Gifting erlendis

Standi ekkert í vegi fyrir fyrirhugaðri stofnun hjúskapar erlendis gefur Sýslumaðurinn í Vestmannaeyjum út yfirlýsingu þess efnis.

Umsækjandi þarf að vera með lögheimili á Íslandi.

Fylgigögn

• Hjúskaparstöðuvottorð

 Sýslumaður mun afla annarra nauðsynlegra gagna.

Umsóknir á eyðublöðum

Ef umsækjandi er ekki með rafræn skilríki má hafa samband við Sýslumannsembættið í Vestmannaeyjum í síma 458 2900 eða senda tölvupóst á giftingerlendis@syslumenn.is til að fá eyðublað afhent. 

Fylgigögn með eyðublaði

• Afrit af vegabréfi, ökuskírteini eða nafnskírteini, staðfest af sýslumanni

• Hjúskaparstöðuvottorð frá Þjóðskrá Íslands

Afgreiðslutími umsóknar

Yfirlýsing sýslumanns er send í pósthólf umsækjanda á island.is eða með öðrum hætti sé þess sérstaklega óskað, innan 3ja virkra daga, ef öll skilyrði eru uppfyllt.

Staðfesting íslenskra skjala

Erlend yfirvöld geta farið fram á að íslensk skjöl og vottorð séu formlega staðfest af utanríkisráðuneytinu.  Nefnist slíkt vottun utanríksiráðuneytis apostille vottun, og er staðfesting á að þar til bært yfirvald á Íslandi hafi gefið út yfirlýsingu.  

Kostnaður

Umsækjandi greiðir sjálfur fyrir vottorð sem þurfa að fylgja umsókn og eftir atvikum apostille vottunar.