Mótmæla notkun persónuupplýsinga þinna

Andmælaréttur

Réttur til að mótmæla veitir þér heimild til að koma í veg fyrir að persónuupplýsingar þínar eru notaðar eða unnar í ákveðnum tilgangi.

Afgreiðslutími

Fyrirtæki eða stofnun verður að bregðast við eins fljótt og hægt er og ekki seinna en 1 mánuði frá því að beiðnin barst.

Við ákveðnar aðstæður má lengja frestinn um 2 mánuði. Í þessu tilviki verður að upplýsa þig:

• innan 1 mánaðar frá beiðni þinni

• um hvers vegna það er seinkun

• rétt til að leggja fram kvörtun til Persónuverndar.

Réttur til að mótmæla notkun persónuupplýsinga á við

Þú getur mótmælt vinnslu persónuupplýsinga þinna við ákveðnar aðstæður:

• Markaðssetning

Þú getur ávallt mótmælt notkun persónuupplýsinga þinna í beinni markaðssetningu. Þetta á við hvort sem markaðssetningin er byggð á lögmætum hagsmunum, samþykki eða öðrum grunni. Þegar þú mótmælir þarf fyrirtækið tafarlaust að hætta allri vinnslu tengdri markaðssetningu.

• Lögmætir hagsmunir

Ef persónuupplýsingar þínar eru unnar á grundvelli „lögmætra hagsmuna“ fyrirtækis eða stofnunar, getur þú mótmælt þessari vinnslu. Hins vegar getur fyrirtækið haldið áfram með vinnsluna ef það getur sýnt fram á yfirgnæfandi lögmæta ástæðu fyrir vinnslunni sem vegur þyngra en réttindi þín og frelsi.

• Opinber verkefni

Ef vinnslan er gerð í þágu opinberra verkefna eða vegna opinbers valds, getur þú mótmælt vinnslunni.

Bannskráning og bannmerking

Ekki má hafa samband við einstaklinga vegna markaðsetningar sem eru:

• í bannskrá Þjóðskrár

• bannmerkt í simaskrá já.is og 1819.is

Þá er bannað að hringja, senda SMS og tölvupóst við markaðssetningu ef ekkert viðskiptasamband er á milla aðila.

Einstaklingar eiga alltaf rétt á að mótmæla þó viðskiptasamband sé fyrir hendi.

Undantekning

Persónuvernd hefur litið svo á að ekki sé hægt að gera kröfu til sendanda markaðsefnis að bera saman við bannskrá þegar:

• markaðssetningarefni er beint að starfsmanni fyrirtækis, og sendandi er eingöngu með nafn viðkomandi starfsmanns undir höndum.

Ábyrgð fyrirtækja og stofnanna

Ábyrgðaraðili er sá sem vinnur með upplýsingarnar.

• Ábyrgðaraðili þarf að kanna hvort viðkomandi einstaklingur hafi með tilkynningu til Þjóðskrár eða bannmerkingu í símaskrá, andmælt notkun á nafni sínu við markaðssetningu.

• Ábyrgðaraðili má afhenda félaga-, nemenda-, starfsmanna- eða viðskiptamannaskrár til nota við beina markaðssetningu ef hann hefur gefið einstaklingum kost á að andmæla því að nafn hans verði á skránni. Afhending gagna má þó ekki fara gegn félagssamþykktum eða starfsreglum sem gilda hjá ábyrgðaraðila.

Eftirlit

• Persónuvernd og Þjóðskrá hafa eftirlit með því að aðilar í markaðssetningu virði bannmerkingu í þjóðskrá.

• Fjarskiptastofa hefur eftirlit með að aðilar virði bannmerkingu (x-merkingu) í símaskrá.