Sækja um bifhjólaréttindi

Aldursskilyrði fyrir flokka bifhjóla eru:

• AM-flokkur - 15 ára

• A1-flokkur - 17 ára

  • veitir einnig AM réttindi

• A2-flokkur - 19 ára

  • veitir einnig AM og A1 réttindi

• A-flokkur - 24 ára (nema 21 árs ef þú tókst A2 19 ára)

  • veitir einnig AM, A1 og A2 réttindi

Sækja má um að byrja að læra 3 mánuðum fyrir afmælisdag.

Kostnaður

Ökuskírteini fyrir létt bifhjól, AM próf, kostar 4.300 krónur. 

Ökuskírteini fyrir þungt bifhjól, A próf, kostar 8.600 krónur.

Ökuskírteini skal greiða með greiðslukorti í starfrænum umsóknum eða hjá sýslumanni þar sem sótt er um.

Námsferlið

Upplýsingar um mótorhjólanámið finnur þú á vef Samgöngustofu.

Umsóknarferli

Sýslumaður sendir námsheimild til Frumherja og þá má umsækjandi hefja nám. Próf eru pöntuð hjá Frumherja.

Að loknu prófi getur ökumaður sótt bráðabirgðaakstursheimild til sýslumanns gegn framvísun staðfestingar frá prófdómara. 

Afgreiðslu og afhendingarferli

Afgreiðslutími ökuskírteina er allt að 7 virkir dagar frá því að umsókn berst og ökuskírteini er pantað

Hægt er að fá ökuskírteini afhent á eftirfarandi vegu:

• Sent í pósti (póstburðgjald bætist við)

• Sækja í afgreiðslu syslumanna.

Stafrænt ökuskírteini uppfærist í Ísland.is appinu um leið og ökuskírteini er pantað, hægt er að óska eftir bráðabirgðaakstursheimild á pappír ef t.d. aðilar eru að taka aukin ökuréttindi eða eru ekki með rafræn skilríki.

Fylgigögn

• Með umsókninni þarf að fylgja passamynd.

• Þurfi umsækjandi að nota gleraugu eða linsur við akstur eða á við annan heilsufarsvanda að stríða sem getur haft áhrif á akstur þarf að skila læknisvottorði frá heimilislækni.