Við andlát fá aðstandendur hins látna afhent dánarvottorð frá lækni sem afhenda þarf á skrifstofu sýslumanns í umdæmi þar sem hinn látni átti lögheimili. Sýslumaður áframsendir dánarvottorðið til Þjóðskrár Íslands sem skráir viðkomandi einstakling látinn í þjóðskrá.
Sá sem pantar dánarvottorð frá Þjóðskrá þarf að eiga einhver tengsl við þann látna. Vottorðið sýnir dánardag og dánarstað auk hjúskaparstöðu við andlát.