28. september 2022
28. september 2022
Ráðleggingar um grænkerafæði gefnar út
Ráðleggingar um mataræði hafa verið gefnar út fyrir þá sem kjósa grænkerafæði (vegan mataræði). Annars vegar fyrir barnshafandi konur og konur með barn á brjósti og hins vegar fyrir börn frá fæðingu til sex ára aldurs. Bæði er hægt að nálgast samantektir úr ráðleggingunum fyrir mismunandi hópa, sem og ítarlegri texta.
Ráðleggingarnar byggja á Norrænu næringarráðleggingunum og sambærilegum ráðlegginum um grænkerafæði á Norðurlöndunum og voru unnar með Þróunarmiðstöð íslenskrar heilsugæslu og Menntavísindasviði Háskóla Íslands, í samvinnu við Samtök grænkera á Íslandi.
Þessar ráðleggingar eru ætlaðar þeim sem kjósa grænkerafæði og vilja fræðast frekar um hvaða næringarefni eru mikilvæg á þessum tímabilum ævinnar.
Þær geta einnig verið stuðningur fyrir þá sem þurfa að útiloka ákveðnar fæðutegundir úr mataræði sínu eða sem fylgja grænmetismataræði sem inniheldur einhverjar fæðutegundir úr dýraríkinu.
Tenglar
Grænkerafæði (vegan mataræði) fyrir börn frá fæðingu að 6 ára aldri:
Samantekt – Grænkerafæði (vegan mataræði) fyrir börn frá fæðingu að 6 ára aldri
Ítarlegri texti - Grænkerafæði (vegan mataræði) fyrir börn frá fæðingu að 6 ára aldri
Grænkerafæði (vegan mataræði) á meðgöngu og við brjóstagjöf
Samantekt – Grænkerafæði (vegan mataræði) á meðgöngu og við brjóstagjöf
Ítarlegri texti – Grænkerafæði (vegan mataræði) á meðgöngu og við brjóstagjöf
Norrænar ráðleggingar
Ráðleggingar um grænkerafæði fyrir börn í Noregi
Ráðleggingar um grænkerafæði fyrir börn í Svíþjóð
Norrænar næringarráðleggingar 2012
Nánari upplýsingar veita
Jóhanna Eyrún Torfadóttir
netfang: johanna.e.torfadottir@landlaeknir.is
og
Hólmfríður Þorgeirsdóttir
netfang: holmfridur.thorgeirsdottir@landlaeknir.is
verkefnisstjórar næringar