Fjölgun fasteigna í Fasteignaskrá

• Þegar verið er að fjölga fasteignum í fjölbýlishúsi, bæta við íbúð í eigin húsi eða fasteign á eigin lóð, þarf að sækja um hjá byggingarfulltrúa sveitafélagsins til að stofna nýtt fasteignanúmer.

• Greiða þarf skráningargjald fyrir hvert nýtt fasteignanúmer sem er stofnað samkvæmt gjaldskrá HMS. kr. 35.200 fyrir hvert nýtt fasteignanúmer.

• Einungis er tekið við greiðslum með greiðslukorti. Fyrir aðrar greiðsluleiðir er bent á að hafa samband með viðeigandi upplýsingum á netfangið esk@hms.is.

Upplýsingar um fasteignir

• Í Fasteignaskrá er hægt að finna fasteignanúmer og fleiri upplýsingar út frá heimilisfangi.

• Einnig er hægt að sjá upplýsingar úr Fasteignaskrá á Mínum síðum á Ísland.is.

• Í Mannvirkjaskrá er hægt er að finna nákvæmar upplýsingar um fasteignir, meðal annars teikningar af húsum og lóðum.

Skráning fyrir hönd þriðja aðila

Þegar sótt er um fjölgun fasteigna sem er í eigu þriðja aðila ( einstaklings eða lögaðila) þarf viðkomandi eigandi að veita umsækjanda umboð. Umboðið er veitt til lengri eða skemmri tíma á Ísland.is.

• Leiðbeiningar hvernig á að veita umboð

Kostnaður

35.200 krónur