Fara beint í efnið

Dagsektir Vinnueftirlits ríkisins

Sýslumaðurinn á Norðurlandi vestra annast innheimtu dagsekta sem Vinnueftirlit ríkisins ákvarðar. 

Innheimtuferli

Þegar krafa er stofnuð birtist hún í heimabanka skuldara.  Innheimtubréf eru send í pósthólf viðkomandi á island.is.  

Ef krafan fæst ekki greidd 30 dögum eftir að innheimtubréf hefur verið sent og ekki er samið um kröfuna er greiðsluáskorun birt af stefnuvotti. 

Eftirfarandi úrræði koma til, til að knýja á um greiðslur:

  • Skuldajöfnuður við inneignir í ríkissjóði

  • Skráning á vanskilaskrá

  • Fjárnám

  • Nauðungarsala

Greiðsludreifing 

Beiðni um greiðsludreifingu þarf að berast skriflega á netfangið innheimta@syslumenn.is eða með bréfi til embættis sýslumannsins á Norðurlandi vestra. Lágmarksfjárhæð mánaðarlegra greiðslna í greiðsludreifingu er 10.000 krónur.

Athugið að hægt er að greiða kröfu á bankareikning  0159-26-267, kennitala 660914-0990. Tilgreina þarf kennitölu og nafn skuldara við greiðslu í banka.

Þá er einnig hægt að greiða með greiðslukorti og gera boðgreiðslusamning.

Kæruleiðir

Hægt er að óska rökstuðnings, endurupptöku eða kæra niðurstöðu til Félagsmálaráðuneytisins innan 14 daga frá því að ákvörðun Vinnueftirlitsins um dagsektir var móttekin. Upplýsingar um álagðar dagsektir er að finna á heimasíðu Vinnueftirlitsins

Stjórnsýslukæra frestar ekki réttaráhrifum ákvörðunar en frestar aðför.  Hafi ákvörðun Vinnueftirlitsins verið kærð skal senda staðfestingu um það til Sýslumannsins á Norðurlandi vestra á netfangið innheimta@syslumenn.is

Dagsektir sem hafa ekki verið innheimtar falla niður ef sektarþoli verður síðar við kröfum Vinnueftirlitsins.

Sýslumaðurinn á Norðurlandi vestra

Sýslu­mað­urinn á Norð­ur­landi vestra