Aðgerðir til að efla vöktun smitsjúkdóma á Íslandi

Heilbrigðisáætlun Evrópusambandsins (EU4Health) styrkir verkefnið um rúmlega 470 milljónir króna (tæpar 3,2 milljónir evra). Vægi þessa verkefnis undirstrikar þá miklu og vaxandi áherslu sem Evrópusambandið leggur á aðgerðir til styrktar heilsuógnum þvert á landamæri á komandi árum. Mestur kostnaður verður í formi tæknilegrar verktakavinnu hérlendis utan stofnunar en embætti landlæknis leggur einnig til starfskraft til ákveðinna verka.

EU4H-2023-DGA-MS3-IBA: improving and strengthening national surveillance systems

Styrkurinn miðar að því að styrkja vöktunarkerfi sóttvarna á Íslandi, sérstaklega með hliðsjón af áskorunum sem glímt var við í COVID-19 heimsfaraldrinum. Með því að takast á við helstu viðfangsefni sem við stóðum frammi fyrir stefnum við að því að efla viðbúnað og viðbragðsgetu okkar og einnig vera skilvirkari þátttakendur í vöktun á ESB/EES svæðinu.

Aðgerðir

Umsóknin gengur út á víðtækar umbætur á stafrænum lausnum tengdum gagnagrunnum sóttvarnalæknis. Verkefnin beinast að nokkrum lykilatriðum:

• Efla smitsjúkdómaskrá sem gagnagrunns til móttöku gagna og þar með úrvinnslu þeirra.

• Þróa sýnatökukerfi sem nái yfir ýmsa sýkla, sérstaklega öndunarfæraveirur eins og COVID-19 og inflúensu til að nota í faröldrum.

• Koma á tengingu milli gagnagrunna til að efla alhliða vöktun, þar á meðal á alvarlegum sýkingum.

• Að innleiða kerfi fyrir lækna í rafrænni sjúkraskrá til að senda klínískar upplýsinga fyrir tiltekna tilkynningarskylda sjúkdóma samkvæmt lögum, til að auka hagræði og bæta skil.

• Þróa öflugan gagnagrunn fyrir smitrakningu um atburði sem krefjast slíks.

• Bæta stafrænt viðmót til birtingar gagna úr vöktun sem sýnir þróun sjúkdóma nær rauntíma.

Markmið

Með þessum umbótum er stefnt að því að nútímavæða og styrkja innviði vöktunar á Íslandi, og gera vöktun, forvarnir, viðbragð og sóttvarnir almennt skilvirkari.

Sóttvarnalæknir