900 milljóna ávinningur af Umsóknakerfi Ísland.is 2024

Umsóknum sem fóru gegnum Umsóknakerfi Ísland.is hefur fjölgað um 79% milli ára, heildarfjöldi umsókna í kerfinu var um 300.000 árið 2024. Alls nýttu 42 opinberir aðilar umsóknakerfið í fyrra, þar á meðal stofnanir, sveitarfélög og ráðuneyti en þeim hefur fjölgað hratt að undanförnu, eða um 150% frá árinu 2023.

Fjöldi umsókna:

Fjárhagslegur ávinningur þessa er áætlaður um 900 milljónir kr. eins og sjá má á meðfylgjandi mynd. Þá hefur stafvæðing ferla sömuleiðis einfaldað líf fólksins í landinu umtalsvert með fækkun bílferða og minni biðtíma. Umsóknakerfi á Ísland.is er opið allan sólarhringinn og notendur geta því sinnt sínum erindum þegar þeim hentar best. Upplifun notenda er einnig bætt með samræmdu útliti, leiðbeiningum og flæði umsóknarferla þar sem tekið er tillit til ströngustu aðgengiskrafna.

* Mest notuðu umsóknir Umsóknakerfis Ísland.is 2024.

Sömuleiðis sýnir Ávinningsmat stafrænna ferla að hagræðing af Umsóknakerfinu hafi verið um 900 milljónir kr. árið 2024. Miðast það við þær 300 þúsund umsóknir sem fóru í gegnum kerfið að gefnum sömu forsendum um að afgreiðslutími sé 10 mínútur og tvær heimsóknir hafi þurft til að ljúka erindinu.

Meðal notkun umsóknar í Umsóknakerfi Ísland.is er 1.167 þúsund á ári og ef miðað er við 10 mínútna afgreiðslutíma og 2 heimsóknir til stofnunar vegna erindis er hagræðing um 3,5 milljónir á ári per umsókn fyrir stofnunina eins og sjá má á meðfylgjandi mynd. 

Athygli er vakin á því að ávinningur í Ávinningsmatinu er skilgreindur lágmarksávinningur sem fæst af því að stafvæða ferla. Þannig eru tækifæri í breyttri húsnæðisþörf eða breytingum á innri ferlum ekki tekin með í útreikningum.

Lesa nánar um Umsóknakerfi Ísland.is

Skoða ávinningsmat stafrænna ferla