt neyðaráætlun skips hafa það verkefni að annast björgunarför eða aðstoða farþega um borð í farþegaskipum í neyðartilvikum, skulu hafa lokið þjálfun í hópstjórnun fólks eins og tilgreint er í 1. mgr. þáttar A-V/2 í STCW-kóðanum.

5. Farmenn, sem veita farþegum í farþegarými um borð í farþegaskipum beina þjónustu, skulu hafa lokið þjálfunarnámskeiði um öryggismál sem er tilgreint í 2. mgr. þáttar A-V/2 í STCW-kóðanum.

6. Skipstjórar og aðrir farmenn sem samkvæmt neyðaráætlun skips hafa með höndum ábyrgðarstörf vegna öryggis farþega í neyðartilvikum um borð í farþegaskipum, skulu hafa lokið viðurkenndri þjálfun í neyðarstjórnun og mannlegri hegðun eins og tilgreint er í 3. mgr. þáttar A-V/2 í STCW-kóðanum.

7. Skipstjórar og aðrir farmenn, sem hafa með höndum bein ábyrgðarstörf vegna ferða farþega um borð og frá borði, lestunar, losunar eða frágangs og sjóbúnings á farmi eða lokunar opa á byrðingi ekjufarþegaskips, skulu hafa lokið viðurkenndri þjálfun vegna öryggis farþega og farms og heilleika byrðings eins og tilgreint er í 4. mgr. þáttar A-V/2 í STCW-kóðanum.

8. Sjómannaskólar, í umboði Samgöngustofu, gefa út viðeigandi skírteini til þeirra sem sannanlega hafa lokið viðeigandi þjálfun, í samræmi við ákvæði þessarar reglu.

VI. KAFLI

Neyðartilvik, vinnuvernd, siglingavernd, læknishjálp og björgun mannslífa.

Regla VI/1

Lögboðnar lágmarkskröfur til allra farmanna vegna kynningarfræðslu,grunnþjálfunar og kennslu um öryggismál.

1. Farmenn skulu fá kynningarfræðslu og hljóta grunnþjálfun eða kennslu í samræmi við þátt A-VI/1 í STCW-kóðanum og skulu að þeirri kynningu, grunnþjálfun og kennslu lokinni fullnægja viðeigandi hæfnisstaðli sem þar er tilgreindur.

2. Sé kynningarfræðsla, grunnþjálfun og kennsla samkvæmt A-VI/1 í STCW-kóðanum ekki hluti þess sem krafist er til þess að fá útgefið viðkomandi réttindaskírteini, skal gefa út hæfnisskírteini þar sem fram kemur að handhafi þess hafi sótt námskeið í grunnþjálfun og kennslu til samræmis við A-VI/1 í STCW-kóðanum.

Regla VI/2

Lögboðnar lágmarkskröfur vegna útgáfu hæfnisskírteina í meðferð björgunarfara,léttbáta og hraðskreiðra léttbáta.

1. Umsækjandi um hæfnisskírteini í meðferð björgunarfara og léttbáta, annarra en hraðskreiðra léttbáta, skal:

1.1. hafa náð 18 ára aldri,

1.2. hafa að baki viðurkenndan siglingatíma sem er eigi skemmri en 12 mánuðir eða hafa sótt viðurkennt þjálfunarnámskeið og hafa að baki viðurkenndan siglingatíma sem er eigi skemmri en sex mánuðir,

1.3. fullnægja þeim hæfniskröfum vegna hæfnisskírteina í meðferð björgunarfara og léttbáta sem eru settar fram í 1.-4. mgr. þáttar A-VI/2 í STCW-kóðanum.

2. Umsækjandi um hæfnisskírteini í meðferð hraðskreiðra léttbáta skal:

2.1. vera handhafi hæfnisskírteinis í meðferð björgunarfara og léttbáta, annarra en hraðskreiðra léttbáta,

2.2. hafa sótt viðurkennt þjálfunarnámskeið og

2.3. fullnægja þeim hæfniskröfum vegna hæfnisskírteina í meðferð hraðskreiðra léttbáta sem eru settar fram í 7.-10. mgr. þáttar A-VI/2 í STCW-kóðanum.

Regla VI/3

Lögboðnar lágmarkskröfur um framhaldsþjálfun vegna slökkvistarfa og eldvarna.

1. Farmenn, sem er falin stjórn slökkvistarfa og eldvarna, skulu hafa lokið með viðunandi árangri framhaldsþjálfun í aðferðum við slökkvistarf með sérstakri áherslu á skipulag, aðferðir og stjórnun í samræmi við 1.-4. mgr. þáttar A-VI/3 í STCW-kóðanum og fullnægja hæfniskröfunni sem tilgreind er þar.

2. Sé framhaldsþjálfun í slökkvistörfum og eldvörnum ekki hluti þess sem krafist er til þess að fá útgefið viðkomandi réttindaskírteini, skal gefa út hæfnisskírteini, þar sem fram kemur að handhafi þess hafi sótt framhaldsnámskeið í slökkvistörfum og eldvörnum.

Regla VI/4

Lögboðnar lágmarkskröfur vegna sjúkraumönnunar og læknishjálpar.

1. Farmenn, sem veita sjúkraumönnun um borð í skipi, skulu fullnægja þeim hæfniskröfum vegna sjúkraumönnunar sem eru tilgreindar í 1., 2. og 3. mgr. þáttar A-VI/4 í STCW-kóðanum.

2. Farmenn sem stjórna sjúkraumönnun um borð í skipi, skulu fullnægja þeim hæfniskröfum vegna læknishjálpar í skipum sem eru tilgreindar í 4., 5. og 6. mgr. þáttar A-VI/4 í STCW-kóðanum.

3. Sé þjálfun í sjúkraumönnun eða læknishjálp ekki hluti þess sem krafist er til þess að fá útgefið viðkomandi réttindaskírteini, skal gefa út hæfnisskírteini þar sem fram kemur að handhafi þess hafi sótt námskeið í sjúkraumönnun eða læknishjálp.

Regla VI/5

Lögboðnar lágmarkskröfur vegna útgáfu hæfnisskírteinatil að geta gegnt stöðu verndarfulltrúa skips.

1. Hver umsækjandi um hæfnisskírteini til að geta gegnt stöðu verndarfulltrúa skips skal:

1.1. hafa 12 mánaða viðurkenndan siglingatíma hið minnsta eða viðeigandi siglingatíma og þekkingu á rekstri skips og

1.2. fullnægja þeim hæfniskröfum vegna hæfnisskírteina til að gegna stöðu verndarfulltrúi skips sem eru settar fram í 1.-4. mgr. þáttar A-VI/5 í STCW-kóðanum.

2. Sá sem fullnægt hefur skilyrðum um menntun og hæfi samkvæmt ákvæðum þessarar reglu á rétt á að fá útgefið hæfnisskírteini.

Regla VI/6

Lögboðnar lágmarkskröfur til allra farmanna vegna þjálfunar og kennslu um siglingavernd.

1. Farmenn skulu fá kynningu og hljóta þjálfun eða kennslu í tengslum við siglingavernd í samræmi við 1.-4. mgr. þáttar A-VI/6 í STCW-kóðanum og fullnægja viðeigandi hæfniskröfum sem þar eru tilgreindar.

2. Ef þjálfun og kennsla um verndarvitund er ekki hluti af því sem krafist er vegna viðkomandi skírteinis skal gefa út hæfnisskírteini þar sem fram kemur að handhafi þess hafi sótt þjálfun um verndarvitund.

3. Bera skal saman þá þjálfun eða kennslu í tengslum við vernd sem skirteinið krefst af farmönnum, sem eru handhafar eða geta sýnt fram á menntun og hæfi með skjalfestum gögnum áður en reglugerð þessi öðlast gildi, við þá sem tilgreind er í 4. mgr. þáttar A-VI/6 í STCW-kóðanum, og skal ákveða þörfina á að krefjast þess að þessir farmenn uppfæri menntun sína og hæfi.

Farmenn sem sinna verndarskyldum.

4. Farmenn sem sinna verndarskyldum skulu fullnægja hæfniskröfunum sem eru tilgreindar í 6.-8. mgr. þáttar A-VI/6 í STCW-kóðanum.

5. Ef þjálfun í verndarskyldum er ekki hluti af því sem krafist er vegna viðkomandi skírteinis skal gefa út hæfnisskírteini þar sem fram kemur að handhafi þess hafi sótt þjálfun í tengslum við verndarskyldur.

6. Samgöngustofa skal bera saman þær þjálfunarviðmiðanir í tengslum við siglingavernd sem gerðar eru til þeirra farmanna sem sinna verndarskyldum og eru handhafar eða geta sýnt fram á menntun og hæfi með skjalfestum gögnum áður en reglugerð þessi öðlast gildi, við þá sem tilgreind er í 8. mgr. í þætti A-VI/6 í STCW-kóðanum, og skal ákveða hvort þörf sé á að þessir farmenn uppfæri menntun sína og hæfi.

VII. KAFLI Annars konar réttindaskírteini.

Regla VII/1

Útgáfa annars konar réttindaskírteina.

1. Þrátt fyrir þær kröfur sem eru gerðar vegna útgáfu réttindaskírteina í II. og III. kafla þessa viðauka er heimilt að gefa út annars konar skírteini en þau sem eru nefnd í reglum þessara kafla, eða leyfa útgáfu þeirra, enda sé eftirtöldum skilyrðum fullnægt:

1.1. starfssvið og ábyrgðarstig, sem koma eiga fram á þessum skírteinum og áritunum, skulu vera meðal þeirra sem finna má í þáttum A-II/1, A-II/2, A-II/3, A-II/4, A-II/5, A-III/1, A-III/2, A-III/3, A-III/4, A-III/5 og A-IV/2 í STCW-kóðanum og skulu skilgreind með sama hætti,

1.2. umsækjendur skulu hafa lokið viðurkenndri menntun og þjálfun og fullnægja þeim hæfniskröfum sem mælt er fyrir um í viðeigandi þáttum STCW-kóðans og settar eru fram í þætti A-VII/1 í sama kóða og eiga við það starfssvið og ábyrgðarsvið sem eiga að koma fram á skírteinum og áritunum,

1.3. umsækjendur skulu hafa að baki viðurkenndan siglingatíma, eins og viðeigandi er fyrir þau starfssvið og ábyrgðarsvið sem eiga að koma fram á skírteininu; siglingatíminn skal eigi vera skemmri en sá sem mælt er fyrir um í II. og III. kafla þessa viðauka; þó skal hann ekki vera skemmri en mælt er fyrir um í þætti A-VII/2 í STCW-kóðanum,

1.4. þeir umsækjendur um útgáfu réttindaskírteina, sem eiga að sinna siglingafræðistörfum á rekstrarsviði, skulu fullnægja gildandi kröfum reglnanna í IV. kafla, eftir því sem við á, til að geta sinnt tilteknum skyldustörfum við fjarskipti í samræmi við alþjóðafjarskiptareglurnar,

1.5. skírteinin skal gefa út í samræmi við kröfurnar í 5. gr. þessarar reglugerðar og ákvæðin sem koma fram í VII. kafla STCW-kóðans.

2. Ekki má gefa út skírteini samkvæmt þessum kafla nema Samgöngustofa hafi sent Eftirlitsstofnun EFTA upplýsingarnar sem krafist er í STCW-samþykktinni.

Regla VII/2

Útgáfa réttindaskírteina farmanna.

Allir farmenn, sem hafa með höndum hlutverk eða gegna starfi, einu eða fleiri, sem tilgreint er:

1. í töflum A-II/1, A-II/2, A-II/3, A-II/4 eða A-II/5 í II. kafla STCW-kóðans,
2. í töflum A-III/1, A-III/2, A-III/3, A-III/4 eða A-III/5 í III. kafla STCW-kóðans, eða
3. í töflu A-IV/2 í IV. kafla sama kóða,

skulu vera handhafar viðeigandi réttindaskírteina og/eða sérstakra skírteina til staðfestingar á hæfni.

Regla VII/3

Meginreglur um útgáfu annars konar skírteina.

1. Taki Samgöngustofa ákvörðun um að gefa út annars konar skírteini eða leyfa útgáfu þeirra, skal hún sjá til þess að eftirfarandi meginreglum sé fylgt:

1.1. einungis er heimilt að gefa út annars konar réttindaskírteini að tryggt sé a.m.k. jafnmikið öryggi á sjó og jafnmiklar mengunarvarnir og kveðið er á um í hinum köflunum og

1.2. hvert það fyrirkomulag sem viðhaft er á útgáfu annars konar skírteina samkvæmt þessum kafla skal vera með þeim hætti að tryggt sé að skírteinin séu jafngild þeim sem eru gefin út í samræmi við hina kaflana.

2. Meginreglan í 1. lið um að skírteinin skuli vera jafngild á að tryggja:

2.1. að farmenn, sem hafa skírteini í samræmi við II. og/eða III. kafla og farmenn sem hafa skírteini í samræmi við VII. kafla, geti starfað á skipum þar sem skipulag er með hefðbundnum hætti og skipum þar sem skipulag er öðruvísi og

2.2. að farmenn séu ekki þjálfaðir til svo sérhæfðra og afmarkaðra starfa um borð að þeim sé gert erfitt um vik að nýta færni sína annars staðar.

3. Þegar skírteini eru gefin út í samræmi við ákvæðin í þessum kafla skal fylgja eftirfarandi meginreglum:

3.1. óheimilt er að grípa til útgáfu annars konar skírteina í þeim tilgangi:

3.1.1. að fækka mönnum í áhöfn,

3.1.2. að draga úr styrk starfsstéttarinnar eða rýra gildi starfsmenntunar hjá farmönnum eða

3.1.3. að réttlæta það að einum og sama skírteinishafa séu fengin í hendur skyldustörf yfirmanns í vélarrúmi og yfirmanns á þilfari á einni og sömu vaktinni,

3.2. að sá sem er við stjórn skal heita skipstjóri og tilhögun við veitingu annars konar skírteina má hvorki rýra lagalega stöðu og lagalegt vald skipstjóra né annarra.

4. Meginreglurnar í 1. og 2. lið þessarar reglu skulu tryggja að hæfni yfirmanna sé viðhaldið, bæði á þilfari og í vélarrúmi.

A-HLUTI
Kröfur um sjón, heyrn og aðrar heilbrigðiskröfur.

1. Samkvæmt ákvæðum 8. gr. þessarar reglugerðar skulu farmenn uppfylla þær lágmarkskröfur sem kveðið er á um í töflu A-I um sjón við störf um borð í hafskipum og taka tillit til viðmiðana um líkamlegt atgervi og heilbrigði sem settar eru fram í 2. mgr. þessa viðauka. Einnig skal taka tillit til leiðbeininganna í B-hluta þessa viðauka og töflu B-I um mat á líkamlegu lágmarksatgervi farmanna.

Með þessum kröfum má, að því marki sem Samgöngustofa ákveður, með fyrirvara um öryggi farmanna eða skips, gera greinarmun á einstaklingum sem hyggjast hefja starfsferil á sjó og farmanna sem starfa nú þegar á sjó og á ólíkum störfum um borð, að teknu tilliti til þess að farmenn gegna ólíkum skyldum. Einnig skal taka tillit til hvers konar skerðingar eða sjúkdóms sem takmarkar getu farmanns til að gegna skyldum á gildistíma heilbrigðisvottorðs.

2. Farmenn skulu fullnægja eftirfarandi skilyrðum:

1. hafa líkamlegt atgervi, að teknu tilliti til 5. mgr. hér á eftir, til að uppfylla allar kröfur um grunnþjálfun eins og krafist er í 2. mgr. í þætti A-VI/1 í STCW-kóðanum,
2. hafa nægilega góða heyrn og talgetu til skilvirkra samskipta og geta numið hvers kyns hljóðviðvörunarmerki,
3. vera ekki haldnir sjúkdómum, röskun eða skerðingu sem hindrar þá í að sinna skyldum sínum eða bregðast við á neyðarstundu um borð í skipi, á gildistíma heilbrigðisvottorðs,
4. vera ekki haldnir neinum sjúkdómi sem líkur eru á að versni við að starfa á sjó eða valdi því að farmenn séu óhæfir til slíkra starfa eða að þeir stofni heilsu annarra einstaklinga um borð í hættu og
5. taka engin lyf með aukaverkanir sem ætla má að skerði dómgreind, jafnvægi, eða komi með einhverjum hætti í veg fyrir að þeir geti sinnt skyldum sínum eða brugðist við á neyðarstundu um borð í skipi.

3. Viðurkenndir læknar sem búa yfir nægilegri þekkingu og reynslu skulu framkvæma læknisskoðanir á farmönnum.

4. Samgöngustofa setur verklagsreglur og ferla um viðurkenningu lækna. Stofnunin heldur skrá yfir viðurkennda lækna og gerir hana aðgengilega öðrum aðilum að STCW-samþykktinni, félögum og farmönnum sé þess óskað.

5. Samgöngustofa skal gefa út leiðbeiningar um framkvæmd læknisskoðana og útgáfu heilbrigðisvottorða, að teknu tilliti til ákvæðanna í B-hluta þessa viðauka. Samgöngustofa skilgreinir að hvaða marki viðurkenndir læknar hafa sjálfdæmi um beitingu heilbrigðiskrafnanna, að teknu tilliti til þess að farmenn gegna ólíkum skyldum. Þó skulu þeir ekki hafa sjálfdæmi um lágmarkskröfur um sjón og fjarsýni með hjálpartækjum, nærsýni og litskyggni sem kveðið er á um í töflu A-I í þessum viðauka fyrir farmenn í þilfarsdeild sem þurfa að gegna útvarðarskyldum.

Samgöngustofa getur heimilað sjálfdæmi um beitingu þessara krafna með tilliti til farmanna í vélarúmi, enda uppfylli farmaðurinn kröfurnar sem settar eru fram í töflu A-I í þessum viðauka um meðalsjón.

6. Samgöngustofa setur verklagsreglur og ferli til að gera farmönnum sem uppfylla ekki, að undangenginni læknisskoðun, kröfurnar um líkamlegt atgervi eða hafa sætt takmörkunum um getu til starfa, sérstaklega með tilliti til tíma, starfssviðs eða farsviðs, kleift að láta endurskoða mál sín í samræmi við reglur um áfrýjun.

7. Heilbrigðisvottorðið sem kveðið er á um í 8. gr. þessarar reglugerðar skal innihalda eftirfarandi upplýsingar að lágmarki:

1 Stjórnvald og þær kröfur sem gilda um útgáfu skjalsins.

2 Upplýsingar um farmann.

2.1. Nafn: (skírnarnafn, miðnafn, eftirnafn).

2.2. Fæðingardagur: (dagur/mánuður/ár).

2.3. Kyn: (karlmaður/kvenmaður).

2.4. Þjóðerni.

3 Yfirlýsing viðurkennds læknis.

3.1. Voru skilríki til sönnunar á deili sannreynd við skoðun?: Já/Nei

3.2. Er heyrn í samræmi við kröfurnar í þessum viðauka?: Já/Nei

3.3. Er heyrn án hjálpartækja fullnægjandi? Já/Nei

3.4. Er sjónskerpa í samræmi við kröfurnar í þessum viðauka? Já/Nei

3.5. Er litskyggni(^[1]) í samræmi við kröfurnar í þessum viðauka? Já/Nei

3.5.1. Dagsetning síðasta litskyggniprófs.

3.6. Er viðkomandi hæfur til útvarðarskyldna? Já/Nei

3.7. Eru einhverjar takmarkanir eða hömlur á atgervi? Já/Nei

Ef „Já“ skal eftir atvikum tilgreina takmarkanir eða hömlur.

3.8. Er farmaðurinn laus við sjúkdóma sem líkur eru til að versni við það að starfa á sjó eða valda því að farmaðurinn sé óhæfur til slíkra starfa eða að hann stofni heilsu annarra einstaklinga um borð í hættu?: Já/Nei

3.9. Dagsetning skoðunar: (dagur/mánuður/ár).

3.10. Gildislokadagur skírteinis: (dagur/mánuður/ár).

4 Nafn stjórnvaldsins sem gefur út vottorðið.

4.1. Opinber stimpill (þ.m.t. nafn) stjórnvaldsins sem gefur út vottorðið.

4.2. Undirskrift viðurkennds læknis.

5 Undirskrift farmanns - staðfestir að farmaður hefur verið upplýstur um efni vottorðsins og um rétt til endurskoðunar í samræmi við 6. mgr. þessa viðauka.

8. Heilbrigðisvottorð skulu vera á íslensku ásamt þýðingu á ensku.

9. Heimilt er að beita prófun í aðgreiningu hliðarljósa (svonefndri lanternuprófun) vegna þeirra farmanna sem starfa nú þegar á sjó, en þess skal þá getið sérstaklega á augnvottorði.

Tafla A-I

Lágmarksviðmiðanir um sjón farmanna við störf um borð í hafskipum.

Regla í STCW -samþykktinni	Flokkar farmanna	Fjarsýni með gleraugum 1)		Nærsjón	Litskyggni 3)	Sjónsvið 4)	Náttblinda 4)	Tvísýni (double vision) 4)
		Annað augað	Hitt augað	Bæði augu saman, með eða án hjálpartækja
I/11	Skipstjórar, yfirmenn á þilfari og undirmenn sem standa vaktir í brú og gegna útvarðarskyldum	0,5 2)	0,5	Sjónskerpa sem krafist er til að sigla skipi (t.d. lestur sjókorta og siglingarita, notkun tækja og búnaðar í brú og greining siglingamerkja)	Sjá aths. nr. 6	Eðlilegt sjónsvið	Sjónskerpa sem þarf til að framkvæma allar nauðsynlegar aðgerðir í myrkri án þess að hætta skapist	Ekki vart við teljandi sjúkdómseinkenni
II/1
II/2
II/3
II/4
II/5
VII/2
I/11	Allir vélstjórar, skiparafvirkjar, aðstoðarmenn skiparafvirkja og undirmenn eða aðrir sem gegna störfum á vélstjórnarvakt	0,4 5)	0,4 5)	Sjónskerpa sem þarf til að lesa á tæki í nálægð, að stjórna búnaði og til að greina kerfi/rafeindaíhluti eftir þörfum	Sjá aths. nr. 7	Eðlilegt sjónsvið	Sjónskerpa sem þarf til að framkvæma allar nauðsynlegar aðgerðir í myrkri án þess að hætta skapist	Ekki vart við teljandi sjúkdómseinkenni
III/1
III/2
III/3
III/4
III/5
III/6
III/7
VII/2
I/11 IV/2	GMDSS-fjarskiptamenn	0,4	0,4	Sjónskerpa sem þarf til að lesa á tæki í nálægð, að stjórna búnaði og til að greina kerfi/rafeindaíhluti eftir þörfum	Sjá aths. nr. 7	Eðlilegt sjónsvið	Sjónskerpa sem þarf til að framkvæma allar nauðsynlegar aðgerðir í myrkri án þess að hætta skapist	Ekki vart við teljandi sjúkdómseinkenni

Athugasemdir:

¹⁾ Gildi gefin upp í Snellen-tugflokkun.

²⁾ Mælt er með gildi sem er a.m.k. 0,7 á öðru auga til að draga úr hættunni á að undirliggjandi augnsjúkdómur greinist ekki.

³⁾Samkvæmt skilgreiningu í Alþjóðlegum tilmælum um kröfur um litskyggni á sviði flutninga, gefnum út af Commission Internationale de l’Eclairage (CIE-143-2001, þ.m.t. síðari útgáfur).

⁴⁾Háð mati klínísks augnsérfræðings þar sem það er tilgreint eftir fyrstu niðurstöður skoðunar.

⁵⁾Sérhver starfsmaður í vélarúmi skal hafa sjón upp á minnst 0,4 samanlagt.

⁶⁾Viðmiðun CIE um litskyggni 1 eða 2.

⁷⁾Viðmiðun CIE um litskyggni 1, 2 eða 3.

---

(^[1]) Athugasemd: Einungis þarf að meta litskyggni á sex ára fresti.

B-HLUTI
Leiðbeiningar um heilbrigðiskröfur.

Læknisskoðanir og útgáfa heilbrigðisvottorða.

1. Þegar aðilar innleiða kröfur og ákvæði um heilbrigði farmanna ættu þeir að hafa hliðsjón af lágmarkskröfum um líkamsatgervi og heilbrigði sem sett eru fram í töflu B-I hér á eftir og eftirfarandi leiðbeiningum, að teknu tilliti þess að farmenn gegna ólíkum skyldum.

2. Við innleiðingu krafna og ákvæða um heilbrigði farmanna ætti Samgöngustofa að hafa hliðsjón af Leiðbeiningum ILO/WHO um framkvæmd læknisskoðana farmanna áður en þeir fara á sjó og reglulegra skoðana að meðtöldum öllum síðari útgáfum, og öllum öðrum gildandi alþjóðlegum leiðbeiningum gefnum út af Alþjóðavinnumálastofnuninni, Alþjóðasiglingamálastofnuninni eða Alþjóðaheilbrigðismálastofnuninni.

3. Viðeigandi menntun og hæfi og reynsla lækna sem framkvæma læknisskoðanir á farmönnum getur m.a. verið menntun og hæfi á sviði atvinnusjúkdóma eða á sviði heilbrigðis sjómanna, starfsreynsla sem skipslæknir eða læknir skipafélags eða störf undir yfirstjórn einhvers sem býr yfir fyrrgreindri menntun, hæfi eða reynslu.

4. Húsnæði þar sem læknisskoðanir fara fram ætti að vera í aðstöðu og hafa búnað sem þarf til að framkvæma læknisskoðanir farmanna.

5. Samgöngustofu ber að tryggja að viðurkenndir læknar séu algjörlega sjálfstæðir faglega þegar þeir beita læknisfræðilegri dómgreind sinni við að framkvæma læknisskoðanir sínar.

6. Einstaklingar sem sækja um heilbrigðisvottorð ættu að leggja fram fullnægjandi persónuskilríki hjá viðurkenndum lækni til að sanna deili á sér. Þeim ber að afhenda áður útgefin heilbrigðisvottorð.

7. Samgöngustofa hefur ákvörðunarrétt til að heimila undanþágur frá öllum kröfunum í töflu B-I hér á eftir, á grunni læknisfræðilegs mats og annarra viðeigandi upplýsinga um aðlögun einstaklings að ástandi og sönnun á getu til að framkvæma með fullnægjandi hætti þau skyldustörf sem honum eru falin um borð í skipi.

8. Kröfurnar um líkamlegt atgervi ættu, að svo miklu leyti sem unnt er, að fela í sér skilgreiningu á hlutlægum viðmiðum um hæfni til starfa á sjó, að teknu tilliti til aðgengis að heilsugæslustöðvum og læknisfræðilegri þekkingu um borð í skipi. Samkvæmt þeim ætti einkum að tilgreina í hvaða tilvikum farmönnum, sem eru haldnir sjúkdómum sem eru hugsanlega lífshættulegir og haldið er í skefjum með lyfjum, sé heimilt að halda áfram að starfa á sjó.

9. Heilbrigðiskröfur ættu einnig að fela í sér skilgreiningu á tilteknum sjúkdómseinkennum, svo sem litblindu, sem gætu komið í veg fyrir að farmenn geti gegnt tilteknum stöðum um borð í skipi.

10. Lágmarkskröfur um fjarsýni farmanna án hjálpartækja ætti að vera að minnsta kosti 0,1(^[1]).

11. Þeir einstaklingar sem þurfa að nota gleraugu eða snertilinsur til að sinna skyldum ættu að hafa til reiðu nauðsynleg hjálpartæki um borð í skipi sínu. Ef nauðsynlegt er að nota sjónræn hjálpartæki til að uppfylla settar kröfur ber að tilgreina það í útgefnu heilbrigðisvottorði.

12. Litskyggni skal vera í samræmi við Alþjóðleg tilmæli um kröfur um litskyggni á sviði flutninga, útgefin af Commission Internationale de l’Eclairage (CIE-143-2001, þ.m.t. síðari útgáfur) eða jafngildar prófunaraðferðir.

Tafla B-I

Mat á lágmarkslíkamsatgervi farmanna við upphaf starfs og í starfi ³⁾

Verkefni, störf, atburðir eða aðstæður um borð í skipi 3)	Tengt líkamlegt atgervi	Læknir ætti að ganga úr skugga um að umsækjandi 4)
Venjubundnar hreyfingar um skipið: - á þilfari á hreyfingu - milli þilfara - milli hólfa Athugasemd 1) gildir fyrir þessa röð	Halda jafnvægi og hreyfa sig lipurlega Klifur upp og niður lóðrétta stiga og tröppur Stigið yfir sjóþröskulda (t.d. er þess krafist samkvæmt hleðslumerkjasamþykktinni (Load Lines Convention) að hæð sjóþröskulda sé 600 mm) Opna og loka vatnsþéttum dyrum	Finni ekki fyrir jafnvægistruflunum Sé hvorki með skerðingu ná haldinn sjúkdómi sem hindrar tilteknar hreyfingar og líkamlega vinnu Geti án aðstoðar 5): - klifið upp lóðrétta stiga og tröppur - stigið yfir háa kanta - meðhöndlað lokunarbúnað hurða
Venjubundin verkefni um borð: - Notkun handverkfæra - Tilfærsla skipsbirgða - Vinna yfir höfuðhæð - Vinna við loka - Fjögurra tíma vaktir standandi - Vinna í lokuðu rými - Viðbrögð við viðvörunarmerkjum, viðvörunum og leiðbeiningum - Munnleg samskipti Athugasemd 1) gildir fyrir þessa röð	Styrkur, leikni og úthald til að meðhöndla vélknúin tæki Lyfta, draga og bera þunga (t.d. 18 kg) Teygja sig upp Standa, ganga og vera í viðbragðsstöðu í langan tíma Vinna í afmörkuðu rými og fara í gegnum þröng op (SOLAS krefst t.d. að lágmarksstærð opa í farmrými og neyðarundankomuleiðum sé 600 mm × 600 mm - SOLAS-regla 3.6.5.1) Greina með sjónrænum hætti hluti, form og merki Heyra varnaðarorð og leiðbeiningar Gefa skýra lýsingu í töluðu máli	Sé hvorki með skilgreinda skerðingu né sjúkdómsgreiningu sem dregur úr getu til að framkvæma venjubundin skylduverk sem eru nauðsynleg fyrir örugga starfrækslu skipsins Búi yfir atgervi til að: - vinna með upprétta handleggi - standa og ganga í langan tíma - fara inn í lokað rými - uppfylla lágmarkskröfur um sjón (tafla A-I/9) - uppfylla kröfur um heyrn sem settar eru af lögbæru yfirvaldi eða taka mið af alþjóðlegum leiðbeiningum - halda uppi eðlilegu samtali
Skyldur á neyðarstundu um borð í skipi: 6) - Flótti - Slökkvistörf - Skipið yfirgefið Athugasemd 2) gildir fyrir þessa röð	Klæðast björgunarvesti eða björgunarbúningi Flótti úr reykfylltu rými Þátttaka í slökkvistörfum, þ.m.t. notkun öndunartækja Þátttaka í ferli við að yfirgefa skip	Sé hvorki með skilgreinda skerðingu né sjúkdómsgreiningu sem dregur úr getu til að framkvæma skylduverk sem eru nauðsynleg fyrir örugga starfrækslu skipsins Búi yfir atgervi til að: - klæðast björgunarvesti eða björgunarbúningi - skríða - skynja mismunandi hitastig - meðhöndla slökkvibúnað - axla (bera) öndunartæki (þar sem þess er krafist sem hluti af skyldum)

Athugasemdir:

1) Röð 1 og 2 í töflunni hér að framan lýsa:

a) venjulegum verkefnum, störfum, atvikum og aðstæðum um borð í skipi,

b) samsvarandi líkamlegu atgervi sem kann að teljast nauðsynlegt í þágu öryggis farmanna, annarra skipverja og skips, og

c) grundvallarviðmiðunum sem læknar nota til að meta heilbrigði, að teknu tilliti til þess að farmenn gegna ólíkum skyldum og eðlis þeirra starfa sem unnin eru um borð í skipum.

2) Röð 3 í töflunni hér að framan lýsir:

a) venjulegum verkefnum, störfum, atvikum og aðstæðum um borð í skipi,

b) líkamsatgervi sem ætti að teljast nauðsynlegt í þágu öryggis farmanns, annarra skipverja og skips og

c) grundvallarviðmiðunum sem læknar nota til að meta heilbrigði, að teknu tilliti þess að farmenn gegna ólíkum skyldum og eðlis þeirra starfa sem unnin eru um borð í skipum.

3) Þessari töflu er ekki ætlað að taka á öllum mögulegum aðstæðum um borð í skipi eða sjúkdómum sem kunna að leiða til vanhæfis. Aðilum ber að tilgreina líkamlegt atgervi sem á við tiltekinn flokk farmanna (t.d. „yfirmaður á þilfari“ og „aðstoðarmaður í vél“). Taka ætti fullt tillit til sérstakra aðstæðna einstaklinga og þeirra sem gegna sérhæfðum eða takmörkuðum skyldum.

4) Í vafatilvikum ber lækni að ákvarða alvarleika hvers kyns skerðingar með hlutlægum prófum, þegar viðeigandi próf eru í boði, eða með því að vísa umsækjanda í frekara mat.

5) Hugtakið „aðstoð“ merkir að annar einstaklingur sinnir verkefni.

6) Hugtakið „skyldur á neyðarstundu“ nær yfir öll neyðartilvik svo sem þegar skip er yfirgefið eða slökkvistörf sem og þá ferla sem sérhverjum farmanni ber að fylgja til að tryggja björgun.

---

(^[1]) Gildi gefin upp í Snellen-tugflokkun.

Skilyrði þess að fá útgefið skírteini skipstjóra á skipi styttra en 24 m í strandsiglingum.

Til þess að fá útgefið skírteini til að gegna stöðu skipstjóra á skipi í strandsiglingum sem er styttra en 24 m að lengd er heimilt að víkja frá þeim ákvæðum sem fram koma í kafla II/3 í I. viðauka, enda sé þeim skilyrðum fullnægt sem fram koma í I. töflu.

I. tafla
Réttindaskírteini og hæfnisskírteini farmanna á þilfari.

Eftirfarandi skírteini til starfa við skipstjórn og önnur störf á þilfari samkvæmt II. kafla I. viðauka skulu gefin út að uppfylltum öllum viðeigandi skilyrðum um menntun og þjálfun, aldur, siglingatíma, heilbrigði, sjón og heyrn:

Svið:	Nám/ (stig):	STCW- regla:	Takmarkast við:	Aldur:	Siglinga-tími:	Fjarskipta- skírteini1)	Hæfnisviðmið- anir skv. A-hluta STCW-kóðans
Stjórnunarsvið
Skipstjóri		II/3(65)	< 65 BT í strandsiglingum við Ísland			ROC
Skipstjóri	A	II/3(24)	< 24 m í strandsiglingum við Ísland	20	10)	ROC	(Námskrá A-náms)2)
Skipstjóri	B/(1.)	II/3	< 500 BT í strandsiglingum3)	20	1)	ROC	A-II/3
Yfirstýrimaður	C/(2.)	II/2	500 - 3000 BT	20	2)	GOC	A-II/2
Skipstjóri	C/(2.)	II/2	500 - 3000 BT	20	3)	GOC	A-II/2
Yfirstýrimaður	D/(3.)	II/2	Engar	20	4)	GOC	A-II/2
Skipstjóri	D/(3.)	II/2	Engar	20	5)	GOC	A-II/2
Rekstrarsvið:
Skipstjóri			< 12 m	18	12)	ROC	Námskrá S-náms4)
Stýrimaður		II/3(65)	< 65 BT í strandsiglingum við Ísland			ROC
Stýrimaður	A	II/3 (24)	< 24 m í strandsiglingum við Ísland	18	10)	ROC	(Námskrá A-náms)2)
Yfirstýrimaður/ stýrimaður	B/(1.)	II/3	< 500 BT í strandsiglingum3)	18	6)	ROC	A-II/3
Yfirmaður siglingavaktar	C/(2.)	II/1	Engar	18	7)	GOC	A-II/1
Stoðsvið:
Aðstoðarmaður í brú	Námskeið	II/4	Um lágmarksaldur, sjá 8. gr. sjómannalaga nr. 35/1985, með síðari breytingum	16	8)		A-II/4
Sérhæfður þilfarsliði	Námskeið	II/5	Engar	18	9)		A-II/5

1) GOC – General Operator‘s Certificate / ROC – Restricted Operator‘s Certificate.

2) Auglýsing nr. 668/2009 um gildistöku aðalnámskrár framhaldsskóla, skipstjórnarnám A (< 24 m).

3) Skip, önnur en strandsiglingaskip:

1. Hver yfirmaður sem ber ábyrgð á siglingavakt á hafskipi, sem er minna en 500 brúttótonn og er ekki strandsiglingaskip, skal hafa réttindaskírteini fyrir skip sem eru 500 brúttótonn eða stærri.

2. Hver skipstjóri á hafskipi, sem er minna en 500 brúttótonn og er ekki strandsiglingaskip, skal hafa réttindaskírteini fyrir skipstjóra á skipum sem eru á bilinu 500 til 3000 brúttótonn.

4) Auglýsing nr. 668/2009 um gildistöku aðalnámskrár framhaldsskóla, skipstjórnarnám S (smáskipanám < 12 m).

_________________________________________________

Siglingatími:

1) Skipstjóri í strandsiglingum < 500 BT: Hafa að baki viðurkenndan siglingatíma, sem er eigi skemmri en 12 mánuðir, í stöðu yfirmanns siglingavaktar, þ.e. vakthafandi stýrimanns (II/1 eða II/3) á skipi sem er stærra en 100 brúttótonn.

2) Yfirstýrimaður á skipi 500 – 2999 BT: Hafa að baki a.m.k. 12 mánaða viðurkenndan siglingatíma í stöðu yfirmanns siglingavaktar á hafskipi 500 BT eða stærra, að uppfylltum kröfum sem gerðar eru til að öðlast skírteini yfirmanns siglingavaktar (II/1).

 3) Skipstjóri á skipi 500 – 2999 BT: Hafa að baki a.m.k. 36 mánaða viðurkenndan siglingatíma í stöðu yfirmanns siglingavaktar á hafskipi 500 BT og stærra, að fullnægðum kröfum sem gerðar eru til að öðlast skírteini yfirmanns siglingavaktar (II/1). Heimilt að stytta viðurkenndan siglingatíma í 24 mánuði hið minnsta hafi umsækjandi gegnt stöðu yfirstýrimanns í a.m.k. 12 mánuði af slíkum siglingatíma.

4) Yfirstýrimaður án takmarkana: Hafa að baki a.m.k. 12 mánaða viðurkenndan siglingatíma í stöðu yfirmanns siglingavaktar á hafskipi 500 BT eða stærra eftir að hafa áður fullnægt kröfum sem gerðar eru til að öðlast skírteini yfirmanns siglingavaktar (II/1).

5) Skipstjóri án takmarkana: Hafa að baki eigi skemmri en 36 mánaða viðurkenndan siglingatími sem yfirmaður siglingavaktar (II/1). Þó er heimilt að stytta þennan tíma í 24 mánuði hið minnsta ef umsækjandi hefur starfað sem yfirstýrimaður a.m.k. 12 mánuði af slíkum siglingatíma. Hafa að baki a.m.k. 36 mánaða viðurkenndan siglingatíma í stöðu yfirmanns siglingavaktar á hafskipi 500 BT og stærra að uppfylltum kröfum sem gerðar eru til að öðlast skírteini yfirmanns siglingavaktar (II/1). Heimilt að stytta viðurkenndan siglingatíma í 24 mánuði hið minnsta hafi umsækjandi gegnt stöðu yfirstýrimanns í a.m.k. 12 mánuði af slíkum siglingatíma.

6) Yfirstýrimaður/stýrimaður í strandsiglingum < 500 BT. Hafa að baki viðurkenndan siglingatíma sem nemur:

a) a.m.k. 12 mánuðum, enda sé sá siglingatími hluti af viðurkenndri námsbraut sem tekur til þjálfunar um borð undir eftirliti leiðbeinanda og að því tilskyldu að sú þjálfun fullnægi kröfunum í þætti A-II/1 í STCW-kóðanum og að þjálfunin ásamt siglingatíma sé skráð og staðfest í viðurkennda þjálfunarbók eða

b) a.m.k. 36 mánuðum, enda skuli 12 mánuðir af þessum 36 mánuðum vera á skipi sem er 500 BT eða stærra.

7) Yfirmaður siglingavaktar. Hafa að baki viðurkenndan siglingatíma sem nemur:

a) a.m.k. 12 mánuðum, enda sé sá siglingatími hluti af viðurkenndri námsbraut sem tekur til þjálfunar um borð undir eftirliti leiðbeinanda og að því tilskyldu að sú þjálfun fullnægi kröfunum í þætti A-II/1 í STCW-kóðanum og að þjálfunin ásamt siglingatíma sé skráð og staðfest í viðurkennda þjálfunarbók eða

b) a.m.k. 36 mánuðum, enda skuli 12 mánuðir af þessum 36 mánuðum vera á skipi sem er 500 BT eða stærra.

Hafa á tilgreindum siglingatíma staðið vaktir á stjórnpalli um a.m.k. sex mánaða skeið undir eftirliti skipstjóra eða yfirmanns siglingavaktar á skipi sem er 500 BT eða stærra. Umsækjandi skal geta fært sönnur á vaktstöðu á stjórnpalli með því að leggja fram sjóferðabók og þjálfunarbók.

8) Aðstoðarmaður í brú:

a) hafa að baki viðurkenndan siglingatíma sem nemur a.m.k. 6 mánaða þjálfun og reynslu um borð í skipi stærra en 500 BT sem færð er í sérstaka þjálfunarbók eða

b) hafa að baki sérstaka viðurkennda þjálfun, annaðhvort í landi eða um borð í skipi, ásamt viðurkenndum siglingatíma sem skal eigi vera skemmri en 2 mánuðir undir eftirliti yfirmanns á stjórnunarsviði.

Siglingatíminn, þjálfunin og reynslan, sem krafist er skal tengjast störfum á siglingavakt og fela m.a. í sér skyldustörf sem unnin eru undir beinu eftirliti skipstjóra, yfirmanns siglingavaktar eða undirmanns sem til þess hefur menntun og hæfi.

9) Sérhæfður þilfarsliði. Hafa viðurkenndan siglingatíma á þilfari skips eftir að hafa fullnægt skilyrðum til að gegna stöðu aðstoðarmanns í brú sem nemur að lágmarki:

a) 18 mánuðum, þar af a.m.k. 6 mánuðum á skipi stærra en 500 BT eða

b) 12 mánuðum eftir að hafa lokið sérstakri viðurkenndri þjálfun sem færð er í sérstaka þjálfunarbók.

10) Skipstjóri/stýrimaður á skipi < 24 m í strandsiglingum: Hafa að baki 18 mánaða siglingatíma. Umsækjandi skal vera handhafi skírteinis fjarskiptamanns GMDSS/ROC.

Skilyrði þess að fá útgefið skírteini yfirvélstjóra á skipi í strandsiglingum sem er styttra en 24 m og með vélarafl minna en 750 kW. (Skírteini: Vélavörður (VVY)).

Til þess að fá útgefið skírteini til að gegna stöðu yfirvélstjóra á skipi í strandsiglingum sem er styttra en 24 m að lengd og með vélarafl minna en 750 kW skal umsækjandi:

a) vera að lágmarki 18 ára að aldri

b) hafa að loknu vélgæslunámi samkvæmt reglugerð settri af mennta- og menningarmálaráðuneytinu eða eftir að hafa lokið sveinsprófi í vélvirkjun lokið viðbótarnámi, samkvæmt aðalnámskrá framhaldsskóla – vélstjórnarnám (vélstjórnarnám – smáskip með vélarafl < 750 kW – vélavörður VVS).

Skilyrði þess að fá útgefið skírteini vélavarðar á skipi í strandsiglingum sem er styttra en 12 m og með vélarafl minna en 750 kW. (Skírteini: Smáskipavélavörður (SSV)).

Til þess að fá útgefið skírteini til að gegna stöðu vélavarðar á skipi í strandsiglingum sem er styttra en 12 m að lengd og með vélarafl minna en 750 kW skal umsækjandi:

a) vera að lágmarki 18 ára að aldri,

b) hafa lokið vélgæslunámi samkvæmt aðalnámskrá framhaldsskóla – vélstjórnarnám (vélstjórnarnám – smáskip, viðauki I. Námslýsing vélstjórnarnáms á smáskipum).

II. tafla
Réttindaskírteini og hæfnisskírteini farmanna í vélarúmi.

Eftirfarandi skírteini til starfa við vélstjórn og önnur störf í vélarúmi samkvæmt III. kafla I. viðauka skulu gefin út að uppfylltum öllum viðeigandi skilyrðum um menntun og þjálfun, aldur, siglingatíma, heilbrigði, sjón og heyrn:

Svið:	Nám (stig vélskóla)	STCW- regla	Takmarkast við:	Aldur:	Siglinga- tími:	Hæfniskröfur skv. A-hluta STCW-kóðans
Stjórnunarsvið
Yfirvélstjóri	VVY		< 750 kW < 24 m Strandsiglingar	18	11)	Námskeið og námseiningar
Yfirvélstjóri	A /(2.)		< 750 kW Strandsiglingar	18	10)	(A-nám)
2. vélstjóri/ (e. Second engineer)	C /(3.)	III/3	750 - 3000 kW	18	1)	A-III/3
Yfirvélstjóri	C /(3.)	III/3	750 - 3000 kW	20	2)	A-III/3
2. vélstjóri / (e. Second engineer)	D /(4.)	III/2	Engar	20	3)	A-III/2
Yfirvélstjóri	D /(4.)	III/2	Engar	20	4)	A-III/2
Rekstrarsvið:
Vélavörður	VM(SSV)		< 750 kW ≤ 12 m Strandsiglingar	18	12)	Námskeið
Yfirmaður vélstjórnarvaktar	C /(3.)	III/1	Engar	18	5)	A-III/1
Skiparafvirki	Iðn- og verknám	III/6	Engar	18	6)	A-III/6
Stoðsvið:
Aðstoðarmaður í vél	Námskeið	III/4	Um lágmarksaldur, sjá 8. gr. sjómannalaga nr. 35/1985, með síðari breytingum	16	7)	A-III/4
Sérhæfður vélarliði	Námskeið	III/5		18	8)	A-III/5
Aðstoðarmaður skiparafvirkja	námskeið/mat á starfstíma við skiparafmagn	III/7	Engar	18	9)	A-III/7

Siglingatími:

1) 2. vélstjóri 750 – 2999 kW: Hafa að baki a.m.k. 12 mánaða viðurkenndan siglingatíma í stöðu yfirmanns vélstjórnarvaktar á hafskipi með vélarafl 750 kW eða meira, að uppfylltum kröfum sem gerðar eru til að öðlast skírteini yfirmanns vélstjórnarvaktar (III/1).

2) Yfirvélstjóri 750 – 2999 kW: Hafa að baki a.m.k. 24 mánaða viðurkenndan siglingatíma í stöðu yfirmanns vélstjórnarvaktar á hafskipi með vélarafl 750 kW eða meira, að uppfylltum kröfum sem gerðar eru til að öðlast skírteini yfirmanns vélstjórnarvaktar (III/1).

3) 2. vélstjóri ótakmarkað: Hafa auk þess að baki a.m.k. 12 mánaða viðurkenndan siglingatíma í stöðu yfirmanns vélstjórnarvaktar á hafskipi með vélarafl 750 kW eða meira, að uppfylltum kröfum sem gerðar eru til að öðlast skírteini yfirmanns vélstjórnarvaktar (III/1).

4) Yfirvélstjóri ótakmarkað: Hafa að baki a.m.k. 36 mánaða viðurkenndan siglingatíma í stöðu yfirmanns vélstjórnarvaktar á hafskipi með vélarafl 750 kW eða meira, eftir að hafa áður fullnægt kröfum sem gerðar eru til að öðlast skírteini yfirmanns með ábyrgð á siglingavakt (III/1). Heimilt að stytta þennan viðurkennda siglingatíma í 24 mánuði hið minnsta hafi umsækjandi gegnt stöðu 2. vélstjóra í a.m.k. 12 mánuði af slíkum siglingatíma.

5) Yfirmaður vélstjórnarvaktar skal hafa lokið:

a) a.m.k. 12 mánaða samanlagðri verkþjálfun og viðurkenndum siglingatíma enda sé sá siglingatími hluti af viðurkenndri námsbraut sem tekur til þjálfunar um borð undir eftirliti leiðbeinanda og að því tilskildu að sú þjálfun fullnægi kröfum í þætti A-III/1 í STCW-kóðanum og að þjálfunin ásamt siglingatíma sé skráð og staðfest í þjálfunarbók eða, sem hluta af viðurkenndri þjálfunaráætlun, sem felur í sér þjálfun um borð og fullnægir kröfum þáttar A-III/1 í STCW-kóðanum og er skráð í viðurkennda þjálfunarbók eða

b) a.m.k. 36 mánaða samanlagðri viðurkenndri verkþjálfun og viðurkenndum siglingatíma, þar af skulu a.m.k. 30 mánuðir vera siglingatími við vélstjórnarstörf. Viðurkennd verkþjálfun telst vera nám til sveinsprófs í viðurkenndri málmiðnaðargrein eða nám til sveinsprófs í rafvirkjun. Slíkt nám telst svara til allt að 18 mánaða siglingatíma við framvísun staðfestingar um að sveinsprófi sé lokið með fullnægjandi árangri og

c) a.m.k. 6 mánaða siglingatíma af tilskildum siglingatíma undir leiðsögn vélstjórayfirvélstjóra eða 6 mánaða siglingatími í stöðuhæfs vélstjóra sem má vera hluti siglingatíma eða áskilins siglingatíma skv. a- eða b-lið.

6) Skiparafvirki skal hafa lokið:

a) a.m.k. 12 mánaða samanlagðri verkþjálfun og viðurkenndum siglingatíma enda sé sá siglingatími a.m.k. 6 mánuðir og hluti af viðurkenndri námsbraut sem tekur til þjálfunar um borð undir eftirliti leiðbeinanda og að því tilskyldu að sú þjálfun fullnægi kröfum í þætti A-III/6 í STCW-kóðanum og að þjálfunin ásamt siglingatíma sé skráð og staðfest í þjálfunarbók eða

b) a.m.k. 36 mánaða samanlagðri viðurkenndri verkþjálfun og viðurkenndum siglingatíma, þar af skulu a.m.k. 30 mánuðir vera siglingatími við vélstjórnarstörf, en í 24 mánuði hið minnsta hafi umsækjandi starfað sem 2. vélstjóri í a.m.k. 12 mánuði af slíkum siglingatíma. Viðurkennd verkþjálfun telst vera nám til sveinsprófs í rafvirkjun. Slíkt nám telst svara til allt að 18 mánaða starfstíma við framvísun staðfestingar um að sveinsprófi sé lokið með fullnægjandi árangri.(^[1])

7) Aðstoðarmaður í vél:

a) hafa að baki viðurkenndan siglingatíma sem nemur a.m.k. 6 mánaða þjálfun og reynslu um borð í skipi með 750 kW vélarafl eða meira eða

b) hafa lokið sérstakri viðurkenndri þjálfun, annaðhvort í landi eða um borð í skipi, ásamt viðurkenndum siglingatíma sem skal vera eigi skemmri en 2 mánuðir undir eftirliti yfirmanns á stjórnunarsviði.

8) Sérhæfður vélarliði:

Hafa viðurkenndan siglingatíma við vélstjórn á skipi eftir að hafa uppfyllt skilyrði til að gegna stöðu aðstoðarmanns í vél nemur að lágmarki:

a) 12 mánuðum, þar af a.m.k. 6 mánuðir á skipum með 750 kW vélarafl og meira eða

b) 6 mánuðum eftir að hafa lokið sérstakri viðurkenndri þjálfun sem færð er í sérstaka þjálfunarbók.

Fullnægja kröfunum sem til þarf til að fá útgefið réttindaskírteini sem aðstoðarmaður í vél sem gegnir störfum á vakt í mönnuðu vélarrúmi eða er settur til að gegna skyldustörfum í vélarúmi sem er ómannað tímabundið sem nemur a.m.k. 12 mánuðum eða a.m.k. 6 mánuðum og hafa lokið viðurkenndri þjálfun.

9) Aðstoðarmaður skiparafvirkja: Hafa lokið viðurkenndum siglingatíma með a.m.k. 12 mánaða þjálfunar- og reynslutíma eða hafa lokið viðurkenndri þjálfun, þ.m.t. a.m.k. 6 mánaða viðurkenndum siglingatíma eða hafa menntun og hæfi sem uppfyllir skilyrði um tæknilega færni í töflu A-III/7 í STCW-kóðanum og a.m.k. 3 mánaða viðurkenndan siglingatíma.

10) Yfirvélstjóri < 750 kW: Hafa lokið 9 mánaða viðurkenndum siglingatíma sem vélstjóri, vélavörður eða aðstoðarmaður í vél.

11) Yfirvélstjóri < 750 kW < 24 m: Hafa að loknu námskeiði til smáskipavélavarðar lokið viðbótarnámi RAF103 og tveimur af eftirfarandi þremur áföngum: RAF253, VST204 og KÆL122 sem skilgreint er í námskrá að loknum 4 mánaða siglingatíma sem vélavörður. Heimilt er að meta sambærilega áfanga jafngilda.

12) Vélavörður: Að loknu viðurkenndu námskeiði.

---

(^[1]) Samgöngustofu er heimilt að telja farmenn fullnægja kröfum reglu III/6 fyrir skiparafvirkja ef þeir hafa gegnt viðeigandi störfum um borð um 12 mánaða skeið hið minnsta síðustu 60 mánuði fyrir gildistöku þessarar reglugerðar og fullnægja hæfnisstöðlunum sem eru tilgreindir í þætti A-III/6 í STCW-kóðanum.

Öryggismönnun skipa og skírteini.

KAFLI I

Skírteini.

Þeir sem skipa áhöfn skips skulu vera handhafar þeirra skírteina sem mælt er fyrir um í eftirfarandi töflum, sbr.

4. og 5. mgr. 21. gr. reglugerðar þessarar, um öryggismönnun skipa.

1. Skipstjórnarmenn.

Skipstjórnarmenn farþegaskipa og flutningaskipa skulu hafa yfir að ráða eftirfarandi skírteinum miðað við stærð og farsvið skipsins og þann fjölda skipstjórnarmanna sem tilgreindur er í skírteini um öryggismönnun skipsins:

Stærð skips	Skipstjóri	Yfirstýrimaður	Stýrimaður	Aðstoðarmaður
< 65 BT Strandsiglingar	Skipstjóri STCW II/3 (65)		Stýrimaður STCW II/3 (65)
< 24 m Strandsiglingar	Skipstjóri STCW II/3 (24)		Stýrimaður STCW II/3 (24)
< 500 BT Strandsiglingar	Skipstjóri STCW II/3	Yfirstýrimaður STCW II/3	Stýrimaður STCW II/3
< 500 BT	Skipstjóri STCW II/3	Yfirstýrimaður STCW II/3	Stýrimaður STCW II/3
< 3000 BT	Skipstjóri STCW II/2	Yfirstýrimaður STCW II/2	Stýrimaður STCW II/1	Aðstoðarmaður STCW II/4
Engar takmarkanir	Skipstjóri STCW II/2	Yfirstýrimaður STCW II/2	Stýrimaður STCW II/1	Aðstoðarmaður STCW II/4

2. Vélstjórnarmenn.

Vélstjórnarmenn skulu hafa yfir að ráða eftirfarandi skírteinum miðað við vélastærð skipsins og þann fjölda vélstjórnarmanna sem tilgreindur er í skírteini um öryggismönnun skipsins:

Vélarafl	Yfirvélstjóri	2. vélstjóri	Vélstjóri	Aðstoðarmaður
< 750 kW < 12 m Strandsiglingar	Yfirvélstjóri VVS
< 750 Kw < 24 m Strandsiglingar	Yfirvélstjóri VVY
< 750 Kw Strandsiglingar	Yfirvélstjóri VS III		Vélstjóri
< 3000 Kw Strandsiglingar	Yfirvélstjóri STCW III/3	2. vélstjóri STCW III/3	Vélstjóri STCW III/1
< 3000 Kw	Yfirvélstjóri STCW III/3	2. vélstjóri STCW III/3	Vélstjóri STCW III/1	Aðstoðarmaður STCW III/4
Án takmarkana	Yfirvélstjóri STCW III/2	2. vélstjóri STCW III/3	Vélstjóri STCW III/1	Aðstoðarmaður STCW III/4

KAFLI II

Leiðbeiningar um beitingu grundvallarreglna um lágmarksöryggismönnun.

1 Inngangur.

1.1 Nota skal leiðbeiningar þessar við beitingu grundvallarreglna um öryggismönnun, sbr. 3. gr. þessa kafla, til að tryggja öruggan rekstur og vernd gegn mengun frá skipum sem III. gr. STCW-samþykktarinnar frá 1978, með breytingum, gildir um auk siglingaverndar sem kafli XI-2 í SOLAS-samþykktinni frá 1974, með breytingum, gildi um og umhverfisvernd sjávar.

1.2 Samgöngustofu er heimilt að samþykkja fyrirkomulag sem er með öðrum hætti en mælt er fyrir um í þessum viðauka og er sérstaklega aðlagað tækniþróun tiltekinna tegunda skipa og siglinga. Samgöngustofa skal þó ætíð fullvissa sig um að nákvæmt fyrirkomulag mönnunar tryggi tiltekið öryggisstig sem telst að minnsta kosti samsvara því sem komið er á með þessum leiðbeiningum.

2 Markmið.

2.1 Markmið þessara leiðbeininga er að tryggja að skip sé nægilega mannað á skilvikran hátt til að tryggja öryggi og vernd skipsins, örugga siglingu og rekstur á sjó, örugga starfsemi í höfn, fyrirbyggja lífs- og líkamstjón fólks, koma í veg fyrir mengun sjávar, skemmdir á eignum og tryggja velferð og heilsu sjómanna með því að koma í veg fyrir ofþreytu. Þessum markmiðum skal náð með eftirfarandi aðgerðum:

1 taka upp markmiðssetningu,

2 taka upp staðlaðar verklagsreglur um árangursríka framkvæmd og 3 skilvirkri framfylgd reglna.

3 Grundvallarreglur um lágmarksöryggismönnun.

3.1 Taka skal mið af eftirfarandi grundvallarreglum við að ákvarða lágmarksöryggismönnun skips:

1 hæfni til að:

1 viðhafa örugga siglinga-, vélstjórnar- og fjarskiptavakt í samræmi við reglu VIII/2 í STCW-samþykktinni frá 1978, með breytingum, og sinna almennu eftirliti með skipinu,

2 leggja frá eða að bryggju með öruggum hætti,

3 hafa með höndum stjórn öryggismála um borð í skipinu þegar skipið er ferðlaust eða nær ferðlaust á hafi úti,

4 sinna störfum, eftir því sem við á, í því skyni að koma í veg fyrir skaða á umhverfi sjávar,

5 tryggja öryggisfyrirkomulag og þrifnað allra aðgengilegra rýma til að draga úr eldhættu,

6 veita læknishjálp um borð í skipi,

7 tryggja öruggan flutning farms meðan á ferð stendur,

8 skoða og viðhalda, eftir því sem við á, styrk burðarvirkis skipsins, 9 starfa í samræmi við samþykkta verndaráætlun skipsins.

2 getu til að:

1 stjórna öllum búnaði til að loka vatnsþéttum dyrum og halda búnaði í virku ástandi og kalla út hæfa starfsmenn til að annast neyðarviðgerðir,

2 starfrækja allan slökkvi-, neyðar- og björgunarbúnað um borð, framkvæma tilskilið viðhald á sjó og kalla alla menn um borð til söfnunarstöðva sinna og koma þeim frá borði og

3 stjórna framdrifs- og hjálparvélum, þ.m.t. mengunarvarnarbúnaði og halda þeim í öruggu ástandi svo tryggt sé að skipinu sé ekki hætta búin meðan sjóferð stendur yfir.

3.2 Einnig ber að taka mið af eftirtöldum þáttum um borð þegar við á:

1 viðvarandi þjálfunarkröfum fyrir alla farmenn um borð, þar með talið vegna stjórnunar og notkunar slökkvi- og neyðarbúnaðar, búnaðar til björgunar mannslífa og búnaðar til vatnsþéttrar lokunar,

2 kröfum um sérþjálfun vegna tiltekinna tegunda skipa og í þeim tilvikum sem skipverjar sinna skipsstörfum í hinum ýmsu deildum innan skipsins,

3 að fæði og drykkjarvatn um borð sé viðunandi,

4 nauðsyn þess að taka að sér skyldustörf og axla ábyrgð á neyðarstundu og

5 að byrjendum til sjós séu veitt tækifæri til þjálfunar svo þeir geti öðlast þá reynslu sem nauðsynleg er.

KAFLI III

Leiðbeiningar um ákvörðun lágmarksöryggismönnunar.

1.1 Ákvarða skal lágmarksöryggismönnun skips með hliðsjón af öllum þáttum sem máli skipta, þar á meðal eftirtalið:

1 stærð og gerð skips,

2 fjöldi, stærð og gerð framdrifs- og hjálparvéla,

3 stig sjálfvirkni um borð í skipinu,

4 smíði og búnaður skipsins,

5 viðhaldsaðferð sem beitt er,

6 farmur sem flytja á,

7 hve oft er komið til hafnar, lengd og eðli fyrirhugaðra sjóferða,

8 farsvið, hafsvæði og rekstur sá sem skipið er í,

9 umfang þeirra þjálfunarstarfa sem stunduð eru um borð,

10 að hvaða marki félagið veitir skipinu stuðning úr landi,

11 gildandi vinnutímatakmarkanir og/eða hvíldarkröfur og

12 ákvæði samþykktrar verndaráætlunar skipsins.

1.2 Byggja ber ákvörðun lágmarksöryggismönnunar skips á starfssviði sem sinnt er á viðeigandi ábyrgðarsviði eins og kveðið er á um í STCW-kóðanum þar sem eftirfarandi kemur fram:

1 siglingafræði, sem felur í sér þau verkefni, skyldur og þá ábyrgð sem krafist er til að:

1 gera sjóferðaráætlun og sigla skipinu með öruggum hætti,

2 viðhafa örugga siglingavakt í samræmi við kröfur STCW-kóðans,

3 beita stjórntökum og sigla skipinu við allar aðstæður og 4 leggja frá eða að bryggju með öruggum hætti.

2 meðferð og hleðsla farms sem felur í sér þau verkefni, skyldur og þá ábyrgð sem krafist er til að skipuleggja, hafa eftirlit með og tryggja örugga lestun, hleðslu og sjóbúnað farms og aðgæslu hans meðan á sjóferð stendur og losun hans þegar í höfn er komið.

3 rekstur skipsins og umönnun allra einstaklinga um borð, sem felur í sér þau verkefni, skyldur og þá ábyrgð sem krafist er til að:

1 tryggja velferð og öryggi allra einstaklinga um borð og halda búnaði til bjargar mannslífum, slökkvistarfa og öðrum búnaði í starfhæfu ástandi,

2 stjórna öllum búnaði til að loka vatnsþéttum dyrum og halda honum í starfhæfu ástandi,

3 sinna störfum, eftir því sem við á, í því skyni að kalla alla skipverja til sinna söfnunarstöðva og koma þeim frá borði,

4 sinna störfum, eftir því sem við á, til að tryggja vernd umhverfis sjávar,

5 veita læknishjálp um borð í skipinu og

6 takast á hendur þau stjórnunarstörf sem nauðsynleg eru fyrir öruggan rekstur skipsins og siglingavernd þess.

4 vélstjórn, sem felur í sér þau verkefni, skyldur og þá ábyrgð sem krafist er til að:

1 starfrækja og gæta framdrifs- og hjálparvéla skipsins og meta hvernig þessi vélbúnaður starfar,

2 viðhafa örugga vélstjórnarvakt í samræmi við kröfur STCW-kóðans,

3 hafa stjórn á og framkvæma aðgerðir í tengslum við eldsneyti og kjölfestu og

4 hafa með höndum störf til að tryggja öryggi vélbúnaðar, -kerfa og þjónustu.

5 störf við rafmagns-, rafeinda- og stjórnbúnað véla, sem felur í sér þau verkefni, skyldur og þá ábyrgð sem krafist er til að:

1 stjórna raf- og rafeindabúnaði skipsins og

2 viðhalda öryggi rafmagns- og rafeindakerfa skipsins.

6 fjarskiptastörf, sem fela í sér þau verkefni, skyldur og þá ábyrgð sem krafist er til að:

1 senda og taka á móti upplýsingum með því að nota fjarskiptabúnað skipsins,

2 sinna öruggri fjarskiptavakt í samræmi við kröfur alþjóðaradíóreglugerðar Alþjóðafjarskiptasambandsins (ITU) og SOLAS-samningsins frá 1974, með breytingum og

3 sinna fjarskiptaþjónustu á neyðarstundu.

7 viðhald og viðgerðir, sem fela í sér þau verkefni, skyldur og þá ábyrgð sem krafist er til að sinna viðhaldi og viðgerðum á skipinu og vélum, búnaði og kerfum, eftir því sem við á í tengslum við þá viðhalds- og viðgerðaraðferð sem beitt er.

1.3 Til viðbótar þáttunum og starfssviðunum sem tilgreind eru í málsgreinum 1.1 og 1.2 ætti við ákvörðun lágmarksöryggismönnunar einnig að taka mið af:

1 stjórnun framkvæmdar öryggismála, verndarmála og umhverfisverndar sjávar um borð í skipinu þegar það er ferðlaust eða nær ferðlaust á hafi úti,

2 að um borð séu hæfir yfirmenn á þilfari til að tryggt sé að skipstjóri þurfi ekki að standa reglulegar vaktir, með því að koma á þrískiptu vaktakerfi, nema í skipum af takmarkaðri stærð,

3 að um borð séu hæfir yfirmenn í vél til að tryggt sé að yfirvélstjóri þurfi ekki að standa reglulegar vaktir, með því að koma á þrískiptu vaktakerfi, nema í skipum með takmarkað framdrifsafl eða sem eru starfrækt þannig að vélarúm eru ómönnuð tímabundið,

4 tekið sé mið af gildandi viðmiðum um hollustuhætti og hreinlæti um borð og

5 að fullnægjandi fæði og drykkjarvatn sé fyrir alla um borð eftir þörfum.

1.4 Við ákvörðun lágmarksöryggismönnunar á skipi skal einnig taka mið af:

1 fjölda hæfra manna og annarra starfsmanna sem þarf við aðstæður sem myndast þegar vinnuálag er hvað mest, að teknu tilliti til vinnutíma við skyldustörf um borð og hvíldartíma sem sjómönnum er ætlaður og

2 færni skipstjóra og áhafnar skipsins til að samræma störf svo unnt sé að tryggja öruggan rekstur skipsins, siglingavernd og umhverfisvernd sjávar.

KAFLI IV

Ábyrgð við beitingu reglna um lágmarksöryggismönnun.

1 Ábyrgð félaga.

1.1 Samgöngustofu er heimilt að krefjast þess að útgerð, sem ber ábyrgð á rekstri skips, undirbúi og geri tillögur um lágmarksöryggismönnun skips í samræmi við fyrirmynd sem Samgöngustofa tilgreinir.

1.2 Við gerð tillagna um lágmarksöryggismönnun skips ber útgerðinni að beita reglum og tilmælum sem er að finna í þessum viðauka og skal skylt að:

1 meta störf, skyldustörf og þá ábyrgð áhafnar skips sem ætlast er til að hún sinni til öruggs reksturs, siglingaverndar, umhverfisverndar sjávar og til að bregðast við neyðarástandi,

2 tryggja að ákvæðum um hæfni til vaktstöðu og skráningu vinnutíma sé framfylgt,

3 meta þann fjölda manna með þá menntun, hæfni og getu sem nauðsynleg er til öruggs reksturs skipsins, siglingaverndar, umhverfisverndar sjávar og til að bregðast við neyðarástandi,

4 undirbúa og leggja fram við Samgöngustofu tillögu um lágmarksöryggismönnun byggða á mati á þeim fjölda manna með þá menntun, hæfni og getu sem nauðsynleg er til að reka skipið með öruggum hætti, sinna siglingavernd og til umhverfisverndar sjávar og rökstyðja tillöguna með því að skýra út hvernig fyrirhöguð áhöfn skipsins bregðist við neyðarástandi, þ.m.t. að koma farþegum frá borði ef nauðsyn krefur,

5 tryggja lágmarksöryggismönnun, þar með talið til að mæta þörfum við aðstæður sem myndast þegar vinnuálag er hvað mest og sérstök þörf skapast, í samræmi við reglur þessa viðauka og

6 undirbúa og leggja fram við Samgöngustofu tillögu að lágmarksöryggismönnun skips ef breyting verður á farsviði, burðarvirki, vélabúnaði, búnaði eða rekstri og viðhaldi skipsins sem kann að hafa áhrif á öryggismönnun.

2 Samþykki Samgöngustofu.

2.1 Tillaga að lágmarksöryggismönnun skips sem félag leggur fram við Samgöngustofu skal metin af stofnuninni til að tryggt sé að:

1 í tillögunni um fyrirhugaða áhöfn skipsins sé sá fjöldi manna með þá menntun, hæfni og getu sem nauðsynlegur er til að sinna af kostgæfni þeim verkefnum, skyldum, þeirri ábyrgð sem nauðsynleg er til öruggs reksturs skipsins, til siglingaverndar og umhverfisverndar sjávar og til að bregðast við neyðarástandi og

2 skipstjóra, yfirmönnum og öðrum í áhöfn skipsins sé ekki skylt að vinna fleiri vinnustundir en öruggt telst til að gæta öryggis skipsins og að unnt sé að hlíta kröfum um vinnu- og hvíldartíma í samræmi við gildandi reglur.

2.2 Við beitingu reglna um lágmarksöryggismönnun ber Samgöngustofu að taka mið af gildandi samningum Alþjóðasiglingamálastofnunarinnar (IMO), Alþjóðavinnumálastofnunarinnar (ILO), Alþjóðafjarskiptasambandsins (ITU) og Alþjóðaheilbrigðismálastofnunarinnar (WHO) sem kveða á um:

1 vaktstöðu,

2 vinnu- eða hvíldartíma,

3 öryggisstjórnun,

4 skírteinisútgáfu til farmanna,

5 menntun og þjálfun farmanna,

6 öryggi á vinnustað, heilbrigði og hollustuhætti,

7 vistarverur áhafnar og fæði,

8 siglingavernd, og 9 fjarskipti.

2.3 Að undangengnu mati á upphaflegu tillögunni sem útgerðin lagði fram ber Samgöngustofu að gera útgerðinni skylt að breyta tillögu að lágmarksöryggismönnun ef hún getur ekki fallist á framlagða tillögu að samsetningu áhafnar.

2.4 Samgöngustofu ber einungis að samþykkja tillögu um lágmarksöryggismönnun skips og gefa út öryggisskírteini um lágmarksmönnun hafi stofnunin gengið úr skugga um að tillagan um samsetningu áhafnar sé fengin í samræmi við reglur, tilmæli og leiðbeiningar í þessum viðauka og að mönnun á grunni hennar nægi fyllilega til öruggs reksturs skipsins, siglingaverndar og umhverfisverndar sjávar.

2.5 Samgöngustofa getur afturkallað öryggisskírteini um lágmarksmönnun skips ef félag vanrækir að leggja fram nýja tillögu um lágmarksöryggismönnun eftir að breytingar hafa orðið á farsviði, smíði, vélbúnaði, búnaði eða rekstri og viðhaldi skipsins og sem hafa áhrif á lágmarksöryggismönnunina.

2.6 Samgöngustofu ber að endurskoða og má afturkalla, eftir því sem við á, öryggisskírteini um lágmarksmönnun skips þar sem ítrekað er vanrækt að fullnægja kröfum um hvíldartíma.

2.7 Samgöngustofu ber að leggja vandlegt mat á aðstæður áður en gefið er út öryggisskírteini um lágmarksmönnun þar sem kveðið er á um færri en þrjá fullgilda yfirmenn sem bera ábyrgð á siglingavakt, að teknu tilliti til allra reglnanna um ákvörðun öryggismönnunar.

KAFLI V

Öryggisskírteini um lágmarksöryggismönnun.

1.1 Öryggisskírteini um lágmarksöryggismönnun skipa skal vera í samræmi við fyrirmynd Alþjóðasiglingamálastofnunarinnar (IMO).

KAFLI VI

Rammi til ákvörðunar lágmarksöryggismönnunar.

Inngangsorð.

Þessum ramma er ætlað að vera Samgöngustofu og félögum til leiðbeiningar við að ákvarða lágmarksöryggismönnun.

Ráðstafanir til að ákvarða lágmarksöryggismönnun.

1. Umsókn frá félaginu.

1.1 Umsókn frá félagi þar sem fram kemur tillaga að lágmarksöryggismönnun og skilgreining á eðli reksturs skipsins.

1.2 Í umsókn þarf að taka tillit til krafnanna í 2. og 3. kafla í tengslum við starfsemi um borð í skipinu á sviði öryggisstjórnunar, siglingaverndar og umhverfisverndar sjávar.

1.3 Ferlið sem lýst er hér á eftir gerir félögum kleift að ná betri yfirsýn yfir þá tengdu þætti og samskipti rekstrarþátta sem hafa áhrif á vinnuálag og þegar upp er staðið tillögu að lágmarksöryggismönnun.

Starfssvið rekstrar.

1.4 Nauðsynlegt er, samkvæmt þessu ferli, að sundurliða rekstrarþætti í starfssvið. Í 2. kafla eru leiðbeiningar um viðeigandi starfssvið sem þarf að huga að, þótt ekki sé um endanlega upptalningu að ræða. Hvert starfssvið má síðan sundurliða í verkefnalista sem inniheldur eftirfarandi:

1 Tímalengd: Hve langan tíma þarf til að framkvæma hvert verkefni? Tími í þessu tilviki er mæling á heildarfjölda vinnustunda samanborið við rauntíma sem þarf til að ljúka verkefni þar sem unnt er að ljúka sumum verkefnum á skemmri tíma með því að nota marga einstaklinga.

2 Tíðni: Hve oft er verkefni unnið? Þetta má flokka samkvæmt einhvers konar staðaltímabili (þ.e. á klukkutímafresti, daglega, vikulega, o.s.frv.).

3 Hæfniskröfur: Hvaða færni, þjálfun og hæfni þarf til að framkvæma verkefni með samræmdum og fullnægjandi hætti?

4 Mikilvægi: Hvaða hættur eða afleiðingar getur ófullnægjandi frammistaða haft í för með sér?

Rekstrarþættir.

1.5 Þegar starfssviði er skipt niður í tiltekin verkefni og eigindir þeirra er nauðsynlegt að ákvarða fyrir starfsfólk þá hæfni, rekstrarstefnu og þær verklagsreglur og skipulag/tækni sem er nauðsynleg til að framkvæma hvert verkefni. Mikilvægt er að gera sér grein fyrir að þessi atriði geta aukið eða dregið úr þörf á mönnun með tilliti til þess hvort menn séu til reiðu og viðeigandi ferla og sérstakra möguleika á sviði tækni og/eða sjálfvirkni.

Hæfni til að fást við viðfangsefni.

1.6 Nota ætti upplýsingarnar sem verða til við að skilgreina rekstrarþættina og -starfssviðin til að ákvarða hversu mörgum verkefnum einstaklingur getur sinnt við hinar ýmsu rekstraraðstæður. Þeir þættir sem þarf að hafa í huga þegar þetta þrep er til meðferðar eru takmarkanir mannlega þáttarins og ákvæði viðeigandi viðmiðana og reglugerða. Í því felast kröfur um svefn og hvíldarþörf, líkamlegt og andlegt vinnuálag í tengslum við hvert verkefni og viðmiðunarmörk váhrifa umhverfisskilyrða um borð, svo sem af völdum hávaða, hita og eiturefna.

Mat á vinnuálagi.

1.7 Þegar hæfni til að fást við viðfangsefni í rekstri hefur verið greind eru niðurstöðurnar notaðar til að ganga úr skugga um að vinnuálag verði ekki til þess að brotið verði í bága við ákvæði um lágmarkshvíldartíma og hámarksvinnutíma í viðeigandi reglum sem gilda um þessi mál á landsvísu og heimsvísu. Þeir þættir sem hafa ber í huga á þessu þrepi eru lengd vinnulota, gerð vinnuáætlana og hvort einn skipverji geti sinnt þeim viðfangsefnum sem úthlutað hefur verið á hverja vinnulotu eða -lotur á hverjum vinnudegi.

2. Mat Samgöngustofu.

2.1 Samgöngustofu ber að meta/samþykkja umsókn félagsins með hliðsjón af viðeigandi reglum og leiðbeiningum á landsvísu og heimsvísu.

2.2 Eftir að hafa lagt mat á og samþykkt tillögu ber Samgöngustofu að gefa út öryggisskírteini um lágmarksmönnun, þ.m.t. sérstakar kröfur og skilyrði.

3. Viðhald öryggisskírteinis um lágmarksmönnun.

3.1 Félag skal upplýsa Samgöngustofu um hvers kyns breytingar sem kunna að hafa áhrif á öryggisskírteini um lágmarksmönnun og í slíkum tilvikum skal það undirbúa og leggja fram nýja tillögu, að teknu tilliti til 3. kafla þessa viðauka.

4. Eftirlit með reglufylgni.

Samgöngustofa endurmetur fyrirkomulag um lágmarksöryggismönnun reglulega.

Upplýsingar sem skal senda Eftirlitsstofnun EFTA vegna úrvinnslu tölfræðilegra gagna.

1. Þegar ákvæði reglugerðarinnar vísa til ákvæða V. viðauka, er átt við eftirfarandi upplýsingar, sem nánar eru tilgreindar í 9. mgr. í þætti A-I/2 í STCW-kóðanum um:

a) öll réttindaskírteini,

b) allar áritanir til staðfestingar á útgáfu þeirra og

c) um allar áritanir til staðfestingar á viðurkenningu réttindaskírteina, sem gefin eru út af öðrum löndum.

Þær upplýsingar sem eru stjörnumerktar með (*) skulu vera upplýsingar á nafnlausu formi, eins og krafist er skv. 3. mgr. 23. gr.:

Réttindaskírteini/áritanir til staðfestingar á útgáfu þeirra:

sérauðkenni farmanns, ef það er tiltækt (*),
nafn farmanns (*),
fæðingardagur og -ár farmanns,
ríkisfang farmanns,
kyn farmanns,
áritað númer réttindaskírteinis (*),
númer áritunar til staðfestingar á útgáfu réttindaskírteinis (*),
hæfni,
útgáfudagur eða síðasti dagur endurnýjunar skjals,
síðasti gildisdagur,
staða skírteinis, takmarkanir.

Áritanir til staðfestingar á viðurkenningu réttindaskírteinis sem gefið er út af öðrum ríkjum:

nafn farmanns (*),
fæðingardagur og -ár farmanns,
ríkisfang farmanns,
kyn farmanns,
útgáfuland upprunalegs réttindaskírteinis,
upprunalegt númer réttindaskírteinis (*),
númer áritunar til staðfestingar á viðurkenningu réttindaskírteinis frá öðru ríki (*),
hæfni,
útgáfudagur eða síðasti dagur endurnýjunar skjals,
síðasti gildisdagur,
staða áritunar,
takmarkanir.

2. Samgöngustofu er heimilt að veita, valkvætt, upplýsingar um hæfnisskírteini, sem gefin eru út fyrir undirmenn í samræmi við II., III. og VII. kafla viðaukans við STCW-samþykktina, s.s.:

sérauðkenni farmanns,
ef það er tiltækt (*),
nafn farmanns (*),
fæðingardag og -ár farmanns,
ríkisfang farmanns,
kyn farmanns,
númer hæfnisskírteinis (*),
hæfni,
útgáfudag eða síðasta dag endurnýjunar skjalsins,
síðasta gildisdag,
stöðu hæfnisskírteinis.