Rafbílastyrkir

Styrkurinn er í boði fyrir einstaklinga og fyrirtæki. Hvert ökutæki er bara styrkt einu sinni. Styrkurinn er greiddur til eiganda samkvæmt ökutækjaskrá.

Styrkhæfir bílar

Styrkurinn nær til:

• fólksbíla sem taka að hámarki 8 farþega (flokkur M1)

• sendibíla að hámarki 3,5 tonn að þyngd (flokkur N1)

• ökutækja sem hafa verið nýskráð á Íslandi innan 12 mánaða frá umsóknardegi

Bílarnir þurfa að:

• kosta minna en 10 milljónir (8 milljónir frá og með 1. nóvember 2026 þegar um fólksbíla er að ræða)

• vera losunarfrí ökutæki með engan útblástur

Undir það falla:

• rafmagnsbílar sem eru 100% knúnir rafmagni

• vetnisbílar með efnarafal

Kaup á ökutækjum í öðrum flokkum verða styrkt í gegnum sérstaka umsóknarferla og úthlutanir úr samkeppnissjóði á vegum Orkusjóðs.

Styrkupphæð - 2026

REGLUGERÐ um (6.) breytingu á reglugerð nr. 1566/2024 um Loftslags- og orkusjóð.

Nýskráðir á Íslandi

Til styrkhæfra ökutækja teljast ökutæki með fyrstu skráningu á Íslandi.

1. janúar 2026 breyttust hreinorkustyrkir til fólksbíla úr 900.000 kr. í 500.000 kr. (1. nóvember 2026 verða hreinorkustyrkir til fólksbíla 400.000 kr.).

Umsóknir sem verða samþykktar 1. nóvember 2026 eða síðar fá að hámarki 400.000 kr. jafnvel þótt ökutækið hafi verið keypt eða nýskráð fyrir þann tíma.

Sama á við um verðþakið. Fólksbílar sem kosta meira en 8 milljónir króna eru ekki styrkhæfir ef umsókn er samþykkt 1. nóvember 2026 eða síðar.

Til að sækja um styrk þarf ökutæki að vera nýskráð hjá Samgöngustofu og aðeins skráður eigandi getur sótt um.

Sækja þarf um rafbílastyrk innan 12 mánaða frá nýskráningu á Íslandi.

Fyrst skráðir erlendis (innfluttir notaðir bílar)

Ökutæki sem hafa verið fyrst skráð erlendis, en eru nýskráð á Íslandi innan 12 mánaða frá fyrstu skráningu erlendis eiga rétt á 400.000 kr. styrk (1. nóvember 2026 lækkar styrkurinn í 320.000 kr.).

Ökutæki sem eru nýskráð hér á landi meira en 12 mánuðum eftir fyrstu skráningu erlendis eru ekki styrkhæf.

Nýskráðir á Íslandi

Bílar sem hafa ekki verið styrktir áður og nýskráðir árið 2024 eða síðar.

Fyrst skráðir erlendis

Bílar sem voru fyrst skráðir erlendis, en síðar fluttir til landsins og hafa ekki áður verið styrktir.

Frekari upplýsingar (spurt og svarað):

Nánar um rafbílastyrki

Umsókn og greiðsla styrks

Sótt er um á Ísland.is gegnum umsóknarhnapp hér fyrir ofan.

Styrkurinn er greiddur til eiganda bílsins innan tveggja virkra daga frá umsókn.

Greitt er inn á þann bankareikning sem er skráður á Mínum síðum Ísland.is. Ef enginn bankareikningur er skráður þarf að skrá hann í stillingum á Mínum síðum áður en sótt er um.