Upplýsingar er varða reglubundna skoðun

Upplýsingasíður framleiðenda í stafrófsröð.

• Tesla (allar gerðir)

Um tækniupplýsingar frá framleiðndum

Evrópureglugerð 2019/621/ESB kveður á um þær tæknilegu upplýsingar sem eru nauðsynlegar fyrir skoðun ökutækja varðandi þau atriði sem á að skoða, um þær skoðunaraðferðir sem mælt er með og um að koma á ítarlegum reglum um aðgang að viðkomandi tæknilegum upplýsingum.

• Tilteknar tæknilegar upplýsingar um ökutæki skulu vera aðgengilegar skoðunarstofum.

• Aðgengi að þessum upplýsingum skal vera með tilteknum hætti og á grundvelli verksmiðjunúmers.

• Aðgangur skal vera frjáls.

Fáir framleiðendur hafa til þessa er gert upplýsingar eins og hér er kveðið á um aðgengilegar. Samgöngustofa mun setja hlekki inn á síður framleiðenda þegar upplýst er um þá.

Sértækar upplýsingar: Hemlastrokkar og leyfileg færsla þrýstiteins

Í töflu 1 má sjá samantekt yfir leyfilega færslu þrýstiteina eftir tegundum hemlastrokka og stærða.

Tafla 1. Leyfileg færsla þrýstiteins (í mm) eftir tegundum hemlastrokka og stærða. (St8.1.5.1)

Sértækar upplýsingar: Viðmiðunarþrýstingur

Viðmiðunarþrýstingur (Pm) nokkurra bifreiðategunda (St8.2.5.1)

Hér að neðan er listi yfir tegundir hóp- og vörubifreiða og viðmiðunarþrýstingur framleiðanda þeirra, sjá töflu 2. Listinn er flokkaður í stafrófsröð eftir tegundum bifreiðanna.Ef viðmiðunarþrýstingur framleiðanda liggur ekki fyrir skal nota 6,5 bar.

Tafla 2. Viðmiðunarþrýstingur Pm ýmissa bifreiðategunda.

Skýringar:

Sértækar upplýsingar: Prufutengi

Hér fyrir neðan má sjá samantekt um staðsetningu prufutengja á nokkrum bifreiðategundum. (St8.2.5.2)

Hópbifreið - Mercedes Benz 0 350

Mynd 1. Framan

Mynd 2. Aftan

Hópbifreið - Mercedes Benz O 510

Mynd 3. Staðsetning innan við lúgu fyrir framan vinstra framhjól. Nr 3 og 4 eru fyrir framás (hægra og vinstra hjól), nr. 10 er fyrir afturás.

Hópbifreið - Mercedes Benz O 530 2 ása eftir 2000

Mynd 4. Staðsetning innan við lúgu fyrir framan vinstra framhjól. Nr. 13 og 14 eru fyrir framás (hægra og vinstra hjól), nr. 17 er fyrir afturás.

Hópbifreið - Mercedes Benz O 530 2 ása eftir 2006

Mynd 5. Staðsetning innan við lúgu fyrir framan vinstra framhjól. Nr. 14 og 15 eru fyrir framás (vinstra og hægra hjól), nr. 11 er fyrir afturás.

Hópbifreið - Mercedes Benz O 550

Mynd 6. Staðsetning innan við lúgu fyrir framan vinstra framhjól. Framásar eru "regelat bromsmanövertryck vänster/häger framhjul" og afturás er "manövertryck bakaxelkrets".

Hópbifreið - Mercedes Benz O 580

Mynd 7. Staðsetning innan við lúgu fyrir framan vinstra framhjól. Nr. TP5 og TP6 eru fyrir framása, TP12 er fyrir afturás.

Hópbifreið - K Setra S 415 frá 2002

Mynd 7. Staðsetning innan við framhurð hægra megin.

Mynd 8. Staðsetning innan við lúgu fyrir framan hægra afturhjól.

Hópbifreið - K Setra S 416 frá 2006

Mynd 9. Staðsetning við lúgu vinstra megin. Nr. TP5 og TP6 eru fyrir framás.

Mynd 10. Staðsetning innan við lúgu fyrir framan hægra afturhjól. Nr. TP13 og TP14 eru fyrir afturás.

Hópbifreið - Volvo B7LE og fleiri

Mynd 11. Staðsetning fyrir aftara kerfi er undir lúgu við aftari hjólskál.

Mynd 12. Í sumum tilvikum er hægt að komast að þessu tengi neðan frá.

Vörubifreið - Volvo með EBS kerfi frá 2004

Mynd 13. Staðsetning við vinstra framhjól.

Mynd 14. Staðsetning við tengistykki vinstra megin aftan.

Vörubifreið - MAN

Mynd 15. Staðsetning á vinstri hlið. Tveggja ása bifreið (nr. 1 er fyrir framás, nr. 2 er fyrir afturás og nr. 3 er fyrir stöðuhemil) og þriggja ása bifreið (nr. 1 er fyrir framás, nr. 2 er fyrir drifás, nr. 3 er fyrir stöðuhemil og nr. 4 er burðarás framan eða aftan við drifás). Ath að nr. 1 getur verið staðsett á öðrum stað á plötunni en sýnt er á myndinni.

Sértækar upplýsingar: Aðrar

Hemlabúnaður á léttiás kranabifreiða (St8.2.2.1)

Ekki skal gera athugasemd við hemlabúnað kranabifreiða þótt hemlabúnaður á léttiási sé ekki til staðar. Þetta er háð því skilyrði að hemlunargeta bifreiðanna sé fullnægjandi, sjá nánar kaflann um hemlapróf bifreiða. Þessi undanþága á eingöngu við kranabifreiðir sem nýskráðar voru fyrir 1. júlí 1990.

Upplýsingar um leyfilegt slag í stýrisendum

Ekkert slag er leyfilegt nema fyrir liggi upplýsingar frá framleiðanda um leyfileg mörk, sjá töflu 1.

Tafla 1. Upplýsingar um leyfilegt slag í stýrisendum. (St4.1.5.1)

Upplýsingar um leyfilegt slag í stýrisupphengjum

Ekkert slag er leyfilegt nema fyrir liggi upplýsingar frá framleiðanda um leyfileg mörk, sjá töflu 2.

Tafla 2. Upplýsingar um leyfilegt slag í stýrisupphengjum. (St4.1.5.4)

Upplýsingar um leyfilegt slag í stýrisvélum

Slag í festingum stýrisvéla í Toyota LandCruiser (St4.2.5.1)

Þessar upplýsingar eiga við um Toyota LandCruiser 90.

Til að finna slag í fóðringu í hægri festingu sem er baula með fóðringu utan um stýrisvél, tekið er á stýrisvél hægra megin upp og niður með höndum, dæmt ef los er meira en 3 mm.

Slag í festiboltum vinstra megin dæmt er ef slag er meira en 8 mm, mælt á skakara.

Slag í stýrisvél Mercedes Benz (St4.2.5.2)

Þessar upplýsingar eiga við um Mercedes Benz 168, 203, 209, 210, 211, 215, 220, 230 og 414.

Eftirfarandi atriði þarf að hafa í huga þegar slag í tannstangarstýrisvél upptaldra gerða er athugað:

• Hreyfillinn þarf að vera í gangi.

• Hjólin þurfa að snúa beint fram.

Þessi atriði gilda einnig þegar slag í innri stýrisenda er kannað.

Leyfilegt slag í spindilkúlum

Í töflu 1 má finna upplýsingar um leyfilegt slag í spindilkúlum í einstaka gerðum ökutækja.

Tafla 1. Upplýsingar um leyfilegt slag í spindilkúlum. Í öðrum tegundum ökutækja skal gengið út frá því að hámarks leyfilegt slag sé 1 mm. (St4.1.5.2)

M. Benz, gerðir 124 & 201 nema með vélar 104 & 119 (sjá gerðarnúmer)

Hlaup athugað með spindilmáta MB 201 589102300. Kúlur eru slitnar umfram leyfileg mörk ef hægt er að ýta mátanum í botn án mikils krafts og án notkunar verkfæra (sjá mynd 1).

Mynd 1. Hlaup athugað með spindilmáta.

Volkswagen Passat frá 1998

Í Volkswagen Passat frá 1998 eru stýrisdemparar á stýrisstöng við stýrisenda, við skoðun á slagi í stýrisenda sést slag í demparafestingunni, dæma skal hana skv. skoðunaratriði 5.3.2 Höggdeyfar og höggdeyfafestingar.

Citröen (með vökvafjöðrunarkerfi)

Aðferð til að athuga slag í spindilkúlum og aflesta þær er þessi. Lyftið undir burðarvirki bifreiðar þannig að hjól rétt fari á loft. Setja má hæðarstilli inni í bifreið í lægstu stöðu. Setjið kúbein undir hjól og lyftið og látið síga nokkrum sinnum. Við það gengur vökvinn í fjöðrunarkerfinu til baka og spenna fer af hjólabúnaðinum. Athugið slag í spindlum og stýrisendum á venjulegan hátt eins og um McPherson fjöðrun væri að ræða. Setjið hæðarstilli aftur í upprunalega stöðu ef hann hefur verið hreyfður.

Leyfilegt slag í hjólabúnaði

Nissan Primera P10 - leyfilegt slag í stífuenda (St6.3.5.1)

Leyfilegt slag í stífuenda Nissan Primera P 10 er mest 10 mm, sjá mynd 2.

Mynd 2. Leyfilegt slag í stífuenda er 10 mm.

MMC Pajero, Pajero Sport og L200 (árg 1993-2002)

Leyfilegt slag í efri hjólspyrnufóðringum að framan (double wishbone) í MMC Pajero, Pajero Sport og L200 er 1 mm (gildir um lausa fóðringu). Á við um þessa bíla af árgerðum 1993 til 2002, en þeir komu bæði með lausum og stífum fóðringum á þessu árabili.

Sjá mynd 3, annars vegar mynd af lausri fóðringu (v.m), hinsvegar af stífri fóðringu (þar sem ekkert slag er leyft h.m.). Gildir þegar tekið er á hjóli ofan og neðan með höndum eða létt með spennijárni (gæta verður að spenna ekki of mikið svo færsla gúmmífóðringarinnar sé ekki tekið sem slag.

Mynd 3. Myndir af stífri fóðringu og lausri hjólspyrnufóðringu.

SU- og Stromberg CD blöndungar o.fl. - möguleg skekkja í mælingu

Við langan hægagang getur hitinn í blöndungnum, einkum í SU- og Stromberg CD-blöndungum, hækkað CO-innihald. Varðandi einstakar bifreiðir er gerð sú krafa að CO-mæling sé gerð innan 3 mínútna eftir að hægagangur hófst. Ökumenn láta oft hreyfilinn ganga í hægagangi á meðan þeir bíða skoðunar og kann þá að vera að hiti í blöndungi sé of hár þegar ekið er inn til skoðunar. Reynist of hátt CO-innihald hjá ökutækjum með SU- og Stromberg CD-blöndunga ber að endurtaka mælingu en láta hreyfilinn snúast stutta stund með auknum snúningshraða, eða um 2000 sn/mín svo að blöndungurinn kólni.

Toyota Prius tvíorku - gangsetning bensínhreyfils

Toyota Prius tvíorkubifreið drepur á bensínhreyflinum að uppfylltum tveim skilyrðum:

Til þess að hægt sé að mæla útblástursmengunina frá bensínhreyflinum í skoðun þarf að fara framhjá tölvukerfinu í bifreiðinni til að gangsetja hreyfilinn þegar hann er heitur eða bifreiðin í kyrrstöðu.Eftirfarandi atriði þarf að framkvæma og atriði 2 til 4 á innan við 60 sek:

Lexus RX400h, GS450h og LS600h tvíorku - gangsetning bensínhreyfils

Til að ræsa bensínhreyfil þessara bifreiða:

Hemlabúnaður

Sértækar upplýsingar: Ýmsar

Varðar framhemladælur á Chevrolet Blazer (framl. á 8. og 9. áratugnum) (St8.2.2.2)

Til að koma 15” felgum á 8 bolta nafir á Dana 44 ásum þarf í öllum tilfellum að eiga eitthvað við hemlabúnaðinn að framan, misjafnlega mikið eftir því undan hvaða tegundum ásarnir eru. Á ásum undan Chervolet Blazer þarf það lítið til, ef notaðar eru ákveðnar felgur, að það er einungis hið hrjúfa yfirborð hemladælunnar, „appelsínuhúðin”, sem þarf að slípa niður. Þar sem sú aðgerð rýrir ekki styrk dæluhússins að neinu leyti hefur hún verið leyfð á Chevrolet ásum.