Rafbílastyrkir
Styrkurinn er í boði fyrir einstaklinga og fyrirtæki. Hann er greiddur til eiganda bílsins samkvæmt ökutækjaskrá.
Greitt verður inn á þann bankareikning sem er skráður á Mínum síðum Ísland.is. Ef enginn bankareikningur er skráður þarf að skrá hann í stillingum á Mínum síðum áður en sótt er um.
Með því að sækja um styrkinn gengst umsækjandi við reglum og skilmálum þjónustunnar.
Styrkhæfir bílar
Styrkurinn nær til:
fólksbíla sem taka að hámarki 8 farþega (flokkur M1)
sendibíla að hámarki 3.5 tonn að þyngd (flokkur N1)
Bílarnir þurfa að:
vera nýskráðir á Íslandi eftir 1. janúar 2024
kosta minna en 10 milljónir
vera losunarfrí ökutæki með engan útblástur
Undir það falla:
rafmagnsbílar sem eru 100% knúnir rafmagni
vetnisbílar með efnarafal
Kaup á ökutækjum í öðrum flokkum verða styrkt í gegnum sérstaka umsóknarferla og úthlutanir úr samkeppnissjóði á vegum Orkusjóðs.
Styrkupphæð
Nýir bílar
Bílar sem eru fyrst skráðir á Íslandi.
Flokkur | Styrkupphæð |
|---|---|
Fólksbíll | 900.000 krónur |
Sendibíll | 500.000 krónur |
Notaðir bílar
Bílar sem eru fyrst skráðir erlendis.
Flokkur | Tími frá skráningu erlendis | Styrkupphæð |
|---|---|---|
Fólksbíll | innan við 1 ár | 700.000 krónur |
Fólksbíll | 1-2 ár | 600.000 krónur |
Fólksbíll | 2-3 ár | 500.000 krónur |
Fólksbíll | 3-4 ár | 400.000 krónur |
Sendibíll | innan við 1 ár | 400.000 krónur |
Umsóknarferli
Opnað verður fyrir umsóknir hér á þessari síðu 1.janúar 2024.
Greiðsla styrks
Styrkurinn er greiddur til eiganda bílsins innan tveggja virkra daga frá umsókn.
Greitt er inn á þann bankareikning sem er skráður á Mínum síðum Ísland.is. Ef enginn bankareikningur er skráður þarf að skrá hann í stillingum á Mínum síðum áður en sótt er um.
Þjónustuaðili
Orkustofnun