Ígulkeraveiðileyfi

Heimild til veiða á ígulkerjum er tvenns konar, með aflamarki og sérveiðileyfi á afmörkuðum svæðum.

Ígulkeraveiðar með aflamarki

Skilyrði

• Skip þarf leyfi til veiða í atvinnuskyni.

• Skip þarf að hafa aflamark í ígulkerum.

Veiðisvæði

• Veiðarnar má stunda á þremur svæðum í Breiðafirði sem tilgreind eru í reglugerð.

• Ekki er heimilt að veiða á fleiri en einu veiðisvæði í hverri veiðiferð.

Ígulkera sérveiðileyfi

Skilyrði

• Skip þarf leyfi til veiða í atvinnuskyni.

Veiðisvæði

• Ísafjarðardjúp

• Húnaflói, svæði tilgreind í reglugerð

• Austfirðir, svæði tilgreind í reglugerð

Heildarafli er tilgreindur fyrir hvert svæði og veiðar stöðvaðar þegar honum er náð.

Greitt er með greiðslukorti í umsóknarferli og kostar leyfið 22.000 krónur

Almennt um veiðarnar

Veiðarfæri

• Hámarks breidd plógs er 2,5 m og hámarksþyngd 700 kg.

• Einungis má nota einn plóg til veiða á hverju sinni.

• Möskvastærð þarf að vera að lágmarki 80 mm að innanmáli .

Vigtun

• Ekki má landa ígulkerum sem eru undir 45 mm í þvermál.

• Veiðist ígulker minni en 45 mm í þvermál á að sleppa þeim aftur.

• Skipstjóri á að gefa upp veiðisvæði aflans við vigtun á hafnarvog.