Fjölgun fasteigna í Fasteignaskrá

Ef þú ert að fjölga fasteignum í fjöleignahúsi (fjölbýlishús með íbúðum í eigu mismunandi aðila) eða að bæta við íbúð í eigin húsi eða fasteign á eigin lóð, þarftu að greiða fyrir skráningu á nýju fasteignanúmeri í Fasteignaskrá hjá HMS.

• Aðkoma skipulags-og/eða byggingarfulltrúa viðeigandi sveitarfélags er nauðsynleg. Í flestum tilfellum er þegar búið að samþykkja aðaluppdrætti eða skila inn drögum að eignaskiptayfirlýsingu til byggingarfulltrúa viðeigandi sveitarfélags, til samræmis við byggingarleyfi eða samþykkta deiliskipulagsheimild.

• Eftir að greiðsla hefur borist mun byggingarfulltrúi í þínu sveitarfélagi taka erindið til afgreiðslu og skrá og útdeila nýjum fasteignanúmerum.

Upplýsingar um fasteignir

• Í Fasteignaskrá er hægt að finna fasteignanúmer og fleiri upplýsingar út frá heimilisfangi.

• Einnig er hægt að sjá upplýsingar úr Fasteignaskrá á Mínum síðum á Ísland.is.

• Í Mannvirkjaskrá er hægt er að finna nákvæmar upplýsingar um fasteignir, meðal annars teikningar af húsum og lóðum.

Umsókn

Ekki er hægt að nota innskráningu sem prókúruhafi.
Einungis er hægt að greiða með greiðslukorti í gegnum þessa umsókn. Ef þú vilt fá greiðsluseðil í heimabanka, hafðu samband með viðeigandi upplýsingum á netfangið esk@hms.is.

Í umsókninni þarf að koma fram:

• Fasteignanúmerið á upprunalegri eign. Aðrar upplýsingar tengdar fasteignanúmerinu eru sjálfkrafa fylltar út.

• Hversu mörgum nýjum fasteignum þú ætlar að bæta við í fasteignaskrá og er greiðslan í samræmi við það. Það þarf ekki að greiða fyrir fasteignanúmerið sem nýju eignirnar eru myndaðar úr.

• Netfang.

Eftir að umsóknin hefur verið sett í körfu getur þú gengið frá pöntuninni og fyllt inn greiðslukortaupplýsingar til að greiða.

Fjöleignarhús

Ef þú ert að stofna nýja fasteign í fjöleignarhúsi þarftu í kjölfarið að gera eignaskiptayfirlýsingu með nýjum fasteignanúmerum og þinglýsa hjá sýslumanni.

Kostnaður

35.200 krónur fyrir hvert nýtt fasteignanúmer.