Panta skráningarskírteini

Samgöngustofa gefur út skráningarskírteini ökutækja.

Á skráningarskírteini má finna helstu upplýsingar um ökutækið, meðal annars:

• verksmiðjunúmer

• skráningarnúmer (bílnúmer)

• fyrsti skráningardagur

• vélarstærð

• sætafjöldi

• leyfileg þyngd eftirvagns

Útgáfa og afhending

Skráður eigandi ökutækis eða aðili með skriflegt umboð frá eiganda getur komið til Samgöngustofu, keypt skráningarskírteini og fengið það afhent á staðnum. Einnig er hægt að panta skráningarskírteini rafrænt með umsókninni hér að ofan og fá það sent með pósti á lögheimili eiganda.

Skráningarskírteini eru eingöngu gefið út á íslensku og ekki á rafrænu formi. Skírteinið er prentað á viðurkenndan öryggispappír með upphleyptum flötum.

Ekki er skylt að hafa skráningarskírteini meðferðis í ökutæki á Íslandi. Samgöngustofa gefur því aðeins út skráningarskírteini þegar sérstaklega er óskað eftir því.

Upplýsingar sem koma fram á skráningarskírteininu eru einnig aðgengilegar á Mínum síðum undir Ökutækin mín.

Kostnaður

• Skráningarskírteini án sendingar kostar 615 krónur

• Skráningarskírteini með sendingu kostar 982 krónur.