Dómasafn gefið út af dómstólum

Ákærði sakfelldur fyrir þjófnað í 89 ákæruliðum. Þá rauf hann skilorð frá árinu 2024 og var dæmdur í 14 mánaða fangelsi.

Aðili sem kvaðst hafa verið milligöngumaður um kaup á bifreið í Þýskalandi sem var svo flutt til Íslands krafði kaupanda bifreiðarinnar um meintar eftirstöðvar af kaupverði bifreiðarinnar eða eftir atvikum endurgreiðslu vegna tjóns sem milligöngumaðurinn taldi sig hafa orðið fyrir vegna vanefnda kaupandans. Sönnun um aðild stefnanda tókst ekki að mati dómsins og því sýknað vegna aðildarskorts sbr. 2. mgr. 16. gr. laga nr. 91/1991.

Sakfellt fyrir innflutning á ólöglegu fíkniefni, Kratom. Ekki fallist á vörn ákærða sem byggðist á því að hann hafi talið efnið löglegt hér á landi líkt og það væri í hans heimalandi. Þriggja mánaða skilorðsbundið fangelsi.

Stefnandi krafðist skaðabóta úr ríkissjóði vegna tjóns sem hann taldi að yfirmatsnefnd samkvæmt ábúðarlögum hefði valdið sér við yfirmat á árinu 2019, sem gert var vegna ábúðarloka ábúenda á jörð í hans eigu. Sýknað var af bótakröfunni þar sem ekki hafði verið sýnt fram á að yfirmatsnefnd hefði gert mistök eða ekki farið að lögum við gerð yfirmatsins.

Ákærði var fundinn sekur um akstur sviptur ökurétti og gert að sæta fangelsi í 90 daga.

Ákærði var sakfelldur fyrir skjalafals og umferðarlagabrot. Var honum gert að sæta fangelsi í 30 daga skilorðsbundið til tveggja ára.

Ákærði var sakfelldur fyrir umferðarlagabrot og gert að sæta fangelsi í 22 mánuði.

A höfðaði mál gegn B og krafðist greiðslu skuldar samkvæmt skuldaviðurkenningu sem C heitin hafði gefið út vegna láns til kaupa og endurbóta á fasteign. B, sem var lögerfingi C og skipti búi C einkaskiptum, krafðist sýknu og byggði m.a. á því að hluti lánsins hefði ekki verið veittur C og að skuldin hefði verið greidd með úttektum A af reikningum C. Í dómi héraðsdóms var talið sannað að lánið hefði verið veitt samkvæmt skuldaviðurkenningunni og að B hefði ekki sýnt fram á að síðar tilgreindar úttektir eða millifærslur hefðu verið greiðslur inn á kröfuna. Var því fallist á kröfu A.

Ákærði sakfelldur fyrir að aka í sjötta sinn sviptur ökurétti innan ítrekunartíma í skilningi 71. gr. almennra hegningarlaga. Dæmdur til að sæta fangelsi í 6 mánuði.