60 þúsund skráningar kílómetrastöðu

Þar af bárust 228 skráningar á gamlárskvöld, á meðan á Áramótaskaupinu stóð!
Innan við mínútu tekur að skrá stöðuna á Mínum síðum Ísland.is eða í Ísland.is appinu.

Kílómetragjald verður greitt mánaðarlega, með svipuðum hætti og rafmagnsreikningurinn, og verður fyrsti gjalddagi 1. febrúar 2026.

Kílómetragjald miðast við meðalakstur á mánuði sem áætlaður er út frá síðustu tveimur skráningum á kílómetrastöðu.

Flestir bílar eru nú þegar komnir með að minnsta kosti tvær skráningar þar sem kílómetrastaða hefur verið skráð við bifreiðaskoðun og við eigendaskipti.

Umráðamenn bíla eru hvattir til að kynna sér kílómetraskráningu síns ökutækis á Ísland.is fyrir 20. janúar og bæta við skráningu ef aðeins ein er til staðar á síðustu 12 mánuðum. Þannig er tryggt að kílómetragjald endurspegli raunverulegan akstur.