Fá aðstoð við að finna vinnu
Hjá ráðgjöfum Vinnumálastofnunar geta öll sem eru í atvinnuleit fengið einhverja aðstoð varðandi leit að starfi, hvort sem sótt er um atvinnuleysisbætur eða ekki.
Á atvinnuleysisskrá
Ef einstaklingur fær greiddar atvinnuleysisbætur er viðkomandi skráður á atvinnuleysisskrá. Þá er í boði þjónusta ráðgjafa sem aðstoða við atvinnuleitina. Ráðgjafar taka við atvinnuleitendum í viðtöl.
Hafa samband við Vinnumálastofnun og bóka viðtal við ráðgjafa.
Meiri stuðningur í atvinnuleit og í nýrri vinnu
Þjónusta sem er sniðin að hverjum og einum og hentar fólki með skerta starfsgetu.
Verndaðir vinnustaðir
Vinnustaðir fyrir þau sem þurfa meiri stuðning í vinnu.
Vernduð vinna, hæfing og dagþjónusta
Atvinnuleit í öðru Evrópulandi
Einstaklingar sem fá atvinnuleysisbætur geta farið í atvinnuleit til Evrópu. Sótt er um vottorð sem veitir rétt til að fá greiddar atvinnuleysisbætur í öðru EES-landi í allt að þrjá mánuði.
Öll sem eru að leita að vinnu
Það er hægt að skrá sig í atvinnuleit án þess að sækja um atvinnuleysisbætur. Þá er viðkomandi kominn í gagnagrunn Vinnumálastofnunar. Skráning er á:
Mínum síðum Vinnumálastofnunar
Undir „Umsóknir“ er valið „Skráning í atvinnuleit án atvinnuleysisbóta“.
Þjónustuaðili
Vinnumálastofnun